ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវបានស្លាប់ ដោយសារតែមឈូសរបស់ម្តាយរអិលចុះពីមេនមកសង្កត់ម៉ត់ដូចចេកចៀន។ រឿងហេតុនេះកើតឡើងនៅថ្ងៃសុក្រ ឯកោះ Sulawesi ប្រទេសឥណ្ឌូនេស៊ី។
បុរសរងគ្រោះខាងលើអាយុ៤០ឆ្នាំ Samen Kondorura បានស្លាប់ពេលឈើកល់មឈូសរបស់ម្តាយបាត់បង់លំនឹង ហើយធ្លាក់មឈូសចុះមកពីលើមេន នៅក្នុងសង្កាត់ North Toraja។ នៅក្នុងវីដេអូបានថតទិដ្ឋភាពនេះ ត្រូវបានគេចែករំលែកពេញបណ្តាញសង្គម ហើយត្រូវបានគ្រប់គ្នាភ្ញាក់ផ្អើលយ៉ាងខ្លាំង។ ក្រោយពេលត្រូវមឈូសរអិលសង្កត់ភ្លាម Samen ត្រូវបានគេបញ្ជូនទៅមន្ទីរពេទ្យភ្លាម តែក្រោយមកក៏ត្រូវបានគ្រូពេទ្យប្រកាសថា ស្លាប់បាត់បង់ជីវិត។
បើតាមសាក្សីនៅកន្លែងកើតហេតុបានប្រាប់ថា នេះមកពីឈើកល់មឈូសធ្វើមិនមាំ ដែលបណ្តាលឲ្យកើតរឿងនេះឡើង។ តែខាងសាច់ញាតិនៃសពមិនបានដាក់ពាក្យបណ្តឹងដល់ភ្នាក់ងាររៀបចំពិធីបុណ្យសពឡើយ៕ វីដេអូដកស្រង់ចេញពី ៖ Kabar Indonesia
ចែករំលែកព័តមាននេះ