រាជធានីភ្នំពេញ ៖ កុមារាម្នាក់ទើបតែអាយុ១២ឆ្នាំបានមើលវីដេអូក្តៅសាច់ជាញឹកញាប់ពេករហូតមានកើតមានតម្រេកតណ្ហាចាប់រំលោភក្មេងស្រីអាយុ៤ឆ្នាំ ក្រោយមកត្រូវសមត្ថកិច្ចឃាត់ខ្លួន។ ហេតុការណ៍នេះកើតឡើងកាលពីម៉ោង៦ និង៣០នាទីល្ងាច ថ្ងៃទី១១ មិថុនា ២០១៨ នៅត្រង់ចំណុចបន្ទប់ជួលអត់លេខ…
រាជធានីភ្នំពេញ ៖ កុមារាម្នាក់ទើបតែអាយុ១២ឆ្នាំបានមើលវីដេអូក្តៅសាច់ជាញឹកញាប់ពេករហូតមានកើតមានតម្រេកតណ្ហាចាប់រំលោភក្មេងស្រីអាយុ៤ឆ្នាំ ក្រោយមកត្រូវសមត្ថកិច្ចឃាត់ខ្លួន។ ហេតុការណ៍នេះកើតឡើងកាលពីម៉ោង៦ និង៣០នាទីល្ងាច ថ្ងៃទី១១ មិថុនា ២០១៨ នៅត្រង់ចំណុចបន្ទប់ជួលអត់លេខ ស្ថិតក្នុងសង្កាត់បឹងសាឡាង ខណ្ឌទួលគោក។ កុមារាខាងលើដែលឃាត់ខ្លួនឈ្មោះ សៀង សាក់ អាយុ១២ឆ្នាំ ជាសិស្សរៀននៅសាលាបឋម ស្នាក់នៅបន្ទប់ជួលកន្លែងកើតហេតុខាងលើ ចំណែកឯកុមារីរងគ្រោះអាយុ៤ឆ្នាំ។ បើតាមសម្តីស្ត្រីត្រូវជាយាយរបស់កុមារីរងគ្រោះរៀបរាប់ថា ពួកគាត់មកស្នាក់នៅកន្លែងកើតហេតុអស់ជាងមួយឆ្នាំហើយ ជារៀងរាល់ថ្ងៃពេលគាត់ និងឪពុកម្តាយកុមារីរងគ្រោះចេញទៅលក់ផ្លែឈើនៅផ្សារដើមគអស់បានទុកកុមារីរងគ្រោះឲ្យលោកតាពិការជើង និងមានជំងឺទឹកនោមផ្អែមប្រចាំកាយជាអ្នកមើលថែនៅផ្ទះ។ នៅមុនកើតហេតុពួកគាត់បានត្រលប់មកពីលក់ដូរវិញ ហើយលោកយាយក៏នាំកុមារីរងគ្រោះទៅងូតទឹក ពេលកំពុងតែងូតទឹកកុមារីរងគ្រោះចេះតែស្រែកថា «ឈឺត្រង់ប្រដាប់ភេទ»។
បន្ទាប់មកយាយក៏ចាប់ចៅពិនិត្យមើលក៏ឃើញស្នាមដាក់រលាត់ រួចសួរនាំចៅស្រីពីរទៅបីដង ទើបកុមារីរងគ្រោះប្រាប់ថា កុមារាខាងលើចាប់រំលោភនាងកាលពីថ្ងៃមិញ។ ក្រោយមកដឹកដៃចៅស្រីទៅរាយការណ៍ជូនមេភូមិ និងសមត្ថកិច្ចចុះឃាត់ខ្លួនកុមារាសង្ស័យទៅសួរនាំនៅប៉ុស្តិ៍នគរបាលរដ្ឋបាលបឹងសាឡាងភ្លាមៗតែម្តង ដោយឡែកកុមារីរងគ្រោះត្រូវក្រុមគ្រួសារដឹកទៅយកទៅមន្ទីរពេទ្យសម្ភពក្រុងធ្វើការពិនិត្យ។ តាមសមត្ថកិច្ចមូលដ្ឋានឲ្យដឹងថា បន្ទាប់ពីសួរនាំទៅលើកុមារាជនសង្ស័យរួចមកបានឆ្លើយសារភាពថា ខ្លួនពិតជាបានធ្វើសកម្មភាពរំលោភទៅលើកុមារីរងគ្រោះពិតប្រាកដមែនកាលពីម៉ោង៣ និង៣០នាទីរសៀលថ្ងៃទី១១ មិថុនា ហើយរូបគេ និងក្មេងជាច្រើននាក់ទៀត រួមទាំងកុមារីរងគ្រោះបានលេងបាយលុកបាយឡនៅខាងមុខបន្ទប់ជួល។
មួយសន្ទុះរូបគេក៏ដើរចូលក្នុងបន្ទប់របស់គេ ពេលនោះកុមារីរងគ្រោះក៏ដើរចូលទៅតាមរូបគេដល់បន្ទប់ក៏ចាប់ឱបកុមារីរងគ្រោះ រួចចាប់រំលោភតែម្តង ប៉ុន្តែមិនសម្រេចទេ។ ហើយចំពោះមូលហេតុបណ្តាលឲ្យរូបគេចាប់រំលោភនោះ គឺព្រោះតែបានចូលទៅលេងហ្គេមនៅក្នុងហាងអ៊ីនធើណិតមួយកន្លែងជិតកន្លែងស្នាក់នៅ ហើយគេតែងតែបើកមើលវីដេអូក្តៅសាច់ជាច្រើនដង រហូតកើតមានតណ្ហាចាប់រំលោភកុមារីរងគ្រោះតែម្តងទៅ។ ហើយបច្ចុប្បន្នកុមារាជាជនសង្ស័យ ត្រូវសមត្ថកិច្ចប៉ុស្តិ៍កសាងសំណុំរឿងបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីចាត់ការបន្ត៕
ចែករំលែកព័តមាននេះ