ខេត្តកំពង់ចាម ៖ អាជ្ញាធរខេត្តកំពង់ចាមបានអះអាងថា យុវជនសមាជិកសហភាពសហព័ន្ធយុវជនកម្ពុជារបស់ខេត្តកំពង់ចាមដែលទើបប្រកាសទទួលស្គាល់ថ្មីនៅថ្ងៃទី១៦ មិថុនា ២០១៨នេះបានប្តេជ្ញាចិត្តចូលរួមការងារជួយសង្គម និងខិតខំថែរក្សាការពារនូវសុខសន្តិភាពដែលប្រទេសជាតិកំពុងមានការរីកចម្រើន និងអភិវឌ្ឍន៍គ្រប់វិស័យ ។
ក្នុងពិធីខាងលើនេះលោកគួច ចំរើន អភិបាលខេត្តកំពង់ចាមបានថ្លែងថា យុវជនត្រូវខិតខំបន្តយកចំណេះដឹងរបស់ខ្លួនទៅអប់រំណែនាំបន្តដល់ក្មេងៗជំនាន់ក្រោយ ឲ្យយល់ដឹងខ្ពស់ក្នុងការរួមចំណែកលើវិស័យអប់រំ និងត្រូវពង្រឹងស្មារតីលើជំហររបស់ខ្លួនមើលឃើញនូវអ្វីដែលបានរីកចម្រើន និងអភិវឌ្ឍន៍ដូចពេលបច្ចប្បន្ននេះ ។
លោកបន្តថា យុវជនសមាជិកសហភាពសហព័ន្ធយុវជនកម្ពុជា គឺជាសសរទ្រូងនៃប្រទេសជាតិ និងជាស្នូលមួយក្នុងការអភិវឌ្ឍន៍ប្រទេសជាតិ និងមានការចូលរួមអង្កេតការណ៍ក្នុងសកម្មភាពបោះឆ្នោតប្រកបដោយតម្លាភាព និងយុត្តិធម៌ដែលបានធ្វើជាយុវជនគំរូផងដែរ ក្នុង ការងារសង្គមមិនបង្កភាពអនាធិបតេយ្យផ្សេងៗដល់ប្រទេសឡើយ ។ សមាជិកសហភាពសហព័ន្ធយុវជនកម្ពុជាដែលទើបទទួលស្គាល់ថ្មីបានលើកឡើងថា យុវជនទាំងនោះពិតជាសប្បាយរីករាយក្នុងការចូលរួមធ្វើជាយុវជនគំរូល្អៗនឹងបានផ្តល់បទពិសោធន៍ ដើម្បីចែករំលែកដល់យុវជនដ៍ទៃទៀតឲ្យបានយល់ពីប្រទេសជាតិដែលមានការអភិវឌ្ឍន៍ដោយមិនប្រកាន់ពូជសាសន៍ឡើយ ។
ជាក់ស្តែងបច្ចប្បន្នប្រទេសមានការអភិវឌ្ឍន៍មានសុខសន្តិភាព និងស្ថេរភាពនយោបាយមានការរីកចម្រើនយុវជនមានការយល់ដឹងបានច្រើនក្នុងចូលរួមចែករំឡែកបទពិសោធន៍ចំណេះដឹងនូវអ្វីដែលថ្មីៗដល់យុវជនទូទៅ ដោយកុំយកពេលឥតប្រយោជន៍ធ្វើអ្វីដែលសង្គមស្អប់ខ្ពើមនឹងគ្មានការរីកចម្រើន ហើយយុវជនធ្វើការងារផ្អែកលើមូលដ្ឋាននៃកិច្ចសហការ មិត្តភាព ការផ្តល់ឱកាសមិនរើសអើង និងបម្រើផលប្រយោជន៍រួម ជាពិសេសត្រូវសយកការចែករំលែកមិនមែនបំបែកបំបាក់ មិនមែនការស្អប់ ត្រូវហ៊ានចួលរួមផ្តល់យោបល់កែលំអមិនមែនរិះគន់ ដើម្បីបំផ្លាញបំបាក់ទឹកចិត្ត ឬបន្តុះបង្អាប់គ្នានោះទេ ។
លោកគួច ចំរើនបានផ្តែផ្តាំ និងអំពាវនាវដល់បងប្អូនប្រជាពលរដ្ឋក៏ដូចយុវជនទាំងអស់ដែលមានសិទិ្ធចូលរួមបោះឆ្នោតជ្រើសរើសតំណាងដឹកនាំប្រទេសប្រកបដោយសុខសនិ្តភាព សុវត្ថិភាព ស្ថេរភាព និងមានលក្ខណៈអភិវឌ្ឍន៍រីកចម្រើនគ្រប់ផ្នែកគ្រប់វិស័យទាំងអស់ដូចនាពេលសព្វថ្ងៃនេះ ៕
ចែករំលែកព័តមាននេះ