ការប្រកួតពានរង្វាន់ពិភពលោក World Cup ឆ្នាំ២០២៦ នឹងត្រូវប្រារព្ធឡើងដោយមាន៣ប្រទេសរួមគ្នាធ្វើជាម្ចាស់ផ្ទះព្រឹត្តិការណ៍ដ៏ធំនេះ ក្នុងនោះមាន អាមេរិក កាណាដា និងម៉ិក ស៊ិក…
ការប្រកួតពានរង្វាន់ពិភពលោក World Cup ឆ្នាំ២០២៦ នឹងត្រូវប្រារព្ធឡើងដោយមាន៣ប្រទេសរួមគ្នាធ្វើជាម្ចាស់ផ្ទះព្រឹត្តិការណ៍ដ៏ធំនេះ ក្នុងនោះមាន អាមេរិក កាណាដា និងម៉ិក
ស៊ិក ហើយក្រុមដែលនឹងចូលរួមមានរហូតដល់៤៨ប្រទេស ដែលត្រូវប្រកួតសរុបចំនួន៨០
លើក ។ ក្នុងការប្រកួតទាំងនោះ តើគេនឹងត្រូវបែកចែកយ៉ាងដូចម្តេចខ្លះ?
ចំពោះម៉ិកស៊ិក និងកាណាដា ត្រូវបានគេរំពឹងថានឹងទទួលធ្វើជាម្ចាស់ផ្ទះក្នុងប្រទេសនីមួយៗ
ចំនួន១០ប្រកួត ក្នុងនោះ៧ប្រកួតសម្រាប់វគ្គចែកពូល ២ប្រកួតវគ្គ៣២ក្រុម និង១ប្រកួតវគ្គ១៦ក្រុម ដោយប្រើប្រាស់៣ពហុកីឡដ្ឋានក្នុងប្រទេសទាំងពីរ ។ ចំណែកឯអាមេរិក ត្រូវទទួលខុសត្រូវការប្រកួតដែលសេសសល់ចំនួន ៦០បូករួមទាំងការប្រកួតចាប់ពីវគ្គ៨ក្រុមដល់វគ្គផ្តាច់ព្រ័ត្រ ដោយប្រើប្រាស់១០ពហុកីឡដ្ឋាន ។
ក្រុមទាំង៤៨ប្រទេសនេះ នឹងត្រូវបែកចែកជា១៦ពូលដែលក្នុងមួយពូលមាន៣ក្រុម ដើម្បីប្រកួតប្រជែងយក២ក្រុមប៉ុណ្ណោះក្នុងមួយពូលឡើងទៅវគ្គ៣២ក្រុម និងការប្រកួតជាបន្តបន្ទាប់ទៀតធ្វើឡើងដូចធម្មតា ។ ខាងក្រោមនេះ គឺជាការពង្រីកចំនួនកៅអីថ្មីក្នុងទ្វីបនីមួយៗ ដែល FIFA ប្រើប្រាស់សម្រាប់ World Cup ឆ្នាំ២០២៦ ៖
-ទ្វីបអាស៊ី ៖ ៨កៅអី (ឡើងពី ៤,៥កៅអី)
-ទ្វីបអាហ្វ្រិក ៖ ៩កៅអី (ឡើងពី ៥កៅអី)
-ទ្វីបអាមរិកខាងជើង ៖ ៦កៅអី ដែល៣កៅអីត្រូវបានឱ្យម្ចាស់ផ្ទះស្វ័យប្រវត្តិ (ឡើងពី ៣,៥កៅអី)
-ទ្វីបអាមេរិកខាងត្បូង ៖ ៦កៅអី (ឡើងពី៤,៥កៅអី)
-ទ្វីបអូសេអានី ៖ ១កៅអី (ឡើងពី 0,៥កៅអី)
-ទ្វីបអឺរ៉ុប ៖ ១៦កៅអី (ឡើងពី១៣កៅអី)
យ៉ាងណាមិញ ការរៀបចំខាងលើនេះអាចនឹងមានការប្រែប្រួលលក្ខខណ្ឌណាមួយនាពេលអនាគត ។ គួរបញ្ជាក់ផងដែរ ការប្រកួត World Cup ឆ្នាំ២០២២ នឹងត្រូវធ្វើឡើងនៅប្រទេសកាតា ៕
ចែករំលែកព័តមាននេះ