អ្នកសិក្សាត្រូវជ្រាបថា ធម៌៣ប្រការខាងក្រោមនេះបានជាមាននាមហៅថា អប្បណ្ណកប្បដិបទានោះ ព្រោះថាកាលបើបុគ្គលអ្នកប្រតិបត្តិធ្វើតាមការណែនាំក្នុងសេចក្តីនោះបានត្រឹមត្រូវ គ្រប់មាត្រាហើយ ឈ្មោះថាជាអ្នកដើរតាមផ្លូវច្បាប់ប្រាកដប្រជាពោលគឺមិនខុសខូចនីតិប្បញ្ញតិ្តទាំងក្នុងផ្លូវលោក និងទាំងក្នុងផ្នែកផ្លូវធម៌ មិនញ៉ាំងប្រយោជន៍ខ្លួននិងអ្នកដទៃឱ្យសាបសូន្យ ។ មិនតែប៉ុណ្ណោះ ធម៌បីប្រការនេះ រមែងផ្តល់សេចក្តីសុខចម្រើនដល់ខ្លួនអ្នកប្រតិបត្តិ អាចនឹងឱ្យបានសម្រេចផលដ៏ធំក្រៃលែងឡើងជាលំដាប់ ។ ធម៌បីប្រការនោះ ៖
១-ឥន្ទ្រិយសំវរៈ សង្រួមឥន្ទ្រិយទាំង៦គឺភ្នែក ត្រចៀក ច្រមុះ អណ្តាត កាយ ចិត្ត មិនឱ្យមានសោមនស្ស ទោមនស្ស ក្នុងវេលាឃើញរូប ឮសំឡេង ធុំក្លិន លិទ្ធរស កាយពាល់ត្រូវ ដឹងធម្មារម្មណ៍ដោយចិត្ត
២-ភោជនេមត្តញ្ញុតា ស្គាល់ប្រមាណក្នុងការបរិភោគអាហារតែល្មមសមគួរ មិនច្រើនមិនតិច
៣-ជាគរិយានុយោគ ប្រកបព្យាយាមដើម្បីជម្រះចិត្តឱ្យបរិសុទ្ធម៉ត់ចត់ មិនឃើញដល់ការដេកច្រើន ។
ព្រោះហេតុនោះទើបលោកឱ្យនាមធម៌៣ប្រការថា អប្បណ្ណកប្បដិបទា គឺការប្រតិបត្តិមិនខុស ។
ចែករំលែកព័តមាននេះ