រាជធានីភ្នំពេញ ៖ ស្ត្រី២នាក់ជាអ្នករួមដំណើរ រួមនឹងបុរសម្នាក់ជាអ្នកបើករថយន្តមួយគ្រឿងម៉ាក Starex ពណ៌ទឹកប្រាក់ បើកបរក្នុងល្បឿនយ៉ាងលឿនគេចពីសត្វឆ្កែរត់កាត់ផ្លូវក៏ជ្រុលចង្កូតទៅបុកដើមគ្រាប់បែក បណ្តាលអោយរងរបួសធ្ងន់ម្នាក់ និងស្រាល២នាក់ ចំណែករថយន្តរងការខូចខាតយ៉ាងដំណំ…
រាជធានីភ្នំពេញ ៖ ស្ត្រី២នាក់ជាអ្នករួមដំណើរ រួមនឹងបុរសម្នាក់ជាអ្នកបើករថយន្តមួយគ្រឿងម៉ាក Starex ពណ៌ទឹកប្រាក់ បើកបរក្នុងល្បឿនយ៉ាងលឿនគេចពីសត្វឆ្កែរត់កាត់ផ្លូវក៏ជ្រុលចង្កូតទៅបុកដើមគ្រាប់បែក បណ្តាលអោយរងរបួសធ្ងន់ម្នាក់ និងស្រាល២នាក់ ចំណែករថយន្តរងការខូចខាតយ៉ាងដំណំ ។ ហេតុ
ការណ៍នេះបានកើតឡើងកាលពីវេលាម៉ោង៥និង៣០នាទីទៀបភ្លឺថ្ងៃទី១៩ ខែមិថុនា ឆ្នាំ២០១៨ តាមបណ្តោយផ្លូវ២៤០ នៅចំណុចមុខមន្ទីរពេទ្យគន្ធបុប្ផាទី២ ស្ថិតនៅក្នុងសង្កាត់ជ័យជំនះ ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរស និងស្ត្រីជាជនជាតិចិនចំនួន៣នាក់ ក្នុងនោះស្ត្រី២នាក់ជាអ្នករួមដំណើរ ចំណែកបុរសម្នាក់ជាអ្នកបើកបររថយន្តមួយគ្រឿង ម៉ាក Starex ពណ៌ទឹកប្រាក់ ពាក់ស្លាកលេខ ភ្នំពេញ ២AR-៦៥០១ បើកបរតាមបណ្តោយផ្លូវ២៤០ ក្នុងទិសដៅពីលិចទៅកើត លុះមកដល់ចំណុចកើតហេតុខាងលើ រថយន្តនោះបើកក្នុងល្បឿនយ៉ាងលឿនដូចហោះ ហើយចៃដន្យក៏មានសត្វឆ្កែមួយក្បាលរត់កាត់ផ្លូវ ភ្លាមៗនោះដែររថយន្តរេចង្កូតទៅខាងឆ្វេងបានបុកដើមគ្រាប់បែកពេញទំហឹង បណ្តាលឱ្យបុរសម្នាក់ដែលជាអ្នកបើកបររងរបួសធ្ងន់ រីឯស្ត្រី២នាក់ទៀតដែលជាអ្នករួមដំណើររងរបួសស្រាល ហើយមួយសន្ទុះក្រោយមកក៏មានរថយន្តសង្គ្រោះរបស់គ្លីនិកឯកជនមកដឹកយកជនរងគ្រោះទៅព្យាបាល ។ ចំណែករថយន្តខ្ទេចអស់មួយចំហៀងខាងឆ្វេង និងបែកកង់មុខផ្នែកខាងឆ្វេង ។
ក្រោយពេលកើតហេតុ រថយន្តខាងលើត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ