ខេត្តក្រចេះ ៖ ជារឿងចម្លែក និងពិតជាធ្វើឱ្យភ្ញាក់ផ្អើលខ្លាំងផងដែរ បន្ទាប់ពីបានឮពាក្យនិយាយថា «តាឃុត ឬក៏ពុកៗឡើងមកសម្រាន្តលើផ្ទះ» ដែលសម្តីនេះចេញពីក្នុងគ្រួសារមួយនាំគ្នាហៅទៅលើសត្វគោស្ទាវមួយក្បាលឱ្យឡើងទៅដេកលើផ្ទះ ដូចតាមទម្លាប់ជារៀង រាល់ល្ងាចមានរយៈជាង២ឆ្នាំមកហើយ។…
ខេត្តក្រចេះ ៖ ជារឿងចម្លែក និងពិតជាធ្វើឱ្យភ្ញាក់ផ្អើលខ្លាំងផងដែរ បន្ទាប់ពីបានឮពាក្យនិយាយថា «តាឃុត ឬក៏ពុកៗឡើងមកសម្រាន្តលើផ្ទះ» ដែលសម្តីនេះចេញពីក្នុងគ្រួសារមួយនាំគ្នាហៅទៅលើសត្វគោស្ទាវមួយក្បាលឱ្យឡើងទៅដេកលើផ្ទះ ដូចតាមទម្លាប់ជារៀង រាល់ល្ងាចមានរយៈជាង២ឆ្នាំមកហើយ។ ក៏ព្រោះតែពួកគាត់នៅតែជឿថា សត្វគោឈ្មោលមួយក្បាល ដែលពួកគាត់គោរពស្រឡាញ់ និងមើលថែកថ្នាក់ថ្នម រហូតក្រាលកន្ទេល ពូក ដាក់កង្ហាឱ្យដេកនៅលើផ្ទះដូចមនុស្សនេះ ជាខ្មោចឪពុកក៏ដូចជាប្តីរបស់គាត់ដែលបានស្លាប់ទៅ ហើយបានមកចាប់ជាតិកំណើតថ្មីមកវិញ ជាសត្វគោឈ្មោលមួយក្បាលនេះ ។
គ្រួសារខាងលើ គឺស្ថិតនៅចំណុចគីឡូ៦ក្នុងឧប្បសម្ព័ន ភូមិកញ្ជរ ឃុំកញ្ជរ ស្រុកឆ្លូង គឺពួកគាត់សព្វថ្ងៃកំពុងនាំគ្នាប្រតិបត្តគោរព ស្រឡាញ់សត្វគោនេះខ្លាំងណាស់ និងបានចាត់ទុកសត្វគោដូចជាមនុស្សរស់ពីសំណាក់កូនៗ ជាពិសេសស្ត្រីវ័យចំណាស់ដែលជាប្រពន្ឋ ដោយបានហៅសត្វគោឈ្មោលនេះថា «ពុកៗឬក៏ឪវា» ពេញៗមាត់ ។ ព្រោះតែគ្រួសារមួយនេះ នៅតែមានជំនឿថា ប្តីរបស់គាត់ក៏ដូចជាឪពុករបស់ពួកគាត់ ដែលស្លាប់ទៅហើយនោះ បានមកចាប់ជាតិមានកំណើតជាថ្មីវិញ ជាសត្វគោ ទើបធ្វើឲ្យពួកគាត់នៅតែគោរពស្រឡាញ់ប្រតិបត្ត លើសត្វគោមើលថែដូចមនុស្សកាលនៅរស់។
គួរកត់សម្គាល់ថា អបិយជំនឿត្រូវគេមើលឃើញថា នៅតែដក់ស្ថិតក្នុងភ្នត់អារម្មណ៍របស់ពលរដ្ឋខ្មែរគ្រប់ស្រទាប់វណ្ណៈ បើទោះបីជាបច្ចេកវិទ្យា ឬក៏ប្រព័ន្ធវិទ្យាសាស្ត្រ កំពុងបោះជំហានកាន់តែជឿនលឿនបែបណាក្តី ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ