ខេត្តកោះកុង៖ នៅថ្ងៃទី១៤ ខែមិថុនា ឆ្នាំ២០១៨ កំលាំងការិយាល័យបង្ក្រាបគ្រឿងញៀននៃស្នងការដ្ឋាននគរបាលខេត្តកោះកុងដឹកនាំដោយលោកឧត្តមសេនីយ៍ត្រី មីន រស្មី ស្នងការរងទទួលផែនប្រឆាំងបទល្មើស បានចុះបង្ក្រាបទីតាំងរក្សាទុកសារធាតុញៀន និងជួញដូរគ្រឿងញៀនជាក់ស្តែងមួយស្ថិតនៅចំណុចភូមិ៤ សង្កាត់ដងទង់ ក្រុងខេមរៈភូមិន្ទ ។
ក្នុងពេលចុះបង្ក្រាប សមត្ថកិច្ចបានឃាត់ខ្លួននារីវ័យក្មេងម្នាក់ឈ្មោះម៉ាត់ សាក់ឌីយ៉ះ ហៅយ៉ា អាយុ២៥ឆ្នាំ ជាខ្មែរ-អ៊ិស្លាម មានទីលំនៅបច្ចុប្បន្នភូមិ៤ សង្កាត់ដងទង់ ក្រុងខេមរៈភូមិន្ទ និងដកហូតបានវត្ថុតាងមួយចំនួនរួមមាន ម្សៅក្រាមពណ៍សថ្លាជាសារធាតុញៀន ហៅម៉ាទឹកកក (ice ) ចំនួន៤កញ្ចប់ធំ ។
បច្ចុប្បន្ន នារីវ័យក្មេងម្នាក់ដែលជាជនសង្ស័យខាងលើត្រូវបានកំលាំងការិយាល័យគ្រឿងញៀនកំពុងកសាងសំណុំរឿងបញ្ជូនទៅតុលាការខេត្តដើម្បីចាត់ការតាមនីតិវិធី ៕
ចែករំលែកព័តមាននេះ