កម្ទេចចំណីអាហារមានគីមីជាង100តោន
- កំពង់ស្ពឺ
ខេត្តកំពង់ស្ពឺ ៖ កាលពីព្រឹកថ្ងៃទី១៤ ខែមិថុនា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីដុតកម្ទេចចំណីអាហារខូចគុណភាព…
ខេត្តកំពង់ស្ពឺ ៖ កាលពីព្រឹកថ្ងៃទី១៤ ខែមិថុនា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីដុតកម្ទេចចំណីអាហារខូចគុណភាព…
ខេត្តកំពង់ស្ពឺ ៖ កាលពីព្រឹកថ្ងៃទី១៤ ខែមិថុនា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីភាពក្នុងពិធីដុតកម្ទេចចំណីអាហារខូចគុណភាព និងខុសច្បាប់ ដោយមានសារធាតុគីមីចំនួនជាង១០០តោន នៅក្នុងភូមិពីងពង់ ឃុំដំណាក់រាំង ស្រុកឧដុង្គ ។ ពិធីនេះ មានការចូលរួមពីសំណាក់ថ្នាក់ដឹកនាំក្រសួងពាក់ព័ន្ធ តំណាងអង្គទូត ស្ថាប័នតុលាការ អង្គភាពនានា អាជ្ញាធរដែនដីគ្រប់ជាន់ថ្នាក់ និងវិស័យឯកជនផងដែរ សរុបជិត១.០០០នាក់ ។
បើតាមប្រសាសន៍របស់លោក វ៉ី សំណាង អភិបាលខេត្ត បានឱ្យដឹងថា ទីតាំងខាងលើនេះបានផលិតសម្បកសាច់ក្រក ចំណីអាហារខូចគុណភាព ខុសច្បាប់ ដោយមានលាយសារធាតុគីមី ហើយត្រូវបានសមត្ថកិច្ចចម្រុះនៃគណៈកម្មាធិការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់ មានហានិភ័យខ្ពស់ដល់សុខភាពនិងសុវត្ថិភាពសង្គមនៃក្រសួងមហាផ្ទៃ បង្ក្រាបនិងរឹបអូសពីជនល្មើសដែលចរាចរណ៍ស្តុកទុក ផលិត និងចែកចាយខុសច្បាប់ នាអំឡុងខែកក្កដា ឆ្នាំ២០១៧កន្លងទៅ សរុប១១៦តោន ក្នុងនោះមានសាច់ និងគ្រឿងក្នុងសត្វគ្រប់ប្រភេទចំនួន៩មុខ ។ ប៉ុន្តែកម្លាំងសមត្ថកិច្ចចម្រុះបានរក្សាទុកសិន រហូតមកដល់ពេលនេះទើបធ្វើការដុតកម្ទេចនិងកប់ចោលតែម្តង ។
សម្តេច ក្រឡាហោម ស ខេង បានថ្លែងថា នេះជាលើកទី៣ហើយដែលកម្លាំងជំនាញបានធ្វើការដុតបំផ្លាញនិងដុតចោលចំណីអារហារខូចគុណភាព ខុសច្បាប់ និងមានសាធាតុគីមី សរុបជាង៣០០តោនមកហើយ ។ ប្រសិនបើយើងទប់ស្កាត់មិនបានទេនោះ វត្ថុទាំងអស់នេះបានលក់នៅលើទីផ្សារ ច្បាស់ជាមានបញ្ហា ប៉ះពាល់ដល់សុខភាពរបស់ប្រជាពលរដ្ឋយើងមិនតិចនោះទេ ។
សម្តេចក្រឡាហោម បានកោតសរសើរកម្លាំងសមត្ថកិច្ចដែលតែងតែយកចិត្តទុកដាក់ក្នុងការបំពេញការងារទប់ស្កាត់ ជាពិសេសចំណីអាហារខូចគុណភាព និងមានសារធាតុគីមីកន្លងមកនេះ ។
ជាចុងក្រោយ សម្តេចក្រឡាហោមបានផ្តាំផ្ញើដល់បងប្អូនប្រជាពលរដ្ឋយើងទាំងអស់សូមទៅបោះឆ្នោតឱ្យបានគ្រប់គ្នាៗ នៅថ្ងៃអាទិត្យទី២៩ ខែកក្កដា ឆ្នាំ២០១៨ខាងមុខនេះ ដោយបោះឆ្នោតឱ្យគណបក្សប្រជាជនកម្ពុជា ដែលមានសម្តេចតេជោ ហ៊ុន សែន នាយករដ្ឋមន្ត្រីដើម្បីឱ្យសម្តេចដឹកនាំប្រទេសឱ្យកាន់តែមានភាពរីកចម្រើនតទៅទៀត ៕
ចែករំលែកព័តមាននេះ