ខេត្តកំពង់ចាម ៖ នៅលើផ្ទៃដីជាង១០ហិកតានៅភូមិខែលជ័យ ឃុំអូរស្វាយ ស្រុកកំពង់សៀម មានការបានបណ្តាក់ទុនសាងសង់ផ្សារ រួមជាមួយនឹងសមិទ្ធផលជាច្រើនទៀត ដោយបានចំណាយខ្ទង់លានដុល្លារ ។ ត្រូវបានបើកការដ្ឋានដោយបានធ្វើឡើង…
ខេត្តកំពង់ចាម ៖ នៅលើផ្ទៃដីជាង១០ហិកតានៅភូមិខែលជ័យ ឃុំអូរស្វាយ ស្រុកកំពង់សៀម មានការបានបណ្តាក់ទុនសាងសង់ផ្សារ រួមជាមួយនឹងសមិទ្ធផលជាច្រើនទៀត ដោយបានចំណាយខ្ទង់លានដុល្លារ ។ ត្រូវបានបើកការដ្ឋានដោយបានធ្វើឡើង នៅព្រឹកថ្ងៃទី១៦ មិថុនា ២០១៨ ក្រោមអធិបតីភាពលោកគួច ចំរើន អភិបាលនៃគណៈអភិបាលខេត្ត ដោយមានការចូលរួមពីប្រជាពលរដ្ឋព្រមទាំងអាជីវករច្រើនកុះករផង
ដែរ។
លោកប៊ិន ឡាដា អភិបាលស្រុកកំពង់សៀមថ្លែងថាៈ អនុវត្តន៏តាមកម្មវិធីនយោបាយយុទ្ធសាស្ត្រចតុ
កោណដំណាក់កាលទី៣ របស់រាជរដ្ឋាភិបាល រដ្ឋបាលស្រុកកំពង់សៀម មានការរីកចម្រើនលើគ្រប់
ផ្នែក ផ្នែកសេដ្ឋកិច្ចដូចជា ផ្នែកសង្គមកិច្ច ទាំងសមិទ្ធផលរូបវ័ន្ត ជាច្រើនដែលធ្វើឲ្យជីវភាពរបស់ប្រជា
ពលរដ្ឋកាន់តែប្រសើរជាបណ្តើរៗ មួយឆ្នាំទៅមួយឆ្នាំ តាមរយៈការទទួលនូវសមិទ្ធផលនានាពីសំណា
ក់រាជរដ្ឋាភិបាលនៃគូអភិវឌ្ឈន៏ អង្គការសង្គមស៊ីវិល ក្រុមការងារគ្រប់លំដាប់ថ្នាក់ សប្បុរសជនានាដូច
ជាផ្លូវថ្នល់ ផ្លូវបេតុង ស្ពានឆ្លងកាត់ទន្លេមេគង្គ តភ្ជាប់ពីក្រុងកំពង់ចាម ដល់ឃុំកោះមិត្ត សាលារៀន
វត្តអារាម ប្រព័ន្ធធារាសាស្ត្រ អគ្គីសនី ទឹកស្អាត រោងចក្រ និងបានសហការជាមួយមន្ទីរជំនាញបើកវគ្គបណ្តុះបណ្តាលជូនប្រជាពលរដ្ឋឲ្យចេះ ដើម្បីបង្កើនផលិតផល ការច្នៃប្រឌិតបង្កើតឡជីវៈឧស្ម័ន។
លោកឧកញ៉ា លី ឈុនអ៊ូ ប្រធានក្រុមហ៊ុន The Star Island និងជាប្រធានគម្រោងអភិវឌ្ឈន៏ផ្សារត្រើង
បានថ្លែងថា កន្លងមកដោយមើលឃើញអាជីវករក្នុងផ្សារនាពេលបច្ចុប្បន្ន មានស្ថានភាពលំបាកក្នុង
ការប្រកបរបរអាជីវកម្ម លក់ចេញទិញចូលក្នុងផ្សារដែលគ្មានដំបូល គ្មានអនាម័យជាពិសេសតែងតែ
មានភក់ជ្រាំពេលមានភ្លៀងធ្លាក់មកម្តងៗនោះ និងគ្មានការរៀបចំសណ្តាប់ធ្នាប់ឲ្យបានល្អត្រឹមត្រូវនោះ
ទេទើបជំរុញឲ្យរូបលោកនិងថ្នាក់ដឹកនាំរបស់ក្រុមហ៊ុន បានសម្រេចចិត្តអភិឌ្ឈន៏នូវការសាងសង់ផ្សារ
ត្រើងឧកញ៉ា លី ឈុនអ៊ូ នេះឡើងឲ្យមានភាពល្អប្រសើរ និងភាពងាយស្រួលដល់បងប្អូនអាជីវករ ។
លោកគួច ចំរើន អភិបាលនៃគណៈអភិបាលខេត្តមានប្រសាសន៏ឲ្យដឹងដែរថា រូបលោកសូមកើតសសើ
រដល់ក្រុមហ៊ុនរបស់លោកឧកញ៉ា លី ឈុនអ៊ូ ដែលមានគំនិតក្នុងការអភិវឌ្ឈន៏នៅតំបន់ត្រើងនេះ
បង្កើតផ្សាររួមនឹងសមិទ្ធិផលផ្សេងៗទៀត ក្នុងការរួមចំនែកជួយដល់សង្គមជាតិ កន្លងមករូបលោកចេះតែធ្វើដំណើរទៅហួសមកហួសផ្សារត្រើង ។
លោកគួច ចំរើន អភិបាលខេត្តបន្តថា ទីនេះជាស្រុកកំណើតរបស់លោកឧកញ៉ា ហើយដោយសារតែមានចិត្តក្នុងការអភិវឌ្ឈន៏សាងសាងផ្សារត្រើងនេះឡើង ជាមួយនោះសូមឲ្យមន្ទីរពាក់ព័ន្ធនានាត្រូវតែ
ចូលរួមសិក្សាដើម្បីរកផលប៉ះពាល់ដែលត្រូវតែដោះស្រាយ ។ជាមួយមានប្រព័ន្ធលូ ប្រឡាយសម្រាប់
បង្ហូរទឹកចេញពីតំបន់អភិវឌ្ឈន៏ថានឹងត្រូវប្រើទំហំប៉ុណ្ណា ធ្វើយ៉ាងណាឲ្យអ្នកដែលមករស់នៅទីនេះមាន
ផាសុខភាពដែលអាចនឹងក្លាយទៅជាទីក្រុងរណបតូចមួយ ដែលស្របទៅនឹងគោលនយោបាយរបស់
រាជរដ្ឋាភិបាលកម្ពុជា ហើយរូបលោកចង់ឃើញអ្វីៗ ដែលមានការរីកចម្រើននៅទីនេះ ៕
ចែករំលែកព័តមាននេះ