ប្រទេសថៃ ៖ សវនាការកាត់ទោសបុរសម្នាក់ដែលប្រមាថចំពោះមេឆ្កែរបស់ព្រះមហាក្សត្រថៃតាមបណ្ដាញសង្គមកាលពីឆ្នាំ២០១៥ ចាប់ផ្ដើមហើយនៅក្រុងបាងកក។ ជននេះអាចមានទោសជាប់គុកដល់៣៧ឆ្នាំ។ ព្រះរាជវង្សថៃត្រូវការពារដោយច្បាប់តឹងតែងបំផុត ដែលក៏អនុញ្ញាតផងដែរឲ្យរបបយោធាកំពុងកាន់អំណាចបញ្ចៀសការរិះគន់នានា។
លោក THANAKORN SIRIPAIBOON ត្រូវចាប់ខ្លួនកាលពីឆ្នាំ២០១៥ ក្រោយសរសេរបង្ហោះតាមបណ្ដាញសង្គមជេរប្រមាថមេឆ្កែរបស់ព្រះមហាក្សត្រ ឈ្មោះTONGDAEN។ រូបគាត់អាចមានទោសជាប់គុកដល់៣៧ឆ្នាំ។ ហើយបច្ចុប្បន្នរូបគេត្រូវវិនិច្ឆ័យទោស ពីបទប្រមាថព្រះមហាក្សត្រ ព្រោះតែមិនគោរពដល់មេឆ្កែ TONGDAEN ដែលស្លាប់បាត់ទៅហើយ។ រីឯកម្មកររូបនេះក៏ជាប់ចោទដែរ ព្រោះរិះគន់អំពើពុករលួយរបស់របបយោធា ពីបទរំលោភបំពានច្បាប់ស្ដីពីព័ត៌មាន។
គ្រួសាររាជវង្សថៃត្រូវការពារតឹងតែងបំផុត។ ច្បាប់ការពាររាជវង្ស ពុំត្រឹមព្រះមហាក្សត្រ ព្រះរាជអគ្គមហេសី រជ្ជទាយាទ បុត្រាបុត្រីប៉ុណ្ណោះទេ តែរហូតដល់បណ្ដាសត្វចិញ្ចឹមរបស់គ្រួសាររាជវង្សដូចជាឆ្កែទៀតផង៕
ចែករំលែកព័តមាននេះ