ខេត្តតាកែវ ៖ ដោយសារតែមើលឃើញពីការលំបាកធ្វើដំណើរទៅមករបស់ប្រជាពលរដ្ឋយ៉ាងលំបាកនោះ ទើបនៅព្រឹកថ្ងៃទី១៨ ខែមិថុនា ឆ្នាំ២០១៨ ខាងគណៈកម្មការវត្តត្រសក់ផ្អែមបានដាក់មេក្រូ ដើម្បីរៃអង្គាសថវិកាយកទៅទិញដីសម្រាប់ចាក់ផ្លូវ ដែលកំពុងទទួលរងនូវការខូចខាតស្ទើតែទាំងស្រុងនោះ ខណៈពេលដែលអាជ្ញាធរខេត្តមិនបានគិតគូទៅលើបញ្ហានេះសោះនោះ ។
ខាងអាចារ្យគណៈកម្មការវត្តត្រសក់ផ្អែមនៅសង្កាត់បារាយណ៍ក្រុងដូនកែវបានឲ្យដឹងថា យើងពិបាកមើលនឹងភ្នែកណាស់នូវការធ្វើដំណើរទៅមករបស់ប្រជាពលរដ្ឋក៏ដូចជា មន្ត្រីរាជការណាស់ ព្រោះ១ខ្សែចាប់ពីគល់ស្ពានចុងថ្នល់មកដល់ក្លោងទ្វាវត្តបាយរាយណ៍បានខូចខាតស្ទើទាំងស្រុងទៅហើយ ទើបខាងគណៈកម្មការវត្តបានដាក់មេក្រូរៃថវិការពីអ្នកធ្វើដំណើរដើម្បីយកថវិការទិញដីចាក់ផ្លូវ ដែលមានជង្ហុកជ្រៅៗ ដោយសារស្ថានភាពលំបាកធ្វើដំណើរនេះហើយ ទើបធ្វើឲ្យអ្នកធ្វើដំណើរទៅមកតាមវត្តត្រសក់វិញ ហើយចំពោះការដាក់មេក្រូរៃអង្គាសថវិការនេះ គឺបងប្អូនយើងចូលទៅតាមការស្មោះចិត្តដោយមិនកំណត់ឡើយ ។
ប្រជាពលរដ្ឋរស់នៅតាមអមសងខាងផ្លូវក៏បាននាំជួយកាយដីដែលលោកអាចារ្យបានទិញមកចាក់ផ្លូវដែលខូចខាត និងបាននិយាយរិះគន់ថា ផ្លូវ១ខ្សែនេះមិនដែលមានអ្នកណាខ្វល់ឡើយ ហើយបែរជាទៅធ្វើផ្លោះចាប់ក្លោងទ្វាវត្តជោយសំរោងទៅវិញ ពួកគាត់មិនយល់ទេ ហេតុអីបានអាជ្ញាធរខេត្តមិនខ្វល់ពីការលំបាករបស់ប្រជាពលរដ្ឋបែបនេះ ហើយឲ្យតែពិបាករាល់ការធ្វើដំណើរព្រះសង្ឃក៏ដូចជា គណៈកម្មការវត្តនៅក្នុងសង្កាត់បារាយណ៍តែងតែដាក់មេក្រូ ដើម្បីរៃថវិកាយកទៅទិញដី ដើម្បីជួសជុលផ្លូវ១ខ្សែនេះ ដោយងាកមកមើលក្រុមការងារចុះសង្កាត់១នេះ មិនខ្វល់ពីការលំបាកធ្វើដំណើររបស់ប្រជាពលរដ្ឋឡើយ ។
លោកមូល វិចិត្រអភិបាលក្រុងដូនកែវបានប្រាប់កោះសន្តិភាពយើងឲ្យដឹងថា ផ្លូវនេះមន្ទីរអភិវឌ្ឃន៍ជនបទក្រោមប្រាក់កម្ចីអេឌីប៊ី ហើយគេធ្វើមុនពេលបោះឆ្នោត តែពេលនេះមេឃបានធ្លាក់ភ្លៀងពិបាកធ្វើ ៕
ចែករំលែកព័តមាននេះ