ខេត្តសៀមរាប ៖ កម្មករសំណង់ម្នាក់មានជំងឺប្រចាំកាយបានដើរទៅចុះងូតទឹកត្រពាំងនៅឆ្ងាយពីកន្លែងធ្វើការ ដើម្បីសំអាតខ្លួន បន្ទាប់ពីចេញពីធ្វើការមុនទៅផ្ទះ បណ្តាលឱ្យរមួលក្រពើប្រកាច់ស្លាប់តែម្នាក់ឯងពុំមាននរណានៅជិត ទើបបង្កឱ្យភ្ញាក់ផ្អើលដល់អ្នកភូមិ ដែលរស់នៅជិតនោះនាំគ្នាមកមើលរហូតដឹងដល់សមត្ថកិច្ចមូលដ្ឋាន ចុះមកពិនិត្យភ្លាមៗផងដែរ ។ ហេតុការណ៍លង់ទឹកស្លាប់នោះបានកើតឡើងនៅវេលាម៉ោង១៧និង៣០នាទីរសៀល ថ្ងៃទី១៧ ខែមិថុនា ឆ្នាំ២០១៨ ស្ថិតនៅចំណុចភូមិត្រពាំងវែង សង្កាត់ក្របីរៀល ក្រុង-ខេត្តសៀមរាប ។
តាមប្រភពពីមន្ត្រីមូលដ្ឋានបានប្រាប់ថា ជនរងគ្រោះដែលលង់ទឹកស្លាប់នោះមានឈ្មោះ ឈាំ រើន ភេទប្រុស អាយុ៥២ឆ្នាំ មុខរបរកម្មករសំណង់ មានទីលំនៅភូមិបឹង សង្កាត់ក្របីរៀល ក្រុង-ខេត្តសៀមរាប ។
ក្រោយពីធ្វើការពិនិត្យរបស់កម្លាំងសមត្ថកិច្ចជំនាញ និងការបំភ្លឺពីក្រុមគ្រួសារជនរងគ្រោះ ប្រាប់សមត្ថកិច្ចរួមមកបានឱ្យដឹងថា មូលហេតុបណ្តាលឱ្យជនរងគ្រោះស្លាប់ គឺជនរងគ្រោះមានជំងឺប្រចាំកាយ គឺជំងឺ(តេតាណុស) ។
បច្ចុប្បន្នសពជនរងគ្រោះត្រូវបានសមត្ថកិច្ចនគរបាលបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅភូមិឃុំខាងលើផងដែរ ៕
ចែករំលែកព័តមាននេះ