សេចក្តីថ្លែងការណ៍សំខាន់ៗរបស់លោកស៊ី ជិនពីង
នៅថ្ងៃទី២នៃកិច្ចប្រជុំ Shanghai Cooperation Organization (SCO) ដែលបានរៀបចំឡើងនៅក្នុងទីក្រុង Qingdao នៅខេត្ត Shandong ប្រទេសចិន…
នៅថ្ងៃទី២នៃកិច្ចប្រជុំ Shanghai Cooperation Organization (SCO) ដែលបានរៀបចំឡើងនៅក្នុងទីក្រុង Qingdao នៅខេត្ត Shandong ប្រទេសចិន…
នៅថ្ងៃទី២នៃកិច្ចប្រជុំ Shanghai Cooperation Organization (SCO) ដែលបានរៀបចំឡើងនៅក្នុងទីក្រុង Qingdao នៅខេត្ត Shandong ប្រទេសចិន លោកប្រធានាធិបតី ស៊ី ជិនពីង បានថ្លែងនូវចំណុចសំខាន់ៗដែលគេហទំព័រ chinadaily.com.cn បានដកស្រង់ដូចខាងក្រោម ៖
១-បន្តគោលគំនិតសៀងហៃ ៖ លោក ស៊ី ជិនពីង បានអំពាវនាវឱ្យបន្តនាំយកស្មារតីសៀងហៃ ដើម្បីយកឈ្នះទុក្ខលំបាក, បន្ថយហានិភ័យ និងដោះស្រាយបញ្ហាប្រឈមនានា ។ លោកបាននិយាយថា « យើងគួរតែបោះបង់ចោលស្មារតីនៃសង្គ្រាមត្រជាក់ និងការតតាំងគ្នារវាងប្លុកនិងប្លុក រួមទាំងប្រឆាំងនឹងការអនុវត្តការស្វែងរកសន្តិសុខសុវត្ថិភាពដាច់ខាតខណៈអាចប៉ះពាល់ដល់សន្តិសុខរបស់ប្រទេសដទៃទៀត ដើម្បីឱ្យមានសន្ដិសុខរួម » ។
២-ការស្វែងរកកិច្ចសហប្រតិបត្តិការ គឺជានិន្នាការកំពុងមានប្រជាប្រិយភាពនៅពេលប្រឈមនឹងការការពារនិយម ៖ ខណៈអំណាចនៅតែមានលើពិភពលោក ការអំពាវនាវទាមទារសណ្ដាប់ធ្នាប់អន្តរជាតិ ដែលយុត្តិធម៌ និងមានសមធម៌ ត្រូវតែយកចិត្តទុកដាក់។ លោកបាននិយាយថា ៖« លទ្ធិប្រជាធិបតេយ្យនៅក្នុងទំនាក់ទំនងអន្តរជាតិ គឺជានិន្នាការមិនអាចបញ្ឈប់បានទេ»។ លោកលើកឡើងថា ការឯកតោភាគី ការការពារនិយមផ្នែកពាណិជ្ជកម្ម និងការប្រឆាំងនឹងសកលភាវូបនីយកម្មកំពុងតែមានទម្រង់ថ្មីៗ ។ ការស្វែងរកកិច្ចសហប្រតិបត្តិការ ដើម្បីផលប្រយោជន៍ទៅវិញទៅមកតំណាងឱ្យនិន្នាការក្នុងសហគមន៍សកលនេះ ដោយមានផលប្រយោជន៍ និងអនាគតប្រទេសត្រូវបានផ្សារភ្ជាប់គ្នា ។
៣-ការបង្កើតគ្រឹះស្ថានផ្តល់ប្រាក់កម្ចី៣០ប៊ីលានយន់ ៖ លោក ស៊ី ជិនពីង បានប្រកាសថា ប្រទេសចិននឹងបង្កើតគ្រឹះស្ថានផ្តល់ប្រាក់កម្ចីពិសេសចំនួន ៣០ប៊ីលានយន់ (៤,៧ប៊ីលានដុល្លារ) ក្នុងក្របខ័ណ្ឌរបស់ Inter-Bank Consortium of the Shanghai Cooperation Organization ។
៤-ផ្តល់ឱកាសហ្វឹកហាត់៣ពាន់កន្លែងសម្រាប់ការអភិវឌ្ឍធនធានមនុស្ស ៖ លោកប្រធានាធិបតី ស៊ី ជិនពីង បាននិយាយថា ក្នុងរយៈពេល៣ឆ្នាំខាងមុខ ប្រទេសចិននឹងផ្តល់ឱកាសចំនួន៣ពាន់កន្លែងសម្រាប់ការអភិវឌ្ឍធនធានមនុស្សមកពីប្រទេសសមាជិក SCO ដើម្បីបង្កើនការយល់ដឹងជាសាធារណៈពីគ្រួសារ SCO និងគាំទ្រគ្រួសារ SCO ផងដែរ ។ លោកបានបន្តថា ប្រទេសចិននឹងផ្តល់សេវាកម្មឧតុនិយមវិទ្យាដល់ភាគីទាំងអស់ ដែលប្រើប្រាស់ផ្កាយរណបអាកាសធាតុ Fengyun-2 របស់ពួកគេ ។
៥-គាំទ្រដល់ការកសាងកន្លែងសាកល្បងនៅ Qingdao សម្រាប់កិច្ចសហប្រតិបត្តិការពាណិជ្ជកម្មជាមួយ SCO ៖ លោកស៊ី បាននិយាយថា ៖« ប្រទេសចិនសូមស្វាគមន៍ដល់គ្រប់ភាគីទាំងអស់ ដែលចូលរួមពិព័រណ៍នាំចូលអន្ដរជាតិចិនដំបូងគេ ដែលនឹងប្រព្រឹត្តទៅនៅសៀងហៃ ក្នុងខែវិច្ឆិកាឆ្នាំនេះ » ។ លោកបន្តថា រដ្ឋាភិបាលចិនគាំទ្រការបើកតំបន់គំរូបង្ហាញនៅក្នុងទីក្រុង Qingdao សម្រាប់កិច្ចសហប្រតិបត្តិការសេដ្ឋកិច្ចនិងពាណិជ្ជកម្មក្នុងស្រុក ហើយនឹងបង្កើតគណៈកម្មាធិការផ្តល់សេវាផ្នែកច្បាប់សម្រាប់សមាជិក SCO ដើម្បីផ្តល់ជំនួយផ្នែកច្បាប់ដល់កិច្ចសហប្រតិបត្តិការសេដ្ឋកិច្ច និងពាណិជ្ជកម្ម ។
៦-បណ្តាញភាពជាដៃគូអន្តរជាតិក្នុងកិច្ចសហប្រតិបត្តិការ ដើម្បីដោះស្រាយបញ្ហាសំខាន់ៗ ៖ លោកបានបន្ថែមថា កិច្ចខិតខំប្រឹងប្រែងត្រូវធ្វើឡើងដើម្បីបង្កើនការផ្លាស់ប្តូរ និងកិច្ចសហប្រតិបត្តិការជាមួយរដ្ឋសង្កេតការណ៍ SCO ដៃគូសន្ទនា និងបណ្តាប្រទេសដទៃទៀតនៅក្នុងតំបន់ ។
រដ្ឋជាសមាជិករបស់ SCO ក៏ត្រូវបង្កើនការចាប់ដៃគូជាមួយអង្គការសហប្រជាជាតិ និងបណ្ដាអង្គការក្នុងតំបន់និងអន្តរជាតិ ព្រមទាំងចូលរួមពិភាក្សាជាមួយមូលនិធិរូបិយវត្ថុអន្ដរជាតិ ធនាគារពិភពលោក និងស្ថាប័នហិរញ្ញវត្ថុដទៃទៀតផងដែរ ៕
ចែករំលែកព័តមាននេះ