ខេត្តកំពត ៖ មនុស្សប្រុស ស្រីចំនួន៤នាក់ បានរងរបួសធ្ងន់និងស្រាល ដោយសារគ្រោះថ្នាក់ចរាចរណ៍រវាងម៉ូតូនឹងម៉ូតូពីរគ្រឿងបុកគ្នា កាលពីវេលាម៉ោង៦និង២០នាទីយប់ថ្ងៃទី ១៦ ខែមិថុនា ឆ្នាំ…
ខេត្តកំពត ៖ មនុស្សប្រុស ស្រីចំនួន៤នាក់ បានរងរបួសធ្ងន់និងស្រាល ដោយសារគ្រោះថ្នាក់ចរាចរណ៍រវាងម៉ូតូនឹងម៉ូតូពីរគ្រឿងបុកគ្នា កាលពីវេលាម៉ោង៦និង២០នាទីយប់ថ្ងៃទី ១៦ ខែមិថុនា ឆ្នាំ ២០១៨ នៅលើផ្លូវជាតិលេខ៣៣ ស្ថិតក្នុងចំណុចភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត ក្នុងទិសដៅស្រប
គ្នា ។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេឃើញម៉ូតូមួយគ្រឿងជិះគ្នា៣នាក់ ធុនសេ១២៥ ពណ៌ខ្មៅ ស៊េរីឆ្នាំ២០១០ ពាក់ស្លាកលេខ ព្រះស៊ីហនុ ១C-០៤៣២ បើកបរដោយឈ្មោះ ចិន ភេទប្រុស អាយុ២៤ឆ្នាំ រស់នៅភូមិសុវណ្ណសាគរ សង្កាត់កំពង់កណ្តាល ក្រុងកំពត ដោយមានអ្នករួមដំណើរ២នាក់ទៀតជិះពីខាងក្រោយ បានបើកបរយ៉ាងលឿនមកពីទិសខាងលិចទៅទិសខាងកើត ។ លុះមកដល់ចំណុចកើតហេតុក៏ស្រាប់តែទៅបុកពីក្រោយម៉ូតូមួយគ្រឿងទៀតជិះគ្នា២នាក់ ធុនសេ១២៥ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ កំពត ១I-២០៤៣ បើកបរដោយស្ត្រីម្នាក់ឈ្មោះ ស្រី ភា អាយុ៣៤ឆ្នាំ រស់នៅភូមិឃុំកន្លែងកើតហេតុខាងលើ បណ្តាលឲ្យរងរបួសធ្ងន់ និងអ្នករួមដំណើរម្នាក់ទៀតជាកូនបានរងរបួសស្រាល។
សមត្ថកិច្ចដែលទៅពិនិត្យកន្លែងកើតហេតុបានឲ្យដឹងថា ម្ចាស់ម៉ូតូបង្កដែលបើកបរដោយឈ្មោះ ចិន នោះក្រោយពីកើតហេតុបានរត់គេចខ្លួនបាត់ជាមួយនឹងអ្នករួមដំណើរម្នាក់ដែលរងរបួសស្រាល ហើយនៅសល់តែអ្នករួមដំណើរម្នាក់ឈ្មោះ ង៉ែត វ៉ាន់ ភេទប្រុស អាយុជាង២០ឆ្នាំរស់នៅភូមិឃុំជាមួយគ្នាខាងលើ រួមនឹងម៉ូតូបង្កមួយគ្រឿងនៅកន្លែងកើតហេតុ។
សមត្ថកិច្ចបាននាំយកម៉ូតូទាំងពីរគ្រឿងដែលបានរងការខូចខាតស្រាលយកទៅរក្សាទុកនៅអធិការដ្ឋាននគរបាលស្រុកទឹកឈូ និងសូមអំពាវនាវដល់ម្ចាស់ម៉ូតូបង្កឲ្យចូលខ្លួនមកដោះស្រាយគ្នាតាមផ្លូវច្បាប់ផងដែរ៕
ចែករំលែកព័តមាននេះ