ក្រុងប៉ោយប៉ែត ៖ សមត្ថកិច្ចប៉ូលិសក្រុងប៉ោយប៉ែត ដឹកនាំកម្លាំងផ្ទាល់ដោយលោកអនុសេនីយ៍ឯក អ៊ុំ សុផល អធិការក្រុង និងលោកអនុសេនីយ៍ទោ ព្រហ្ម ពិសិដ្ឋ នាយផ្នែកព្រហ្មទណ្ឌ សហការជាមួយអាជ្ញាធរមូលដ្ឋានភូមិ-ឃុំបានធ្វើការបោសសំអាតក្រុមប្រើប្រាស់សេពថ្នាំ ញៀនចំនួនពីរភូមិ គឺភូមិក្បាលស្ពាន និងភូមិបាលិលេយ្យ សង្កាត់ប៉ោយប៉ែត ។
លោកអនុសេនីយ៍ទោ ព្រហ្ម ពិសិដ្ឋ នាយផ្នែកព្រហ្មទណ្ឌក្រុងប៉ោយប៉ែត បានឱ្យកោះសន្តិភាពដឹងថា នៅព្រឹកថ្ងៃទី១២មីនាដោយមានការឯកភាពពីស្ថាប័នតុលាការខេត្តបន្ទាយមានជ័យ កម្លាំងរបស់លោកបានចុះបោសសំអាតក្រុមជនប្រើប្រាស់ និងសេពថ្នាំញៀនចំនួនពីរភូមិខាងលើ ហើយឃាត់ខ្លួនមនុស្សប្រុសស្រីបានចំនួន១៩នាក់ និងដកហូតបានវត្ថុតាងជាឧបករណ៍សម្រាប់ប្រើប្រាស់ថ្នាំញៀននោះបានមួយចំនួនធំផងដែរ។ លោកនាយផ្នែកបានបន្តថា ក្រុមសេពថ្នាំញៀនដែលសមត្ថកិច្ចរបស់លោកឃាត់ខ្លួនបាននោះ ១-ឈ្មោះកែវ ធារី ភេទស្រី អាយុ២៥ឆ្នាំ ២-ឈ្មោះអឿន ស្រីកែវ ភេទស្រី អាយុ២៤ឆ្នាំ ៣-ឈ្មោះឌឹម ស្រីអូន ភេទស្រី អាយុ២១ឆ្នាំ ៤-ឈ្មោះថៅ ម៉ី ភេទស្រី អាយុ៣២ឆ្នាំ ៥-ឈ្មោះម៉ី ភឿង ភេទស្រី អាយុ៣៧ឆ្នាំ ស្ត្រីទាំង៥នាក់នេះរស់នៅភូមិក្បាលស្ពាន ៦-ឈ្មោះពៅ កឿ ភេទប្រុស អាយុ១៧ឆ្នាំ ៧-ឈ្មោះខឹម សុខា ភេទប្រុស អាយុ៥២ឆ្នាំ ៨-ឈ្មោះជុំ អន ភេទប្រុស អាយុ២៩ឆ្នាំ ៩-ឈ្មោះឡាយ រ៉ា ភេទប្រុស អាយុ២១ឆ្នាំ ១០-ឈ្មោះរតនា តឹង ភេទ ប្រុស អាយុ១៧ឆ្នាំ ១១-ឈ្មោះគឹម សាលីន ភេទប្រុស អាយុ១៧ឆ្នាំ ១២-ឈ្មោះអុង ហ៊ត ភេទប្រុស អាយុ៣២ឆ្នាំ ១៣-ឈ្មោះសាយ រ៉ា ភេទ ប្រុស អាយុ២២ឆ្នាំ ១៤-ឈ្មោះសុខ គង់ ភេទប្រុស អាយុ២៨ឆ្នាំ ១៥-ឈ្មោះណូ រីណេ ភេទប្រុស អាយុ២០ឆ្នាំ ១៦-ឈ្មោះចាន់ ពើង ភេទប្រុស អាយុ២២ឆ្នាំ ១៧-ឈ្មោះស៊ន ឡាយ ភេទប្រុស អាយុ២៦ឆ្នាំ ១៨-ឈ្មោះឡាក់ ប៊យ ភេទប្រុស អាយុ២១ឆ្នាំ និង១៩-ឈ្មោះឡឹម ស្រេង ភេទប្រុស អាយុ៤០ឆ្នាំ ។
មន្ត្រីសមត្ថកិច្ចបានបញ្ជាក់ថា ជនទាំង១៤នាក់នេះរស់នៅភូមិបាលិលេយ្យ មានមុខរបរមិនពិតប្រាកដ ហើយបាននាំគ្នាប្រើប្រាស់ និងសេពថ្នាំញៀនបង្កការភ័យខ្លាចដល់ពលរដ្ឋដែលរស់នៅជិតនោះផងដែរ ។ សមត្ថកិច្ចបានដកហូតវត្ថុតាងបានមួយចំនួនធំដែលជាឧបករណ៍សម្រាប់ប្រើប្រាស់សេពថ្នាំញៀន ។ លោកអនុសេនីយ៍ឯក អ៊ុំ សុផល បានឱ្យដឹងថា ការចុះបោសសំអាតសំបុកជនប្រើប្រាស់ថ្នាំញៀនទាំង២ភូមិខាងលើ គឺបន្ទាប់ពីបានទទួលបទបញ្ជាពីលោកស្នងការខេត្ត និងលោកអភិបាលក្រុងប៉ោយប៉ែត ទើបលោកដឹកនាំកម្លាំងផ្ទាល់ចុះទៅបង្ក្រាបតែម្តង ហើយកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី ៕
ចែករំលែកព័តមាននេះ