ខេត្តព្រះសីហនុ ៖ បុរសម្នាក់ជាមេជាងសំណង់ ផ្នែកជាងម៉ាស៊ីនផ្សារដែកនៅក្នុងសំណង់ តុង ហុកសេង ដែលមានទីតាំងអូរត្រេះ២ ស្ថិតក្រុម២ ភូមិ៦សង្កាត់៤ ក្រុង-ខេត្តសីហនុ នាព្រឹកថ្ងៃទី១៨ មិថុនា ២០១៨ វេលាម៉ោង ០៩ និង២០នាទីព្រឹក ត្រូវបានស្លាប់យ៉ាងអាណោចអាធ័ម នៅក្នុងការដ្ឋាន បន្ទាប់ពីដាច់គ្រែនយោងសម្ភារពីក្រោមទៅលើ ធ្លាក់ចុះក្រោមសង្កត់លើជនរងគ្រោះ។ យោងតាមប្រភពសមត្ថកិច្ចកងរាជអាវុធហត្ថខេត្តបានឲ្យដឹងថា នាព្រឹកថ្ងៃទី១៨ មិថុនា ២០១៨នេះ វេលាម៉ោង០៩ និង២០នាទីព្រឹក មានកម្មករសំណង់ម្នាក់បានស្លាប់ (គ្រោះថ្នាក់ការងារ) នៅចំណុចការដ្ឋានសំណង់ តុង ហុកសេង ដែលមានទីតាំង អូរត្រេះ២ ស្ថិតក្រុម២ ភូមិ៦ សង្កាត់៤ ក្រុង-ខេត្តសីហនុ។
មូលហេតុដែលបណ្តាលឲ្យគ្រោះថ្នាក់នេះ មកពីដាច់គ្រែនយោងសម្ភារពីក្រោមទៅលើ ធ្លាក់ចុះក្រោមសង្កត់លើជនរងគ្រោះ ឈ្មោះ រឿន វាន្នី ភេទប្រុស អាយុ៤១ឆ្នាំ ជនជាតិខ្មែរ មុខរបរ ជាងម៉ាស៊ីនផ្សារដែក ក្នុងការដ្ឋាន។ មានស្រុកកំណើត ភូមិទួលជ្រៃ ឃុំសំពៅលូន ស្រុកសំពៅលូន ខេត្តបាត់ដំបង បច្ចុប្បន្ន ស្នាក់នៅ ការដ្ឋានខាងលើ។ ក្រោយពីកម្លាំងជំនាញពិនិត្យ និងធ្វើកោសល្យវិច្ច័យរួច សាកសពត្រូវបានប្រគល់ជូនប្រពន្ធ ឈ្មោះ ផែ អៀង យកទៅធ្វើបុណ្យតាមប្រពៃណី នៅស្រុកកំណើត៕
ចែករំលែកព័តមាននេះ