រាជធានីភ្នំពេញ ៖ បុរសម្នាក់ចេញពីបុណ្យ៧ថ្ងៃបងប្អូនត្រលប់ទៅផ្ទះវិញបានបើករថយន្តរីយ៉ែថយក្រោយ ស្រាប់តែជាប់ហ្គាធ្វើឱ្យរថយន្តជ្រុលទៅបុកចូលក្នុងផ្ទះប្រជាពលរដ្ឋរងការខូចខាតអស់មួយចំនួន ហេតុការណ៍នេះបានកើតឡើងនៅម៉ោង៦និង៥០នាទីយប់ ថ្ងៃទី១៨ ខែមិថុនា ឆ្នាំ២០១៨ ក្នុងបុរីចំការដូង ផ្ទះលេខE20…
រាជធានីភ្នំពេញ ៖ បុរសម្នាក់ចេញពីបុណ្យ៧ថ្ងៃបងប្អូនត្រលប់ទៅផ្ទះវិញបានបើករថយន្តរីយ៉ែថយក្រោយ ស្រាប់តែជាប់ហ្គាធ្វើឱ្យរថយន្តជ្រុលទៅបុកចូលក្នុងផ្ទះប្រជាពលរដ្ឋរងការខូចខាតអស់មួយចំនួន ហេតុការណ៍នេះបានកើតឡើងនៅម៉ោង៦និង៥០នាទីយប់ ថ្ងៃទី១៨ ខែមិថុនា ឆ្នាំ២០១៨ ក្នុងបុរីចំការដូង ផ្ទះលេខE20 ផ្លូវបេតុងភូមិថ្មី សង្កាត់ដង្កោ ខណ្ឌដង្កោ ។
តាមសម្តីអ្នកបើកបររថយន្តបង្កបានឱ្យដឹងថា មុនកើតហេតុ រូបគាត់បានចេញពីបុណ្យ៧ថ្ងៃ បងប្អូនគោលបំណងត្រលប់ទៅផ្ទះវិញ ដោយបានបើករថយន្តរបស់គាត់ម៉ាកហាយឡែនឌឺ ពណ៌ខ្មៅ ពាក់ស្លាកលេខ 2AM6445 រីយ៉ែថយក្រោយដើម្បីយកក្បាលចេញមកក្រៅ តែដោយសាររូបគាត់ស្លន់ពេកបានជាន់ហ្គាបន្ថែម ទើបធ្វើឱ្យរថយន្តស្ទុះថយក្រោយជ្រុលទៅបុកចូលផ្ទះកើតហេតុ បណ្តាលឱ្យបាក់ទ្វារកញ្ចក់អស់៣ផ្ទាំង ខូចខាតម៉ូតូ១ និងបង់កៅអីនៅមុខផ្ទះអស់មួយទៀត តែសំណាងល្អមិនមានគ្រោះថ្នាក់ដល់មនុស្សទេ គ្រាន់តែរថយន្តរងការខូចខាតផ្នែកខាងក្រោយប៉ុណ្ណោះ ។
ក្រោយពេលកើតហេតុភាគីទាំងសងខាងបានសម្របសម្រួលគ្នា ដោយចេញសងថ្លៃការខូចខាតទៅឱ្យម្ចាស់ផ្ទះដើម្បីបញ្ចប់រឿង ៕
ចែករំលែកព័តមាននេះ