ព្រះសីហនុ៖ តាមសេចក្តីរាយការណ៍បឋមបានឲ្យដឹងថា នៅមុននេះបន្តិចថ្ងៃទី១៧ ខែមិថុនា ឆ្នាំ២០១៨ ត្រង់ចំណុចភូមិអូតាសេក ឃុំអូចំណារ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងបណ្តាលឱ្យមានមនុស្សរងរបួសធ្ងន់ និងស្រាលជាច្រើននាក់ ។
តាមសេចក្តីរាយការណ៍បានបន្តថា រថយន្តដែលជួបគ្រោះថ្នាក់នេះ គឺជាមន្ត្រីរាជការជាន់ខ្ពស់ ។
បញ្ជាក់ ៖ ករណីចរាចរណ៍ខាងលើជាក្បួនរថយន្តរបស់សម្តេចក្រុមព្រះនរោត្តមរណរិទ្ធិ ជួបគ្រោះថ្នាក់ចរាចរណ៍នៅផ្លូវជាតិលេខ៤ ក្នុងឃុំអូឧកញ៉ាហេង ស្រុកព្រៃនប់ ម្តុំចាក់សំរាម វេលាម៉ោងជិត១០ព្រឹកថ្ងៃទី១៧ មិថុនា២០១៨នេះ បណ្តាលឲ្យមនុស្សមួយចំនួនរងគ្រោះ ។
សេចក្តីរាយការណ៍បឋមពីសមត្ថកិច្ចថា ក្នុងចំណោមអ្នករងគ្រោះក៏មានសម្តេចក្រុមព្រះ និងអ្នកម្នាង(ភរិយា)របស់ព្រះអង្គក៏ទទួលរងរបួសដែរ ហើយភ្លាមៗសមត្ថកិច្ចបានអន្តរាគមន៍បញ្ជូនមកកាន់មន្ទីរពេទ្យ ដើម្បីជួយសង្គ្រោះផងដែរ ៕
ចែករំលែកព័តមាននេះ