ខេត្តព្រៃវែង ៖ ដើមរាំងដ៏ធំមួយដើមត្រូវកម្លាំងប៉ូលិសសេដ្ឋកិច្ចខេត្តស្ទាក់ចាប់បាន ខណៈពេលដែលក្រុមឈ្មួញកំពុងដឹកតាមរថយន្តសាំយ៉ុងបំរ៉ុងលោតឆ័ត្រទៅប្រទេសវៀតណាមតាមច្រកព្រំដែនខេត្តស្វាយរៀង។ តាមសមត្ថកិច្ចឱ្យដឹងថា ដើមរាំងដ៏ធំនេះត្រូវឃាត់បាននៅចំណុចក្រោមស្ពានហ្សឹបាសា ហៅស្ពានអ្នកលឿង ស្ថិតក្នុងភូមិព្រែកខ្សាយ ឃុំព្រែកខ្សាយ(ក) ស្រុកពាមរក៍…
ខេត្តព្រៃវែង ៖ ដើមរាំងដ៏ធំមួយដើមត្រូវកម្លាំងប៉ូលិសសេដ្ឋកិច្ចខេត្តស្ទាក់ចាប់បាន ខណៈពេលដែលក្រុមឈ្មួញកំពុងដឹកតាមរថយន្តសាំយ៉ុងបំរ៉ុងលោតឆ័ត្រទៅប្រទេសវៀតណាមតាមច្រកព្រំដែនខេត្តស្វាយរៀង។
តាមសមត្ថកិច្ចឱ្យដឹងថា ដើមរាំងដ៏ធំនេះត្រូវឃាត់បាននៅចំណុចក្រោមស្ពានហ្សឹបាសា ហៅស្ពានអ្នកលឿង ស្ថិតក្នុងភូមិព្រែកខ្សាយ ឃុំព្រែកខ្សាយ(ក) ស្រុកពាមរក៍ កាលពីម៉ោងជិត៩ យប់ថ្ងៃទី11 មិថុនា ២០១៨ ដោយក្រុមឈ្មួញបានរុំព័ទ្ធដើមរាំងដ៏ធំមានប្រវែង៧ម៉ែត្រនោះទាំងមូលជិត ហើយដឹកតាមរថយន្តសាំយ៉ុង1គ្រឿង ពណ៌ស ពាក់ស្លាកលេខកំពត 2A 1192 ចេញមកពីខាងជើងខេត្តព្រៃវែងឆ្ពៅទៅវៀតណាមតាមច្រកព្រំដែនក្នុងខេត្តស្វាយរៀង។ នៅពេលស្ទាក់ចាប់បានភ្លាមៗនោះ នៅលើរថយន្តមានកម្មករចំនួន9នាក់ ដើម្បីចាំលើកដើមរាំងចុះពីរថយន្តពេលដល់គោលដៅ ប៉ុន្តែពេលសមត្ថកិច្ចឃាត់ និងសួរនាំទើបដឹងថា ជាកម្មករក៏អនុញ្ញាតិឱ្យត្រឡប់ទៅផ្ទះវិញ ដោយឡែកវត្ថុតាងដើមរាំង និងរថយន្តត្រូវសមត្ថកិច្ចរឹបអូសយកទៅរក្សាទុកនៅស្នាក់ការប៉ូលិសសេដ្ឋកិច្ចខេត្តដែលស្ថិតនៅឃុំព្រែកខ្សាយ(ខ) ស្រុកពាមរក៍។
យោងតាមចម្លើយរបស់ក្រុមកម្មករនៅលើរថយន្តដឹកដើមរាំងនេះបានបញ្ជាក់ប្រាប់ថា មុនពេលដែលត្រូវសមត្ថកិច្ចចាប់បាននេះ ក្រុមឈ្មួញបានលួចដឹកដើមរាំងនាំចេញទៅដល់ប្រទេសវៀតណាម5ជើងរួចមកហើយ គឺទើបតែលើកទី6នេះដែលត្រូវសមត្ថកិច្ចចាប់បាន។
លោកឧត្តមសេនីយ៍ ស្រេង ជា ស្នងការនគរបាលខេត្តបានប្រាប់ឱ្យដឹងថា ក្រោយពីកសាងសំណុំរឿងរួចកម្លាំងរបស់លោក និងបញ្ជូនវត្ថុតាងទាំងដើមរាំង និងរថយន្តប្រគល់ទៅឱ្យមន្ត្រីជំនាញជលផលចាត់ការបន្តទៅតាមនីតិធី។
ចែករំលែកព័តមាននេះ