រាជធានីភ្នំពេញ ៖ ស្ត្រីវ័យជាង៣០ឆ្នាំម្នាក់ បានដួលសន្លប់នៅតាមផ្លូវតែម្នាក់ឯង ខណៈដែលរូបនាងជិះម៉ូតូម៉ាកស្គូពី ពណ៌ខ្មៅ មួយគ្រឿង នៅតាមផ្លូវសុខៗ ក៏បានឈប់ម៉ូតូដាក់ចន្ទល់រួចចុះទៅក្អូតចង្អោរបានបន្តិចក៏ស្រាប់តែគេឮសំឡេង នាងស្រែក (ជួយខ្ញុំផង) បានតែ២ទៅ៣ម៉ាត់ ក៏សន្លប់តែម្ដងទំនងជានាងមានបញ្ហាសុខភាព។ ហេតុការណ៍នេះដែរបានកើតឡើង កាលពីវេលាម៉ោង៥ និង៣០នាទីល្ងាច ថ្ងៃទី១៩ ខែមិថុនា ឆ្នាំ២០១៨ នៅចំណុចផ្លូវព្រះនរោត្តម (ភ្លើងស្តុបសាលាចតុមុខ) ក្នុងសង្កាត់បឹងរាំង ខណ្ឌដូនពេញ។ តាមប្រភពពីបុរសម្នាក់បានប្រាប់ឱ្យដឹងថា មុនពេលកើតហេតុ រូបគាត់បានឃើញស្ត្រីម្នាក់ មានអាយុប្រមាណជាជាង៣០ឆ្នាំម្នាក់ បានជិះម៉ូតូម៉ាក ស្គូពី ពណ៌ខ្មៅ ពាក់ស្លាកលេខ ភ្នំពេញ ១FV-៤៣៨៨ មួយគ្រឿង តែម្នាក់ឯង តាមបណ្តោយផ្លូវព្រះន រោត្តម ក្នុងទិសដៅពីជើងទៅត្បូង។
លុះមកដល់ចំណុចខាងលើ រូបនាងក៏បានឈប់ម៉ូតូនៅលើចិញ្ចើមផ្លូវ ដាក់ចន្ទល់រួចក៏រត់ចុះទៅក្អួតចង្អោរ និងបានស្រែកថា (ជួយខ្ញុំផងៗ) បានតែ២ទៅ៣ម៉ាត់ ប៉ុណ្ណោះក៏សន្លប់ ទៅ ពេលនោះរូបលោក និងអ្នកជិតខាងដទៃទៀត រួមទាំងកម្លាំងមានសម្ថកិច្ចដែលជាច្រើននាក់ នៅក្បែរនោះបាននាំគ្នារត់មកមើលផងដែរ។ តាមប្រភពដដែលបានប្រាប់បន្តទៀតថា ភ្លាមនោះពួកគាត់ក៏បាននាំគ្នាយកប្រេងកូឡាទៅលាបរឹត និងធ្វើចលនាសង្គ្រោះបឋម ហើយ បានធ្វើឲ្យនាងដឹងខ្លួនបានបន្តិចក៏ស្រាប់តែសន្លប់បាត់ស្មារតីឈឹងតទៅទៀត ហើយក៏មានការភ្ញាក់ផ្អើល ទៅដល់កម្លាំងមានសមត្ថកិច្ចមូលដ្ឋានចុះមកដល់ និង ជួយហៅរថយន្តសាមុយរបស់មន្ទីរពេទ្យ កាល់ម៉ែត មកដឹកយកទៅសង្គ្រោះបាត់ទៅ។
ពាក់ព័ន្ធទៅនឹងករណីស្ត្រីម្នាក់ជិះម៉ូតូមកដួលសន្លប់ តាមផ្លូវនេះដែរ ត្រូវបានពួកគាត់ធ្វើការសន្និដ្ឋានថា ទំនងជារូបនាងមានបញ្ហាសុខភាពហើយ មើលទៅទើបបានជាជិះម៉ូតូមកដួលសន្លប់នៅតាមផ្លូវបែបនេះ ហើយក៏មានបុរស ជាជនបរទេសម្នាក់ទំនងជាប្តីរបស់នាងទូរស័ព្ទមករកនាងផងដែរ តែត្រូវបានអ្នកចេះភាសាអង់គ្លេសម្នាក់បានលើកនិយាយ និង ប្រាប់គេឲ្យទៅចាំមើលនាងនៅឯមន្ទីរពេទ្យផងដែរ។ ក្រោយពេលកើតហេតុ ស្ត្រីរងគ្រោះត្រូវបានរថយន្តសាមុយមកដឹកយកទៅសង្គ្រោះនៅមន្ទីរពេទ្យកាល់ម៉ែត។
ចំណែកឯ របស់របររបស់នាងមួយចំនួន មានដូចជា ម៉ូតូម៉ាកស្គូពី ពណ៌ខ្មៅ មួយគ្រឿង ទូរស័ព្ទដៃពណ៌ខ្មៅ កាបូបដៃតូចចំនួនមួយ ដែលមានលុយមួយចំនួនខាងក្នុង វ៉ែនតា កូនសោ រួមទាំងវត្ថុផ្សេងៗ មួយចំនួនទៀត ត្រូវបានកម្លាំងនគរបាលប៉ុស្តិ៍បឹងរាំង យកទៅរក្សាទុកផងដែរ។ លុះរហូតជាង ១ម៉ោងក្រោយមកនាល្ងាចថ្ងៃដដែលនេះ ទើបមានស្រីជំទង់ម្នាក់មានអាយុប្រមាណជា១៦ ទៅ១៧ឆ្នាំ ដែលនាងអះអាងថា ជាកូនស្រីរបស់ស្ត្រីជាជនរងគ្រោះមកទទួលយកទៅវិញបាត់ទៅ ដោយបានត្រឹមតែ ប្រាប់សម្ថកិចថា នាងមានទីលំនៅនៅជាន់ទី២ ម្តុំភោជនីយដ្ឋានថ្មដា ក្នុងសង្កាត់៧មករា តែប៉ុណ្ណោះ៕
https://youtu.be/6sztsABUH1I
ចែករំលែកព័តមាននេះ