ប្រទេសវៀតណាម ៖ ខណៈមានបាតុកម្មនានារបស់ពលរដ្ឋវៀតណាម កាលពីថ្ងៃទី១០មិថុនា ប្រឆាំងផែនការមួយរបស់រដ្ឋាភិបាលខ្លួន បង្កើតតំបន់សេដ្ឋកិច្ចពិសេសថ្មីៗសម្រាប់ការវិនិយោគរបស់បរទេស ប្រទេសចិនបានព្រមានប្រាប់ជនជាតិខ្លួន រស់នៅវៀតណាមឲ្យប្រុងប្រយ័ត្នដល់សន្តិសុខពេលដើរហើរ។
បាតុករជាង១០០នាក់ត្រូវចាប់ខ្លួន ហើយប៉ូលិសច្រើនសិបនាក់រងរបួស ក្នុងពេលបាតុកម្មនេះ ដែលកើតមាននាភាគកណ្ដាលវៀតណាម។ ការតវ៉ាឯទៀតៗដូចគ្នានេះកើតមានជាបន្តបន្ទាប់ ដោយពួកបាតុករសម្ដែងការព្រួយបារម្ភ ដែលអនាគតតំបន់សេដ្ឋកិច្ចពិសេសនឹងត្រូវគ្របដណ្ដប់ដោយពួកអ្នកវិនិយោគចិន។ ស្ថានទូតចិនប្រចាំក្រុងហាណូយ បានចេញសេចក្ដីប្រកាសមួយ ដែលណែនាំឲ្យជនជាតិចិនរស់នៅវៀតណាមមានការប្រុងប្រយ័ត្ន ហើយបរិហារដល់បាតុកម្មខុសច្បាប់ដែលប្រើពាក្យពេចន៍នានាប្រឆាំងចិន។
សភាវៀតណាម នាថ្ងៃទី១១ មិថុនា បានសម្រេចពន្យារពេលអនុម័តលើគម្រោងច្បាប់ដែលផ្ដល់ដល់ពួកអ្នក វិនិយោគនូវភាពកាន់តែងាយស្រួលនិងមានការរិតត្បិតកាន់តែតិច៕
ចែករំលែកព័តមាននេះ