រកឃើញនាវាពិឃាតតាំងពី៧៧ឆ្នាំមុន
ប្រទេសរុស្ស៊ី ៖ បើតាមលោកកុងស្តង់ទីន បូសដាណូវ ប្រមុខក្រុមអ្នករុករករុស្ស៊ីគូសបញ្ជាក់ប្រាប់ SPUTNIK កាលពីថ្ងៃទី១៧ មិថុនាថា នាវាពិឃាតរុស្ស៊ី NOVIK…
ប្រទេសរុស្ស៊ី ៖ បើតាមលោកកុងស្តង់ទីន បូសដាណូវ ប្រមុខក្រុមអ្នករុករករុស្ស៊ីគូសបញ្ជាក់ប្រាប់ SPUTNIK កាលពីថ្ងៃទី១៧ មិថុនាថា នាវាពិឃាតរុស្ស៊ី NOVIK ដែលលិចបាត់ដោយសារគ្រាប់មីនមួយគ្រាប់ក្នុងឈូងសមុទ្រហ្វាំងឡង់ កាលពីខែធ្នូ ឆ្នាំ១៩៤១ ត្រូវបានរកឃើញដោយក្រុមរុករកហ្វាំងឡង់-រុស្ស៊ី ក្រោយការតាមរុករកអស់រយៈពេលយ៉ាងយូរមក។
ខ្មោចនាវាចម្បាំងនេះ ដែលត្រូវគ្រាប់មីនលិចសម័យសង្គ្រាមលោកលើកទី២ ត្រូវបានរកឃើញដោយពួកអ្នកស្រាវជ្រាវរុស្ស៊ី និងហ្វាំងឡង់ ក្រោយពីវាលិចបាត់ចាប់ពីថ្ងៃទី២៣សីហា ឆ្នាំ១៩៤១មក។ វាត្រូវគ្រាប់មីនមួយគ្រាប់របស់អាល្លឺម៉ង ហើយនាវានោះបានលិចក្នុងជម្រៅ៧៥ម៉ែត្រចំកណ្ដាលឈូងសមុទ្រហ្វាំងឡង់ ចំណែកសំបករបស់វាត្រូវបែកជា២ក្រោយការផ្ទុះគ្រាប់មីននោះ។ ហើយត្រូវគេអាចស្គាល់វា ព្រោះលើសំបកមានឈ្មោះនាវា និងមានទង់ជាតិសហភាពសូវៀត។
គួរកត់សម្គាល់ផងដែរថា ពេលដាក់ឲ្យប្រើប្រាស់នាវា NOVIK ជានាវាចម្បាំងដែលលឿនជាងគេបំផុតនៃពិភពលោក។ វាបានចូលរួមក្នុងគ្រប់ប្រតិបត្តិការយោធានៅសមុទ្របាល់ទិកសម័យសង្គ្រាមលោកលើកទីមួយ រួចវាក្លាយជានាវានៃរឿងនិទានមួយ៕
ចែករំលែកព័តមាននេះ