មូលដ្ឋានហ្វឹកហាត់ត្រៀមចូលសមរភូមិWorld Cupរបស់ក្រុមជម្រើសជាតិអង់គ្លេសស្ថិតក្នុងក្រុង Repino ប្រទេសរុស្សុីត្រូវបានការពារដោយកងកម្លាំងប្រដាប់អាវុធពិសេសរបស់រុស្ស៊ីចៀសវាងក្រុមអនាមិកបង្កចលាចល ។ ក្រុមជម្រើសជាតិដែលមានរហស្សនាម «តោកំណាច» នឹងហ្វឹកហាត់នៅឯពហុកីឡដ្ឋាន Spartak Zelenogorsk…
មូលដ្ឋានហ្វឹកហាត់ត្រៀមចូលសមរភូមិWorld Cupរបស់ក្រុមជម្រើសជាតិអង់គ្លេសស្ថិតក្នុងក្រុង Repino ប្រទេសរុស្សុីត្រូវបានការពារដោយកងកម្លាំងប្រដាប់អាវុធពិសេសរបស់រុស្ស៊ីចៀសវាងក្រុមអនាមិកបង្កចលាចល ។
ក្រុមជម្រើសជាតិដែលមានរហស្សនាម «តោកំណាច» នឹងហ្វឹកហាត់នៅឯពហុកីឡដ្ឋាន Spartak Zelenogorsk ចម្ងាយ១០គីឡូម៉ែត្រពីសណ្ឋាគារ ForRestMix ដែលពួកគេស្នាក់នៅ ។
ជាទូទៅ ពហុកីឡដ្ឋានតូចមួយនេះបម្រើការប្រកួតក្នុងស្រុក និងមានជញ្ជាំងកម្ពស់ជិត២ម៉ែត្រ តែប្រធានក្រុមបាល់ទាត់អង់គ្លេសច្រើននាក់បានបញ្ជាឱ្យគេធ្វើឡើងដល់៤ម៉ែត្រ ដូច្នេះពួកគេអាចលាក់បាំងយុទ្ធសាស្រ្តហ្វឹកហាត់ ទិចនិក និងប្រព័ន្ធផ្សព្វផ្សាយជាដើម ។ នៅទីតាំងហ្វឹកហាត់ត្រូវបានពង្រាយដោយកងកម្លាំង និងរថពាសដែក ខណៈសណ្ឋាគារដែលពួកគេស្នាក់នៅបានការពារដោយរបងដែករួចទៅហើយ ។
ដូច្ លោក Gareth Southgate និងក្រុមជម្រើសជាតិដែលមានតម្លៃខ្លួនកីឡាករសរុបរាប់លានផោនត្រូវបានការពារយ៉ាងល្អ ខណៈក្រុមគ្រួសារពួកគេស្នាក់នៅក្នុងក្រុង St Petersburg ដែលជាកន្លែងកម្សាន្តពេញនិយមមួយរបស់រុស្ស៊ី ។
គួររំលឹកថា ស្ថិតក្នុងពូល G ក្រុមអង់គ្លេសនឹងប៉ះទុយនីស៊ីនៅឯពហុកីឡដ្ឋាន Volvograd នៅថ្ងៃទី១៨ មិថុនា នេះ ៕
ចែករំលែកព័តមាននេះ