តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្លិបអ្នកមានបុណ្យ Andres Iniesta បានប្រាប់ឲ្យមិត្តរួមក្រុមជម្រើសជាតិអេស្ប៉ាញមានការប្រុងប្រយ័ត្នជាមួយនឹងជើងខ្លាំង Cristiano Ronaldo…
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្លិបអ្នកមានបុណ្យ Andres Iniesta បានប្រាប់ឲ្យមិត្តរួមក្រុមជម្រើសជាតិអេស្ប៉ាញមានការប្រុងប្រយ័ត្នជាមួយនឹងជើងខ្លាំង Cristiano Ronaldo នៅក្នុងការប្រកួត World Cup នាក្នុងសប្តាហ៍នេះ ។
ខ្សែបម្រើរូបនេះបានប្រាប់សារព័ត៌មាន Cadena Cope «ព័រទុយហ្កាល់ គឺជាក្រុមដែលពិបាកយកឈ្នះហើយយើងត្រូវតែខំប្រឹងឲ្យខ្លាំងទើបអាចសម្រេចបាន ។ ក្នុងការប្រកួត World Cup ការភ្លាត់ស្នៀតតែបន្តិចអាចនឹងធ្វើឲ្យយើងចាញ់គេបាន» ។ Iniesta បានបន្តថា «Cristiano គឺជាកីឡាករគោលសម្រាប់ក្រុមទាំងអស់ដែលគេលេងឲ្យ ។ នេះរាប់ទាំងក្រុមជម្រើសជាតិព័រទុយហ្កាល់ផងដែរ» ។
គួរបញ្ជាក់ផងដែរថា Iniesta ធ្លាប់បានគេផ្អើលថា ចង់ព្យួរស្បែកជើងពីក្រុមជម្រើសជាតិ ក្រោយការប្រកួត World Cup តែសាមីខ្លួនបានបញ្ជាក់ថា នេះមិនទាន់ច្បាស់នៅឡើយទេ ៕
ចែករំលែកព័តមាននេះ