រាជធានីភ្នំពេញ ៖ ក្នុងជំនួបពិភាក្សាទ្វេរភាគីជាមួយឯកអគ្គរាជទូតកូរ៉ខាងត្បូង សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានស្នើភាគីកូរ៉េជួយជំរុញឱ្យបង្កើនចំនួនកូតាសម្រាប់ពលករកម្ពុជាទៅធ្វើការក្នុងប្រទេសកូរ៉េ ក្នុងវិស័យសេវាកម្ម និងឧស្សាហកម្មបន្ថែមទៀត…
រាជធានីភ្នំពេញ ៖ ក្នុងជំនួបពិភាក្សាទ្វេរភាគីជាមួយឯកអគ្គរាជទូតកូរ៉ខាងត្បូង សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានស្នើភាគីកូរ៉េជួយជំរុញឱ្យបង្កើនចំនួនកូតាសម្រាប់ពលករកម្ពុជាទៅធ្វើការក្នុងប្រទេសកូរ៉េ ក្នុងវិស័យសេវាកម្ម និងឧស្សាហកម្មបន្ថែមទៀត នៅឆ្នាំ២០១៨ និងរកទីផ្សារនាំផលិតផលកសិកម្ម របស់ប្រទេសកម្ពុជា ទៅប្រទេសកូរ៉េឱ្យបានកាន់តែច្រើនថែមទៀតជាពិសេសអង្ករកម្ពុជា។ សម្តេច សាយ ឈុំ បានលើកឡើងក្នុងជំនូបជាមួយលោក Oh Nay-Young អគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េ ប្រចាំនៅកម្ពុជាកាលពីថ្ងៃទី១៤ មិថុនា ឆ្នាំ២០១៨ នៅវិមានព្រឹទ្ធសភាថាតាមរយៈ បេស កកម្មការទូតរបស់លោកឯកអគ្គរដ្ឋទូតកូរ៉េ នៅព្រះរាជាណាចក្រកម្ពុជា ពិតជារួមចំណែកពង្រឹងព ង្រីកទំនាក់ទំនងមិត្តភាព និងកិច្ចសហប្រតិបត្តិការរវាងប្រជាជន និងប្រទេសទាំងពីរឱ្យកាន់តែល្អ ប្រសើរឡើងថែមទៀត ដើម្បីនាំមកនូវផលប្រយោជន៍ សម្រាប់ប្រជាជន និងប្រទេសទាំងពីរ។
សម្តេចបន្តថា សម្តេចមានការពេញចិត្តជាខ្លាំងដោយមើលឃើញថា ទំនាក់ទំនង និងកិច្ចសហប្រតិបត្តិការរវាងប្រជាជន និងប្រទេសទាំងពីរ មានការរីកចម្រើនឥតឈប់ឈរ ជាពិសេសក្នុងវិស័យនយោបាយ សេដ្ឋកិច្ច ពាណិជ្ជកម្ម វិនិយោគ ទេសចរណ៍ អប់រំ។ ថ្នាក់ដឹកនាំកំពូល និងមន្ត្រីជាន់ខ្ពស់គ្រប់លំដាប់ថ្នាក់ បានផ្លាស់ប្តូរទស្សនកិច្ចគ្នា ទៅវិញទៅមកជាបន្តបន្ទាប់ និងគាំទ្រគ្នាទៅវិញទៅមក នៅក្នុងកិច្ចសហប្រតិបត្តិការលើឆាកអន្តរជាតិ។ សម្តេចប្រធានព្រឹទ្ធសភា បានថ្លែងអំណរគុណចំពោះរដ្ឋាភិបាលនៃសាធារណរដ្ឋកូរ៉េ ដែលបានផ្តល់ជំនួយអភិវឌ្ឍន៍ផ្លូវការ (ODA) ផ្តល់ហិរញ្ញប្បទានឥតសំណង និងឥណទានសម្បទាន មូលនិធិសហប្រតិបត្តិការ អភិវឌ្ឍសេដ្ឋកិច្ច ក្នុងគោលដៅលើកកម្ពស់សេដ្ឋកិច្ច សង្គមនៅព្រះរាជាណាចក្រកម្ពុជា។ ទន្ទឹមនេះ អ្នកវិនិយោគ និងអ្នកទេសចរណ៍កូរ៉េ ក៏បានរួមចំណែកដ៏សំខាន់នៅក្នុងការអភិវឌ្ឍសេដ្ឋកិច្ចរបស់ប្រទេសកម្ពុជា។ ជាមួ យគ្នានេះដែរ អាជ្ញាធរនៃសាធារណរដ្ឋកូរ៉េ បានផ្តល់ការយកចិត្តទុកដាក់ដល់ការគាំពារ ចំពោះពលករកម្ពុជា ដែលបាន និងកំពុងបំពេញការងារតាមសហគ្រាស និងកសិដ្ឋាននានានៅប្រទេសកូរ៉េ។
សម្តេចបញ្ជាក់ថា «ខ្ញុំស្នើឯកឧត្តមឯកអគ្គរដ្ឋទូត ជួយជំរុញឱ្យបង្កើនចំនួនកូតាសម្រាប់ពលករកម្ពុជា ទៅធ្វើការក្នុងប្រទេសកូរ៉េ ក្នុងវិស័យសេវាកម្ម និងឧស្សាហកម្មបន្ថែមទៀតនៅឆ្នាំ២០១៨ និងរកទីផ្សារ នាំផលិត ផលកសិកម្មរបស់ ប្រទេសកម្ពុជា ទៅប្រទេសកូរ៉េ ឱ្យបានកាន់តែច្រើនថែមទៀត ជាពិសេសអង្ករកម្ពុជា»។ ជាមួយគ្នានោះដែរ សម្តេចប្រធានព្រឹទ្ធសភា ក៏បានឯកភាពថា ត្រូវជំរុញនូវទំនាក់ទំនង និងកិច្ចសហប្រតិបត្តិការនៅស្ថា ប័ននីតិប្បញ្ញត្តិនៃប្រទេសទាំងពីរ ឱ្យកាន់តែល្អប្រសើរថែមទៀត។ ក្នុងនាមព្រឹទ្ធសភា និងសម្តេចផ្ទាល់ សម្តេចបានសម្តែងនូវសេចក្តីរីករាយ និងត្រៀមខ្លួនជានិច្ចក្នុងការធ្វើកិច្ចសហប្រតិបត្តិការដ៏ជិតស្និទ្ធជាមួយនឹង ឯកឧត្តមឯកអគ្គរដ្ឋទូត ក៏ដូចជាស្ថានទូតកូរ៉េប្រចាំកម្ពុជា ដើម្បីរួមចំណែកពង្រឹងពង្រីកចំណងមិត្តភាព និងកិច្ចសហប្រតិបត្តិការ នាំមកនូវផលប្រយោជន៍ទៅវិញទៅមកជូនប្រជាជន និងប្រទេសទាំងពីរ។
លោក Oh Nay-Young បានជម្រាបជូនសម្តេចប្រធានព្រឹទ្ធសភាថា លោកធ្លាប់ ជាអតីតទីប្រឹក្សាអមស្ថាទូតកូរ៉េ ប្រចាំព្រះរាជាណាចក្រកម្ពុជា កាលពី១០ឆ្នាំមុន ហើយតឡូវលោកត្រូវបានរដ្ឋាភិបាលនៃ សាធារណរដ្ឋកូរ៉េ តែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េប្រចាំព្រះរាជាណាចក្រកម្ពុជា។ លោកឯកអគ្គរដ្ឋទូត បានសម្តែងនូវសេចក្តីរីករាយ អបអរសាទរ និងវាយតម្លៃខ្ពស់ចំពោះការរីកចម្រើន និងអភិវឌ្ឍសេដ្ឋកិច្ច សង្គមរបស់ប្រទេសកម្ពុជាយ៉ាងឆាប់រហ័ស ក្រោមការដឹកនាំ របស់សម្តេចតេជោ ហ៊ុន សែន។
លោកទូតបានបញ្ជាក់ថា« ប្រទេសកូរ៉េ ចាត់ទុកប្រទេសកម្ពុជាជាដៃគូដ៏ល្អ ក្នុងចំណោម ប្រទេសអាស៊ានទាំង១០។ រដ្ឋាភិបាលកូរ៉េ តែងតែយកចិត្តទុកដាក់ក្នុងការធ្វើទំនាក់ទំនង និងកិច្ចសហប្រ តិបត្តិការជាមួយគ្នា និងជាដៃគូ សម្រាប់រួមក្នុងការកសាងសហគមន៍អាស៊ាន។ ជាមួយគ្នានេះ ប្រទេសកូរ៉េ ស្នើសុំប្រទេសកម្ពុជា បន្តជំរុញបន្ថែមក្នុងការផ្លាស់ប្តូរវាងវប្បធម៌ ផ្លាស់ប្តូរមនុស្ស និងមនុស្ស ដែលឆ្នាំកន្លងទៅនេះ ប្រជាជននៃប្រទេសទាំងពីរប្រហែល៤០ម៉ឺននាក់ បានផ្លាស់ប្តូរទស្សនកិច្ចគ្នាទៅវិញទៅមក»។
ចំពោះពលករកម្ពុជាដែលកំពុងធ្វើការនៅប្រទេសកូរ៉េ លោកទូតបានប្តេជ្ញាថា នឹងខិតខំ ឲ្យអស់លទ្ធភាពចំពោះកិច្ចសហប្រតិបត្តិការជាមួយនឹងក្រសួងពាក់ព័ន្ធ ដើម្បីជួយជំរុញឲ្យពលករកម្ពុជា ទៅធ្វើការនៅប្រទេសកូរ៉េ កាន់តែច្រើនថែមទៀត ទោះបីច្បាប់សម្រាប់ការនាំពលករទៅធ្វើការនៅប្រទេសកូរ៉េមានភាពស្មុគស្មាញយ៉ាងណាក៏ដោយ។ លោកឯកអគ្គរដ្ឋទូតបានសន្យាថា ក្នុងអំឡុងពេលបេសកកម្មការទូតនេះ ឯកឧត្តមនឹងខិតខំបន្ថែមទៀត ក្នុងការជំរុញឲ្យមានការទិញនូវផលិតផលកសិកម្មពីប្រទេសកម្ពុជា និងជំរុញឲ្យអ្នកវិនិយោគគិនកូរ៉េ មកវិនិយោគនៅព្រះរាជាណាចក្រកម្ពុជា បានកាន់តែច្រើន ព្រមទាំងខិតខំពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរលើគ្រប់វិស័យថែមទៀត។ លោកឯកអគ្គរដ្ឋទូត ក៏បានត្រៀមខ្លួនជួយសម្រួលដើម្បីធ្វើឱ្យទំនាក់ទំនង នៃស្ថាប័ននីតិប្បញ្ញត្តិប្រទេសទាំងពីរ មានលក្ខណៈជាក់ស្តែង និងកាន់តែរីកចម្រើនថែមទៀតផងដែរ៕
ចែករំលែកព័តមាននេះ