ខាងក្រោមនេះជាពុទ្ធភាសិតមួយចំនួននិយាយអំពីសេចក្តីក្រោធ ។ សេចក្តីក្រោធនេះបើកើតមានក្នុងអ្នកធំនឹងឆាប់ឆាបឆេះជាងអ្នកតូច ងាយនឹងអន្តរាយណាស់ ដូច្នេះគប្បីរៀនរំលត់សេចក្តីក្រោធនេះឱ្យអស់ ឬឱ្យស្រាលចុះក៏បាន គឺកុំឱ្យត្រាំងនៅក្នុងខន្ធសន្តាន តទៅទៀត ។
សេចក្តីក្រោធមិនល្អសោះឡើយ, សេចក្តីក្រោធទុកដូចជាច្រែះរបស់អាវុធក្នុងលោក, សេចក្តីក្រោធនាំទៅរកសេចក្តីវិនាស, សេចក្តីក្រោធធ្វើឱ្យចិត្តមិនបានសម្រាក, សេចក្តីក្រោធជាលក្ខណៈរបស់មនុស្សពាល, គ្មានការចាប់ចងឯណាស្មើនឹងទោសៈទេ, គ្មានកំហុសណាស្មើនឹងទោសៈទេ, ជនដែលក្រោធសូម្បីតែឪពុកម្តាយខ្លួនឯងក៏ហ៊ានសម្លាប់, ជនដែលក្រោធរមែងមិនដឹងនូវផលទាំងឡាយ, អ្នកក្រោធរមែងមិនឃើញនូវហេតុទាំងឡាយ, មនុស្សក្រោធតែងដេកកើតទុក្ខជានិច្ច, អ្នកដែលមានសេចក្តីក្រោធចូលលុកលុយហើយតែងបំផ្លាញនូវផលប្រយោជន៍ដែលខ្លួនមាន ។
ទាំងអស់នេះគឺជាពុទ្ធភាសិតខ្លះៗក្នុងចំណោមពុទ្ធភាសិតដ៏ច្រើនទៀតដែលព្រះសម្ពុទ្ធទ្រង់បង្ហាញអំពីទោសនៃសេចក្តីក្រោធ ។
ចែករំលែកព័តមាននេះ