ខេត្តក្រចេះ ៖ អាជ្ញាធរក៏ដូចជាក្រុមគ្រួសារបានកំណត់ថា ការស្លាប់របស់ក្មេងរងគ្រោះនេះ គឺដោយសារស្លាក់គ្រាប់សាវម៉ាវក្រោយហូបផ្លែលេបទាំងគ្រាប់តែម្តង ។ ក្មេងរងគ្រោះរូបនេះឈ្មោះ ជាម មេត្តា អាយុ៦ឆ្នាំ ត្រូវបានដាច់ខ្យល់ស្លាប់ភ្លាមៗ ដោយមិនអាចជួយសង្គ្រោះទាន់ កើតឡើងនៅផ្ទះក្នុងភូមិអូរតាណឹង ឃុំក្បាលដំរី ស្រុកសំបូរ កាលពីព្រឹកថ្ងៃទី១៥ មិថុនា នេះ ។
បើតាមឪពុកបានប្រាប់ឱ្យដឹងថា កូនប្រុសគាត់បានហូបផ្លែសាវម៉ាវ ដែលម្តាយទិញពីអ្នកលក់តាមម៉ូតូ។ ក្រោយពីបានទិញ ម្តាយក៏បានចែកផ្លែសាវម៉ាវឱ្យកូនៗហូបដោយម្នាក់១គ្រាប់ ។
ភ្លាមៗ កុមារារងគ្រោះដែលបានហូបលេបគ្រាប់ ក៏ត្រូវស្លាក់គ្រាប់ចូលក្នុងបំពងខ្យល់ បណ្តាលឱ្យដាច់ខ្យល់ស្លាប់មួយ រំពេច។ ផ្លែសាវម៉ាវត្រូវគេមើលឃើញថា តែងតែបង្កកាយាយីដល់អាយុជីវិតលើកុមារជាបន្តបន្ទាប់ ដូចជាការពុលសំបក ដែលមានបាញ់ថ្នាំ ហើយមិនបានលាងសម្អាតមុនពេលហូប និងការស្លាក់គ្រាប់សាវម៉ាវនេះជាដើម ។
ចែករំលែកព័តមាននេះ