បើកការដ្ឋានសាងសង់ផ្លូវបេតុង១ខ្សែក្នុងក្រុងប៉ៃលិន (មានវីដេអូ)
- ប៉ៃលិន
ខេត្តប៉ៃលិន ៖ កាលពីព្រឹកថ្ងៃទី១៨ ខែមិថុនា ឆ្នាំ២០១៨ ឆ្នាំ២០១៨ នេះ លោក ផាន់ ចាន់ធុល…
ខេត្តប៉ៃលិន ៖ កាលពីព្រឹកថ្ងៃទី១៨ ខែមិថុនា ឆ្នាំ២០១៨ ឆ្នាំ២០១៨ នេះ លោក ផាន់ ចាន់ធុល…
ខេត្តប៉ៃលិន ៖ កាលពីព្រឹកថ្ងៃទី១៨ ខែមិថុនា ឆ្នាំ២០១៨ ឆ្នាំ២០១៨ នេះ លោក ផាន់ ចាន់ធុល អភិបាលខេត្តប៉ៃលិន បានចុះបើកការដ្ឋានសាងសង់ផ្លូវបេតុង១ខ្សែប្រវែង៨៥០ម៉ែត្រ ទទឹង៥ម៉ែត្រ ស្ថិតនៅក្នុងភូមិអូរតាពុកលើ សង្កាត់ប៉ៃលិន ក្រុងប៉ៃលិន ។
លោកផាន់ ចាន់ធុល អភិបាលខេត្តប៉ៃលិន បានឱ្យដឹងថា ដោយសង្កេតឃើញការលំបាករបស់ប្រជាពលរដ្ឋរស់នៅក្នុងភូមិខាងលើ ខណៈពេលភ្លៀងម្តងៗលំបាកក្នុងការធ្វើដំណើរចេញចូលទៅមក ទើបបន្ទាប់ពីមានការស្នើសុំរបស់ប្រជាពលរដ្ឋជាង២០០គ្រួសារដាក់មកខាងខេត្ត ក៏រៀបចំគម្រោងសាងសង់ផ្លូវជូនពួកគាត់ប្រើប្រាស់ឱ្យបានមុនពេលបោះឆ្នោតថ្នាក់ជាតិខាងមុខនេះ ។
លោកបន្តទៀតថា ការស្នើសុំរបស់លោកមេភូមិដើម្បីសាងសង់ផ្លូវមានបណ្តោយប្រវែង៨៥០ម៉ែត្រ និងទទឹងត្រឹមតែ៤ម៉ែត្រប៉ុណ្ណោះ ព្រោះដោយសារតែប៉ះពាល់ផ្ទះប្រជាពលរដ្ឋមួយចំនួន ។ ប៉ុន្តែលោកសុំឱ្យខាងក្រុងប៉ៃលិនសម្រួលជូនប្រជាពលរដ្ឋ ដោយធ្វើយ៉ាងណាឱ្យបានទទឹងប្រវែង៥ម៉ែត្រ ទើបបង្កការងាយស្រួលដល់ការធ្វើដំណើរចេញចូលទៅមក ។
លោក រស់ ម៉ុន មេភូមិអូរតាពុកលើ បានរៀបរាប់ឱ្យដឹងថា បន្ទាប់ពីទទួលបានការស្នើសុំពីប្រជាពលរដ្ឋលោកក៏បានយករបាយការណ៍នេះដាក់ជូនទៅលោកអភិបាលខេត្តថ្មី កាលពីជាងកន្លះខែមុន រហូតដល់ក្រោយមកថ្នាក់ដឹកនាំខេត្តបានយល់ព្រមធ្វើផ្លូវបេតុងជូនពលរដ្ឋ ពិតជាមានការសប្បាយរីករាយយ៉ាងខ្លាំង ព្រោះប្រជាពលរដ្ឋតែងតែជួបការលំបាកខ្លាំង ខណៈភ្លៀងធំម្តងៗធ្វើឱ្យលិចផ្លូវ និងទឹកហូរចូលផ្ទះ ហើយមានសត្វពស់ សត្វក្អែបចូលទៅក្នុងផ្ទះប្រជាពលរដ្ឋគួរឱ្យភ័យខ្លាចផងដែរ ។
ចំណែកប្រជាពលរដ្ឋទាំងអស់បានសម្តែងនូវការត្រេកអរសប្បាយចិត្តយ៉ាងខ្លាំង ដោយឃើញថ្នាក់ដឹកនាំខេត្តបានរៀបចំបើកការដ្ឋានឈូសឆាយសាងសង់ផ្លូវបេតុងជូនពួកគាត់ ព្រោះពួកគាត់បានស្នើសុំឱ្យមានការធ្វើផ្លូវនេះជាយូរមកហើយ តែមិនទទួលបានការសាងសង់នោះទេ ទើបតែឈានដល់មេភូមិថ្មីទី៣ និងអភិបាលខេត្តថ្មី ក៏ចាប់ផ្តើមធ្វើផ្លូវជូនពួកគាត់ប្រើប្រាស់តែម្តង ។ ពួកគាត់ក៏សូមជូនពរដល់ថ្នាក់ដឹកនាំខេត្តទាំងអស់ឱ្យទទួលបាននូវសេចក្តីសុខគ្រប់ពេលវេលាផងដែរ ៕
ចែករំលែកព័តមាននេះ