តោះ​ទាយ ស្អែក​នេះ​ម្ចាស់​ខ្សែក្រវាត់​ប៉ះ​ជើង​ខ្លាំងថៃ​យ៉ាង​ណា​ដែរ


រាជធានី​ភ្នំពេញ ៖ នៅ​ល្ងាច​ថ្ងៃ​សៅរ៍ ទី​១៦ មិថុនា ស្អែក​នេះ ស្ថានីយទូរទស្សន៍​ប៉ុស្ដិ៍​លេខ​៥ នឹង​បើក​ការ​ប្រដាល់​ជា​លក្ខណៈ​អន្តរជាតិ​ដូច​សព្វដង​នៅ​ក្នុង​ទីតាំង​របស់​ខ្លួន​ដែល​ស្ថិត​​នៅ​ព្រែក​កំ​ពិស ម្ដុំ​ព្រែក​ហូរ​ជាយ​រាជធានីភ្នំពេញ​ទៀត​ហើយ ដើម្បី​ស្វា​មគ​មន៍​ការ​ប្រកួតជ្រើសរើស​ជើងឯក​ក្នុង​ប្រភេទ​ទម្ងន់​៦០​គីឡូក្រាម ដែល​បាន​ចាប់ផ្ដើម​កាលពី​ស​ប្ដា​ហ៍​មុន​ក្នុង​ស​ប្ដា​ហ៍​ទី​២ ។ អ្វី​ដែល​គេ​ចាប់អារម្មណ៍ គឺ​កីឡាករ​ថៃ​ឈ្មោះ​Thai Ou Lan ដែល​ជា​ជើងខ្លាំង​មិនធម្មតា​គឺជា​គូ​អន្តរជាតិ​ដែល​ត្រូវ​ប៉ះ​គ្នាជាមួយ​ម្ចាស់​ខ្សែក្រវាត់​ឡុ​ង សុ​ភី ។ នេះ​ជា​ការប្រកួត​យ៉ាង​កម្រ​ខណៈ​ដែល​មានការ​ទម្លាយ​ថា ការ​ដាក់​កីឡាករ​ជើង​ខ្លាំង​ទាំង​ពីរ​ឱ្យ​ជួប​គ្នា​បែបនេះ​ដើម្បី​ធ្វើ​ឱ្យ​កក្រើក​ព្រឹត្តិការណ៍​ប្រកួត​ជម្រុះ​ចាញ់​ធ្លាក់​ក្នុង​រដូវ​កាល​ថ្មី នា​ស​ប្ដា​ហ៍​ទី​២ សម្រាប់​ស្វាគមន៍​វគ្គ​ជម្រុះ​របស់​កីឡាករ​៤​រូប​ផ្សេង​ទៀត​នោះ​ផង​។

លោក សេង ក​ដិ​កា បញ្ជាក់​ថា សមាសភាព​ខាង​កម្ពុជា សម្រាប់​ការ​ប្រកួត​ជាមួយ​ថៃ លោក​​ជឿជាក់​ខ្លាំង​លើ​ម្ចាស់​ខ្សែក្រវាត់ ឡុ​ង សុ​ភី ដោយសារ​តែ​កីឡាករ​រូប​នេះ ធ្លាប់​មាន​ស្នាដៃ​រាប់​មិន​អស់ ទើប​លោក​សម្រេច​ដាក់​ឱ្យ​ប្រកួត​ជា​លក្ខណៈ​អន្តរជាតិ​ជាមួយ​ជើង​ខ្លាំង​ថៃ ។ លោក​ប្រកាស​ថា វត្តមាន​ចុះ​មក​របស់​កីឡាករ​ថៃ​ដែល​មក​ប្រកួត​ក្នុង​ស​ប្ដា​ហ៍​នេះ គឺ​មាន​តែ ឡុ​ង សុ​ភី ម្នាក់​ប៉ុណ្ណោះ​ដែល​លោក​សម្លឹង​ឃើញ​ថា​មានបទពិសោធន៍ និង​មាន​សមត្ថភាព​គ្រប់គ្រាន់​អាច​ឱ្យ​ប្រកួត​ជាមួយ​បាន ជា​ពិសេស​គឺ​អ្នក​ទាំង​ពីរ​មាន​ប្រភេទ​ទម្ងន់​ត្រូវ​គ្នា ។ លោក​ក៏​បាន​កំណត់​ឱ្យ​កីឡាករ​កម្ពុជា​រូប​នេះ ហ្វឹកហាត់​ជាប់លាប់​មិន​តិច​ជាង​១​ស​ប្ដា​ហ៍​ផង​ដែរ​មុន​ពេល​ផ្គូផ្គង​ទើប​លោក​យល់​ថា សមាសភាព​របស់​កីឡាករ​កម្ពុ​ជាមួយ​នេះ​គ្រប់គ្រាន់​សម្រាប់​ឱ្យ​ប៉ុស្តិ៍​លេខ​៥​ដាក់​ឱ្យ​ប្រកួត​ជា​លក្ខណៈ​អន្តរជាតិ នៅ​ថ្ងៃ​សៅរ៍​នេះ​បាន ។

លោក​ថា កីឡាករ​កម្ពុជា និង​ថៃ សុទ្ធតែ​ត្រូវ​បាន​អះអាង​ថា​មានការ​ត្រៀម​ខ្លួន​ច្បាស់​លាស់ ដោយសារ​តែ​ភាគី​ម្ខាង​ៗ​ចង់​ឈ្នះ​ការ​ប្រកួត​រៀងខ្លួន និង​មិន​ចង់​បាត់បង់​ក្រេ​ឌី​ត​ក្រោយ​ពេល​ប៉ះ​គ្នា ។ មួយគូ​នេះ មានការ​ចាប់អារម្មណ៍​ភាគច្រើន ថា​នឹង​មាន​អ្នក​ស្នេហា​វិស័យ​ប្រដាល់​ជក់ចិត្ត ដោយសារ​ជា​បទ​ពិសោធន៍ កីឡាករ ឡុ​ង សុ​ភី មិនសូវ​មាន​ទម្លាប់​​ឡើង​វ៉ៃ​លាក់​ដៃ​ស្រាប់​ទៅ​ហើយ ស្របគ្នា​ដែល​គេ​ក៏​ជា​កីឡាករ​ក្លាហាន ហើយ​វាយ​ស៊ូ​។

លោក សេង ក​ដិ​កា បន្ត​ថា ជំនួប​អន្តរជាតិ​ដែល​បាន​ធ្វើ​ឡើង​នៅ​ប៉ុស្តិ៍​លេខ​៥ មិនមែន​សុទ្ធតែ​រន្ថើន​ព្រឹត្តិការណ៍​ជើងឯក​ឱ្យ​អ្នក​ទស្សនា​កាន់តែ​មាន​អារម្មណ៍​កញ្ជ្រោល​នោះ​ទេ ប៉ុន្តែ​សម្រាប់​ជំនួប​រវាង​កីឡាករ​ទាំង​២ លោក​ជឿជាក់​ថា​នឹង​កក្រើក ដោយសារ​កីឡាករ​ថៃ​លោក​ស្គាល់​ថ្វីដៃ​ច្បាស់​ហើយ​ថា មិនធម្មតា ហើយ​សម្រាប់​កីឡាករ​កម្ពុជា​វិញ ក៏​ល្អ​ស្ថិត​ក្នុង​ទំនុកចិត្ត​លោក​តាំងពី​មុន​ផ្គូផ្គង ។ លោក​សេង ក​ដិ​កា បញ្ជាក់​ថា ការ​ប្រកួត​របស់​​ប៉ុស្តិ៍​លេខ​៥ កាន់តែ​មានការ​ចាប់អារម្មណ៍ ដោយសារ​តែ​នៅ​ស​ប្ដា​ហ៍​ក្រោយ ការ​ប្រកួត​វគ្គ​ផ្ដាច់ព្រ័ត្រ​នឹង​ចាប់ផ្ដើម​ឡើង ។ លោក​ថា ជំនួប​ពួក​គេ​នឹង​កាន់តែ​មានការ​ចាប់​អារម្មណ៍ ដោយសារ​តែ​ក្នុង​ជំនួប​នោះ​ក៏​មាន​វត្តមាន​បង្ហាញខ្លួន​របស់​កីឡាករ​៤​រូប​ក្នុង​ចំណោម​៣២​រូប​ប្រកួត​ជម្រុះ​ក្នុង​ស​ប្ដា​ហ៍​ទី​២​បង្ហាញខ្លួន​ផង​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កីឡាជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ