ធម៌១០ប្រការនេះ ជាគោលធម៌លើកតម្រៃអ្នកបួសក្នុងព្រះពុទ្ធសាសនាឱ្យឧត្តុង្គឧត្តម ថ្លៃថ្នូរ ក៏ដូចលើកគុណតម្លៃសាសនាឱ្យរុងរឿទៅបាន បើបព្វជិតប្រតិបត្តិឱ្យបានត្រឹមត្រូវតាមមាតិកាទាំង១០ប្រការនេះ ។
១-អាត្មាអញកាន់យកភេទដ៏ប្លែកអំពីភេទរបស់គ្រហស្ថ
២-ការប្រព្រឹត្តចិញ្ចឹមជីវិតតាមផ្លូវសុចរិតរបស់អាត្មាអញ អាត្មាអញគួរធ្វើ គួរប្រព្រឹត្ត
៣-អាកប្បកិរិយាផ្សេងអំពីគ្រហស្ថអាត្មាអញគួរធ្វើ គួរប្រតិបត្តិ
៤-អាត្មាមិនតិះដៀលខ្លួនឯងដោយសីលធម៌បានទេ
៥-ពួកសព្រហ្មចារីជាវិញ្ញូជនគយគន់មើល ហើយតិះដៀលអាត្មាអញដោយសីលធម៌បានទេ
៦-ការព្រាត់ប្រាសនិរាសចាកសត្វ និងសង្ខារទាំងអស់ដែលជាទីស្រឡាញ់ជាទីគាប់ចិត្តនៃអាត្មាអញតែងមានជាធម្មតា
៧-អាត្មាអញមានកម្មជារបស់ខ្លួន មានកម្មជាទាយាទ មានកម្មជាកំណើត មានកម្មជាផៅពង្ស មានកម្មជាគ្រឿងរលឹកឃើញ អាត្មានឹងធ្វើនូវកម្មណាល្អ ឬអាក្រក់ អាត្មាអញគង់នឹងបានជាអ្នកទទួលយកនូវផលនៃកម្មនោះពុំខានឡើយ ។
៨-យប់និងថ្ងៃទាំងឡាយនេះកន្លងទៅ តើអាត្មាអញបានធ្វើអ្វីខ្លះហើយ
៩-សព្វថ្ងៃនេះអាត្មាអញមានសេចក្តីអភិរម្យត្រេកអរក្នុងផ្ទះស្ងាត់ដែរឬទេ
១០-បព្វជិតគប្បីពិចារណរឿយៗថា ឧត្តរិមនុស្សធម៌គឺជាធម៌របស់មនុស្សដ៏ប្រសើរក្រៃលែងមានដល់អាត្មាអញហើយឬ ធម៌ដ៏វិសេសដែលគួរនឹងឃើញដោយប្រាជ្ញាដ៏ប្រសើរអាត្មាអញបានត្រាស់ដឹងហើយឬ ។
អ្នកបរិភោគកាមជាគ្រហស្ថ បើខ្ជិលច្រអូសនោះពុំល្អ បួសជាបព្វជិតភេទបវរសង្រួមតាមធម៌ទើបប្រពៃ ។
ចែករំលែកព័តមាននេះ