រាជធានីភ្នំពេញ ៖ ប្រជាជនកម្ពុជាកាន់តែយល់ច្បាស់នៃផលវិបាកនៃបដិវត្តន៍ពណ៌ និងដើម្បីថែរក្សាសុខសន្តិភាពដែលបានមកយ៉ាងលំបាកនោះក្រុមអ្នកសិក្សាស្រាវជ្រាវបានធ្វើការបង្ហាញពីផលប៉ះពាល់ និងផលវិបាកដែ លបំផ្លាញសន្តិភាព ហើយស្នើឲ្យនិស្សិតបញ្ញាវ័ន្តត្រូវជៀងវាងឲ្យឆ្ងាយ ។ លោកបណ្ឌិតយង់ ពៅ…
រាជធានីភ្នំពេញ ៖ ប្រជាជនកម្ពុជាកាន់តែយល់ច្បាស់នៃផលវិបាកនៃបដិវត្តន៍ពណ៌ និងដើម្បីថែរក្សាសុខសន្តិភាពដែលបានមកយ៉ាងលំបាកនោះក្រុមអ្នកសិក្សាស្រាវជ្រាវបានធ្វើការបង្ហាញពីផលប៉ះពាល់ និងផលវិបាកដែ លបំផ្លាញសន្តិភាព ហើយស្នើឲ្យនិស្សិតបញ្ញាវ័ន្តត្រូវជៀងវាងឲ្យឆ្ងាយ ។
លោកបណ្ឌិតយង់ ពៅ អគ្គលេខាធិការរាជបណ្ឌិត្យសភាកម្ពុជាបានរៀបចំសិក្ខាសាលាថ្នាក់ជាតិមួយស្តីពី« បដិវត្តន៍ពណ៌លើពិភពលោកបំណងអាថ៌កំបាំង និងផលប៉ះពាល់» កាលពីថ្ងៃទី១៦ ខែមិថុនា ឆ្នាំ២០១៨ នៅ សណ្ឋាគារភ្នំពេញបានលើកឡើងថា សិក្ខាសាលានេះបានត្រូវធ្វើឡើងស្របពេលកម្ពុជាកំពុងត្រូវការថែរក្សា និងពង្រឹងស្ថិរភាពសន្តិភាព ដើម្បីការអភិវឌ្ឍសង្គម និងសេដ្ឋកិច្ចជាតិ ។
លោកបណ្ឌិតបញ្ជាក់ថា «បដិវត្តន៍ពណ៌កំពុងងើបឡើងវិញថ្មីៗនៅទូទាំងសកលលោក ដោយសារការញុះញង់ ការរើសអើង វិបត្តិនយោបាយ និងសេដ្ឋកិច្ចតាមរយៈការផ្សាយព័ត៌មានបំភ្លៃមួយចំនួនបណ្តាលឱ្យមានចលនា បះបោរសង្គមដូចជា នៅប្រទេសលីប៊ីយ៉េមែនអេហ្សីបស៊ីរី និងអ៊ីរ៉ាក់ជាដើម ។ ជាលទ្ធផលបានធ្វើឱ្យប្រទេស ទាំងនោះធ្លាក់ទៅក្នុងភ្លើងសង្គ្រាមស៊ីវិលវិនាសហិនហោចប្រជាជនរងគ្រោះរាប់លាននាក់ និងបង្កឱ្យមានជនភៀសខ្លួនដោះស្រាយមិនចេញនៅគ្រប់តំបន់» ។
លោកបណ្ឌិតក៏បានគូសបញ្ជាក់ថា ៖«កន្លងទៅកម្ពុជាធ្លាប់បានជួបមកហើយនៃរូបភាពនៃផ្លាស់ប្តូរក្លែងបន្លំ ដែលប្រទេសដទៃមានបំណងកកូរកកាយសង្គមក្នុងហេតុនយោបាយសិទ្ធិមនុស្សអំពើអយុត្តិធម៌សង្គមគម្លាត រវាងអ្នកមាន និងអ្នកក្រជាដើមដោយផ្តើមនូវការប្រើប្រាស់កម្លាំងមហាជន ដើម្បីផ្តួលរំលំរដ្ឋាភិបាលស្របច្បាប់ ដោយមិនគោរពគោលការណ៍ប្រជាធិបតេយ្យ» ។
ជាមួយគ្នានោះដែរលោកក៏បានលើកឡើងថា គ្រឿងផ្សំនៃសារជាតិបដិវត្តន៍ពណ៌ គឺតែងមានដូចៗគ្នាទោះបី កើតនៅទីកន្លែងណាក៏ដោយ ។ គេតែងតែប្រើប្រាស់ចលនានិស្សិត និងយុវជនបញ្ញាវ័ន្តជាមួយនឹងការចង់បានមុខមាត់ ប្លែកថ្មីដែលអូសទាញ ឬទាក់ទាញអ្នកដទៃក្រុមដទៃឱ្យចូលរួម ។
ចំណែកលោកបណ្ឌិតអ៊ី រតនាអនុប្រធានផ្នែកកិច្ចការស្រាវជ្រាវនៃសកលវិទ្យាល័យកម្ពុជា(UC)បានមានប្រសា ន៍ថា វេទិកាមានគោលបំណងប្រមូលការជួបជុំអ្នកស្រាវជ្រាវបញ្ញវ័ន្តអ្នកជំនាញ គោលនយោបាយបរទេសថ្នាក់ដឹកនាំសង្គមស៊ីវិលមកពីស្ថាប័នផ្សេងៗសាស្ត្រាចារ្យ និងនិស្សិតដើម្បីសិក្សាស្វែងយល់ទស្សនាទាន និងផល ប៉ះពាល់នៃបដិវត្តន៍ពណ៌ទៅលើប្រទេសជាតិស្ថិរភាពសន្តិភាព និងការអភិវឌ្ឍព្រមទាំងប្រមូលធាតុចូលល្អៗ សំដៅទប់ស្កាត់កុំឱ្យមានបដិវត្តន៍ពណ៌កើតឡើងនៅកម្ពុជាដូចទសវត្សរ៍១៩៧០,១៩៩០ និងទសវត្សរ៍ឆ្នាំ២០០០ ទៀត ។
ដោយឡែកលោកអឿ ចាន់ណាមកពីអាជ្ញាធរជាតិប្រយុទ្ធប្រឆាំងអាវុធគីមីនៃក្រសួងការពារជាតិបានលើកឡើង ពី«បដិវត្តពណ៌ ប្រជាធិបតេយ្យ ឬការរួមគំនិតប្រព្រឹត្តអំពើទុច្ចរិត ខណៈលោកហ៊ុយ វណ្ណៈអនុរដ្ឋលេខាធិការ ក្រសួងមហាផ្ទៃ និងជាប្រធានសហភាពសហព័ន្ធអ្នកសារព័ត៌មានកម្ពុជាបានថ្លែងអំពីបដិវត្តពណ៌ ផលប៉ះពាល់ ទៅលើស្ថិរភាពសង្គម សន្តិភាព និងការអភិវឌ្ឍសេដ្ឋកិច្ច» រីឯលោកពុយ គាប្រធានប្រចាំប្រទេសកម្ពុជានៃទីភ្នាក់ងារព័ត៌មានក្យូដូជប៉ុនបានលើកឡើងពីប្រព័ន្ធផ្សព្វផ្សាយសង្គម ផលប្រយោជន៍ និងផលប៉ះពាល់នៃបដិវត្ត ពណ៌ផងដែរ ។
គួរជម្រាបថា ការចាប់ផ្តើមនៃបដិវត្តន៍ពណ៌ គឺមានលក្ខណៈជាការជួបជុំបាតុកម្មកូដកម្ម ។ ដើម្បីផ្តួលរំលំរដ្ឋបាលស្របច្បាប់ ។ ដំណាក់កាលនៃបដិវត្តន៍ពណ៌ គឺចាប់ផ្តើមពីការជួបជុំក្នុងទ្រង់ទ្រាយតូចទៅជាធំ និងវិវត្តន៍ទៅជាទ្រង់ទ្រាយកាន់តែធំឡើងៗក្លាយជាវិនាសកម្មយ៉ាងធំធេងសម្រាប់ប្រទេសជាតិទាំងមូល ។ ក្នុងសិក្ខាសាលា នេះក៏មានការពិភាក្សាជាក្រុមដែលបែងចែកជា៤ក្រុមផ្តោតទៅលើផលប៉ះពាល់ លទ្ធផល និងផលប្រយោជន៍ នៃបដិវត្តន៍ពណ៌ ៕
ចែករំលែកព័តមាននេះ