លោកត្រាំ និងលោកគីម ជុងអ៊ុន ជួបគ្នាចាប់ដៃយ៉ាងយូរជាប្រវត្តិសាស្ត្រ
ប្រទេសសិង្ហបុរី ៖ ប្រធានាធិបតីអាមេរិក លោកដូ ណាល់ត្រាំ និងមេដឹកនាំកូរ៉េខាងជើង លោកគីម ជុងអ៊ុន នាព្រឹកថ្ងៃទី១២ មិថុនា…
ប្រទេសសិង្ហបុរី ៖ ប្រធានាធិបតីអាមេរិក លោកដូ ណាល់ត្រាំ និងមេដឹកនាំកូរ៉េខាងជើង លោកគីម ជុងអ៊ុន នាព្រឹកថ្ងៃទី១២ មិថុនា ២០១៨ នេះ បានជួបគ្នា ហើយចាប់ដៃគ្នាយ៉ាងយូរជាប្រវត្តិសាស្ត្រលើកដំបូងបំផុតរវាងប្រធានាធិបតីអាមេរិកកំពុងកាន់អំណាច និងមេដឹកនាំកូរ៉េខាងជើងមួយរូប។
រូបភាពជានិមិត្តរូបនោះដែលគេនឹកស្មានពុំដល់កើតមានក្រោយរយៈពេលច្រើនទសវត្សនៃភាពតានតឹង ទាក់ទិនដល់មហិច្ឆតានុយក្លេអ៊ែរកូរ៉េខាងជើង កំណត់ពីការបើកកិច្ចប្រជុំកំពូលមួយដែលមានការចាប់អារម្មណ៍ និងតាមដានបំផុតនៅអាស៊ី និងលើពិភពលោក។ មេដឹកនាំទាំង២ ដែលសុទ្ធតែមានស្ទីល និងរបៀបរបបខុសគ្នាទាំងស្រុងនោះ បានចាប់ដៃគ្នាយ៉ាងយូរ ហើយនិយាយទៅកាន់គ្នាពីរបីម៉ាត់នៅមុខទង់ជាតិ នៃប្រទេសទាំង២ដែលជាគូសត្រូវនឹងគ្នា នៅឯសណ្ឋាគារដ៏ប្រណីតមួយនៃកោះ SENTOSAសិង្ហបុរី។
ក្រោយឆាកនេះដែលមានការចាប់អារម្មណ៍តាមដានបំផុត របស់មនុស្សច្រើនលាននាក់លើពិភពលោក ហើយមេដឹកនាំទាំង២បានជួបពិភាក្សាទល់មុខគ្នា ដោយមានវត្តមានតែអ្នកបកប្រែ បន្ទាប់មកមានការប្រជុំមួយរបស់ក្រុមសមាជិកគណៈប្រតិភូរៀងៗខ្លួន។ ជាបន្ត គឺពិធីអាហារថ្ងៃត្រង់ការងារមួយ។
មុនជួបគ្នាលោកត្រាំ បានសរសេរតាម TWITTER ថា យើងនឹងដឹងគ្រប់យ៉ាងដោយរហ័ស តើកិច្ចព្រមព្រៀងពិតប្រាកដមួយពុំមែនដូចកិច្ចព្រមព្រៀងលើកមុនៗសម្រេចបានដែរឬយ៉ាងណា?
ចែករំលែកព័តមាននេះ