លោកចូសេ មូរីនញ៉ូ គ្រូបង្វឹកក្លឹប Real Madrid ថ្លែងថា លោកស្ទើរតែបានចុះហត្ថលេខាជាគ្រូបង្វឹកក្រុមជម្រើសជាតិអង់គ្លេស ក្រោយពីការសម្រេចចិត្តផ្លាស់ចេញពីក្លឹប Chelsea ក្នុងឆ្នាំ២០០៧ ប៉ុន្តែបន្ទាប់ពីពិចារណាយ៉ាងដិតដល់ និងរង់ចាំពេលវេលាដ៏សមស្របក៏បានចុះហត្ថលេខាជាមួយក្លឹបនៅអ៊ីតាលី រហូតទទួលជោគជ័យក្នុងរដូវកាលកន្លងមក ។
លោកមូរីនញ៉ូ បានថ្លែងយ៉ាងដូច្នេះថា «ខ្ញុំស្ទើរតែចុះហត្ថលេខាជាគ្រូបង្វឹកក្រុមជម្រើសជាតិអង់គ្លេស ប៉ុន្តែជាចុងក្រោយបែរជាគិតថា បើត្រូវទៅដឹកនាំក្រុមជម្រើសជាតិប្រហែលជាមានកម្មវិធីចូលប្រកួតតែមួយលើកក្នុងមួយខែឯពេលវេលាដែលនៅសល់ជាពេលទំនេរអង្គុយតែនៅក្នុងការិយាល័យ ឬទស្សនាការប្រកួតពីបរទេស និងត្រូវរង់ចាំដល់រដូវក្តៅ ទើបមានការប្រកួតដណ្តើមពានរង្វាន់អឺរ៉ុប ឬបាល់ទាត់ពិភពលោក។ ការគិតគូរបែបនេះ ធ្វើឱ្យខ្ញុំដកខ្លួនចេញរង់ចាំពេលវេលាមានការងារសមស្របចូលជំនួស មានក្លឹបដ៏ល្អ និងបង្កើតការប្រកួតប្រជែង បញ្ហានេះគឺក្លឹប Inter Milan »៕
ចែករំលែកព័តមាននេះ