ខេត្តពោធិ៍សាត់ ៖ ផ្ទះមួយខ្នងទំហំ៥ម៉ែត្រគុណ៦ម៉ែត្រក្រាលក្តារ ជញ្ជាំងស្លឹក ប្រក់ស័ង្កសីបានក្លាយជាចំណីអគ្គិភ័យមួយប៉ប្រិចភ្នែកទាំងកណ្តាលថ្ងៃ ខណៈពេលម្ចាស់ផ្ទះទៅលក់បា.ញ់ឆែវភ្លេចពន្លត់ភ្លើងចង្ក្រាន កាលពីវេលាម៉ោង២និង១០នាទីរសៀល ថ្ងៃទី២៦ កុម្ភៈ ២០១៣ នៅភូមិសាមគ្គី ឃុំស្នាមព្រះ ស្រុកបាកាន ។
ខេត្តពោធិ៍សាត់ ៖ ផ្ទះមួយខ្នងទំហំ៥ម៉ែត្រគុណ៦ម៉ែត្រក្រាលក្តារ ជញ្ជាំងស្លឹក ប្រក់ស័ង្កសីបានក្លាយជាចំណីអគ្គិភ័យមួយប៉ប្រិចភ្នែកទាំងកណ្តាលថ្ងៃ ខណៈពេលម្ចាស់ផ្ទះទៅលក់បាញ់ឆែវភ្លេចពន្លត់ភ្លើងចង្ក្រាន កាលពីវេលាម៉ោង២និង១០នាទីរសៀល ថ្ងៃទី២៦ កុម្ភៈ ២០១៣ នៅភូមិសាមគ្គី ឃុំស្នាមព្រះ ស្រុកបាកាន ។
តាមការផ្តល់ព័ត៌មានពីលោកអួច ឃឿន មេ ឃុំស្នាមព្រះ ឱ្យដឹងថា ម្ចាស់ផ្ទះឈ្មោះខន ទាល អាយុ៥៥ឆ្នាំ ប្រពន្ធឈ្មោះយុន គីម អាយុ៥០ឆ្នាំ មានកូនប្រុស-ស្រី៧នាក់ ។ គ្រួសារខាងលើក្រៅពីមុខរបរធ្វើស្រែឆ្លៀតពេលទំនេរ ចាក់បាញ់ឆែវលក់ និងស៊ីឈ្នួលធ្វើកម្មករផ្សេងៗ ។ នៅថ្ងៃកើតហេតុប្តី និងកូនៗដើរស៊ីឈ្នួលគេអស់នៅសល់ តែស្ត្រីជាប្រពន្ធចាក់បាញ់ឆែវលក់ដូចសព្វដង ពេលចាក់រួចក៏ទូលដើរលក់ក្នុងភូមិដោយមិនបានពន្លត់ភ្លើងចង្ក្រានទេ បណ្តាលឱ្យខ្យល់បក់ហើរកម្ទេចភ្លើងឆេះជញ្ជាំងស្លឹកបង្កជាអគ្គិភ័យតែម្តង ។
ពេលឆេះភ្លាមៗពុំមានអ្នកណាឃើញ និងជួយពន្លត់ទាន់ទេ ទាល់តែឆេះសន្ធោសន្ធៅទៅហើយទើបអ្នកស្រុកអ្នកភូមិឃើញ ប៉ុន្តែមិនអាចជួយបានទេ ហើយនៅទីនោះក៏ពុំមានរថយន្តពន្លត់អគ្គិភ័យដែរ ទើបបណ្តាលឱ្យឆេះតាមដំណើររហូតសល់តែផេះផង់ ៕
ចែករំលែកព័តមាននេះ