រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា ករណីប្រទះឃើញសាកសពបុរសម្នាក់ ស្ថិតនៅក្រោមស្ពានស្ទឹងមានជ័យនោះ ត្រូវបានសមត្ថកិច្ចសន្និដ្ឋានថា ជាករណីឃាតកម្មវាយសម្លាប់ ឱ្យដេកស្លាប់ ក្នុងថ្លុកឈាមយ៉ាងអាណោចអាធ័ម គិតត្រឹមវេលាម៉ោង១១…
រាជធានីភ្នំពេញ ៖ សេចក្តីរាយការណ៍បានបន្តឱ្យដឹងថា ករណីប្រទះឃើញសាកសពបុរសម្នាក់ ស្ថិតនៅក្រោមស្ពានស្ទឹងមានជ័យនោះ ត្រូវបានសមត្ថកិច្ចសន្និដ្ឋានថា ជាករណីឃាតកម្មវាយសម្លាប់ ឱ្យដេកស្លាប់ ក្នុងថ្លុកឈាមយ៉ាងអាណោចអាធ័ម គិតត្រឹមវេលាម៉ោង១១ និង២០នាទីព្រឹកថ្ងៃទី១៩ មិថុនា នេះ ស្ថិតត្រង់ចំណុចក្រោមស្ពានអាកាសស្ទឹងមានជ័យ ក្នុងក្រុមទី២ ភូមិភ្នាត សង្កាត់ស្ទឹងមានជ័យ២ ខណ្ឌមានជ័យ ។
សេចក្តីរាយការណ៍បន្តថា ជនរងគ្រោះត្រូវបានស្គាល់ឈ្មោះទេព វង្ស អាយុ២៧ឆ្នាំ ជាកម្មករសំណង់
មានទីលំនៅផ្ទះជួលភូមិព្រែកទាល់ សង្កាត់ស្ទឹងមានជ័យ២ ខណ្ឌមានជ័យ មានស្រុកកំណើតនៅភូមិលាដៃ ឃំុលាងដៃ ស្រុកអង្គរធំ ខេត្តសៀមរាប ។ ជនរងគ្រោះមានស្លាកស្នាមរបួសធ្ងន់ផ្នែកក្បាល រហូតបែកឈាមខ្ទាតប្រឡាក់ពេញជញ្ជាំងថ្ម ។
បច្ចុប្បន្ន ស្ថិតនៅកន្លែងកើតហេតុ គឺកំពុងមានមនុស្សយ៉ាងកកកុញបានទៅការចោមរោមមើល បង្កឱ្យមានកកស្ទះចរាចរណ៍ផងដែរ ។ ប្រភពចុងក្រោយបន្តថា ករណីនេះ ត្រូវបានកំណត់យ៉ាងច្បាស់ថា ជាករណីឃាតកម្មពិតប្រាកដមែន ប៉ុន្តែសមត្ថកិច្ចមិនទាន់អាចបញ្ជាក់បានថា ជាករណីប្លន់សម្លាប់ ឬគំនំុផ្ទាល់ខ្លួននោះឡើយ ខណៈកំពុងស៊ើបអង្កេតបន្ត ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ