ខេត្តកណ្តាល ៖ ក្រុមជួញដូរគ្រឿងញៀនឆ្លងខេត្តយ៉ាងសកម្មត្រូវបានកម្លាំងកងរាជអាវុធខេត្តកណ្តាលដឹកនាំបញ្ជារផ្ទាល់ពីលោកឧត្តមសេនីយ៍ត្រី សំ តុលា មេបញ្ជារការកងរាជអាវុធហត្ថខេត្តកណ្តាល សហការជាមួយអាវុធហត្ថខេត្តតាកែវ ធ្វើការបំបែកសំបុកគ្រឿងញៀនបានជនសង្ស័យ៦នាក់ ថ្នាំញៀន២០កញ្ចប់ ទម្ងន់២០៩,២ក្រាម កាំភ្លើងពីដើម កាំភ្លើងកែច្នៃមួយដើម រួមនិងវត្ថុតាងមួយចំនួនធំ។ ហេតុការណ៍ចុះបង្ក្រាបនេះបានធ្វើឡើងកាលពីវេលាម៉ោង៤និង១៥នាទីថ្ងៃទី១០ ខែមិថុនា ឆ្នាំ២០១៨ ស្ថិតនៅចំណុចភូមិព្រែកថីឃុំរកាខ្ពស់ ស្រុកស្អាង ខេត្តកណ្តាល ។
មន្ត្រីជាន់ខ្ពស់កងរាជអាវុធហត្ថខេត្តកណ្តាលបានអោយដឹងថាជនសង្ស័យមាន៦នាក់ ទី១-ឈ្មោះ ស្រេងសំណាង ភេទប្រុស អាយុ២៦ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិព្រែកថី ឃុំរកាខ្ពស់ ស្រុកស្អាង ខេត្តកណ្តាល ២-ឈ្មោះ ឡុងគីម ជី ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅភូមិព្រែកត្រែង ឃុំសិត្បូ ស្រុកស្អាង ខេត្តកណ្តាល ៣- ឈ្មោះ សុបិន រតនា ហៅ(ឌឹក) ភេទប្រុស អាយុ២៩ឆ្នាំ មានទីលំនៅភូមិព្រែកតាព្រីង ឃុំសិត្បូ ៤-ឈ្មោះ ព្រីង ភឿន ភេទប្រុស អាយុ៣៤ឆ្នាំ មានទីលំនៅភូមិលេខ៥ ឃុំស្វាយរលំ មុខកសិករ ៥-ឈ្មោះហុង រត្ថា ហៅ(ឌីត) ភេទប្រុស អាយុ៣១ឆ្នាំ មានទីលំនៅភូមិកំពុងស្វាយ ឃុំកំពុងស្វាយ ស្រុកកៀនស្វាយ ខេត្តកណ្តាល មុខរបរមិនពិតប្រាកដ និងទី៦-ឈ្មោះ អៀ អ៊ីលិង ភេទស្រី អាយុ១៩ឆ្នាំ មុខរបរមិនពិតប្រាកដ មានទីលំនៅភូមិព្រែកតាច្រែង ឃុំព្រែក នរិន ស្រុកឯកភ្នំ ខេត្តបាត់ដំបង ។
មន្ត្រីជាន់ខ្ពស់កងរាជអាវុធហត្ថខេត្តកណ្តាលបានបន្ថែមទៀតថា ក្រោយពីទទួលបានព័ត៍មានពីប្រជាពលរដ្ឋថា មានករណីជួញដូរគ្រឿងញៀននៅចំណុចកើតហេតុខាងលើ ភ្លាមនោះកម្លាំងអាវុធហត្ថស្រុកស្អាងបានចុះដល់ចំណុចកើតហេតុ ធ្វើការត្រួតពិនិត្យ និងរកឃើញម្សៅក្រាមពណ៍សថ្លាសង្ស័យជាសារធាតុញៀន (ម៉ាទឹកកក) ចំនួន៣កញ្ចប់តូចនៅនឹងខ្លួនឈ្មោះ ស្រេង សំណាង ដោយបានការសម្របសម្រួលពីលោក លាវ ស្រេង ព្រះរាជអាជ្ញា អមសាលាដំបូងខេត្តកណ្តាល និងការអនុញ្ញាតពីលោកឧត្តមសេនីយ៍មេបញ្ជាការអាវុធហត្ថខេត្ត ដឹកនាំដោយលោកវរសេនីយ៍ទោ ពិន ចន្ទ័តារា ចុះឆែកឆេរផ្ទះឈ្មោះស្រេង សំណាង រកឃើញថ្នាំញៀនចំនួន១២កញ្ចប់តូចនៅក្នុងថូផ្កា និងឧបករណ៍ប្រើប្រាស់វេចខ្ចប់មួយចំនួន។ តាមការឱ្យដឹងរបស់ឈ្មោះស្រេង សំណាង ថា ពិតបានយកថ្នាំញៀនពីឈ្មោះ ឡុង គីមជី ។ លុះវេលាម៉ោង៤និង៣០នាទី កម្លាំងអាវុធហត្ថស្រុកបានឃាត់ខ្លួនឈ្មោះឡុង គីមជី មកសាកសួរនៅមូលដ្ឋានអាវុធហត្ថស្រុក ហើយឈ្មោះឡុង គីមជី បានសារភាពថា បានយកគ្រឿងញៀនពី ឈ្មោះសុបិន្ត រតនា ហៅ(ឌឹក) ចំនួន១កញ្ចប់ធំតំលៃ២៥០ដុល្លារ ដើម្បីយកមករំលែកលក់បន្ត។
លុះថ្ងៃទី១១ ខែមិថុនា ឆ្នាំ២០១៨ វេលាម៉ោង៨ព្រឹក កម្លាំងបានចុះឃាត់ឈ្មោះ សុបិន្ត រតនា ហៅ(ឌឹក) និងឈ្មោះព្រីង ភឿន នៅចំណុចំការស្វាយស្ថិត ក្នុងភូមិលេខ៥ ឃុំស្វាយរលំ ដោយមានការចូលរួមជាមួយលោកមេភូមិ បានធ្វើការឆែកឆេររកឃើញមានឧបករណ៍ប្រើប្រាស់វេចខ្ចប់ និងកាំភ្លើងកែឆ្នៃចំនួន១ដើម លុះដល់ម៉ោង៨និង៣០នាទីយប់ ឈ្មោះព្រីង ភឿន បានសារភាពថា ខ្លួនបានលាក់ទុកថ្នាំញៀនចំនួន២កញ្ចប់ធំ ក្នុងប្រអប់ម៉ូតូខាងឆ្វេងដែលខ្លួនបានទិញពីឈ្មោះ ហុង រត្ថាហៅ(ឌីត) ក្នុងតំលៃ៣៥០០០០រៀល ដើម្បីចែកចាយបន្ត។
លុះវេលាម៉ោង១២និង១០នាទីកម្លាំងអាវុធហត្ថខេត្ត និងកម្លាំងអាវុធហត្ថស្រុកស្អាងដឹកនាំដោយលោក វរសេនីយ៍ទោ ពិន ចន្ទ័តារា នាយរងសេនាធិការអាវុធហត្ថខេត្តបានសហការជាមួយអាវុធហត្ថ ខេត្តតាកែវ ដោយមានការសំរបសំរួលពីលោកព្រះរាជអាជ្ញាអមសាលាដំបូងខេត្តកណ្តាល និងខេត្តតាកែវ និងមានការអនុញ្ញាតពីលោកឧត្តមសេនីយ៍ បញ្ជាការខេត្តកណ្តាល និងខេត្តតាកែវ បានចុះឆែកឆេរលំនៅដ្ឋានឈ្មោះ អ៊ុច ធីវ ភេទស្រី អាយុ៥៤ឆ្នាំ មានទីលំនៅភូមិថ្មី ឃុំរវាង ស្រុកសំរោងខេត្តតាកែវ ។
វត្ថុតាងដែលសមត្ថកិច្ចចាប់យកបានរួមមានសារធាតុញៀន(ម៉ាទឹកកក) ចំនួន២០កញ្ចប់ (ធំ៤កញ្ចប់) អាវុធកែឆ្នៃចំនួន១ដើម អាវុធខ្លីចំនួន២ដើម ម៉ាក K៥៤ លេខ ៥៤០០២៦៣៥ ម៉ាកK៥៤ គ្មានលេខ (ឈូសលេខ) បង់២ គ្រាប់កាំភ្លើងK៥៤ ចំនួន៩គ្រាប់ គ្រាប់ឡុកកែច្នៃចំនួន១៤គ្រាប់ គ្រាប់វាំងដើឡុងចំនួន១៤គ្រាប់ ម៉ូតូ២គ្រឿងម៉ាក អ៊ិស៊ីទរ័ ពណ៌ក្រហម ផ្លាកលេខភ្នំពេញ ១JT-២៤៥៨ និងម៉ូតូគុបជ្រុងចំនួន១គ្រឿង ប័ណ្ណបើកបរចំនួន១សន្លឹក អត្តសញ្ញាណខ្មែរចំនួន២សន្លឹក ប័ណ្ណសំគាល់យានយន្ត៥សន្លឹក ដាវចំនួន១ដើម ប្រាក់ដុល្លាចំនួន១០០ដុល្លាប្រាក់រៀលចំនួន១០ម៉ឺនរៀល និងឧបករណ៍ប្រើប្រាស់វេចខ្ចប់មួយចំនួន១០ ទូរសព្ទ័ចំនួន២គ្រឿង។
បច្ចុប្បន្នជនសង្សយ័ទាំង៦នាក់ខាងលើត្រូវបានកម្លាំងជំនាញកំពុងកសាងសំណុំរឿងបញ្ជូនទៅតុលាការដើម្បីបន្តនីតិវិធីចាត់ការតាមផ្លូវច្បាប់៕
ចែករំលែកព័តមាននេះ