លោកគីម ជុងអ៊ុន ចេញដើរលេងនៅសិង្ហបុរី
ប្រទេសសិង្ហបុរី ៖ ប៉ុន្មានម៉ោងមុនការជួបគ្នាកំពូលជាប្រវត្តិសាស្ត្រ ជាមួយប្រធានាធិបតីអាមេរិក លោកដូណាល់ ត្រាំ នៅលើកោះ SENTOSA សិង្ហបុរី មេដឹកនាំកូរ៉េខាងជើង…
ប្រទេសសិង្ហបុរី ៖ ប៉ុន្មានម៉ោងមុនការជួបគ្នាកំពូលជាប្រវត្តិសាស្ត្រ ជាមួយប្រធានាធិបតីអាមេរិក លោកដូណាល់ ត្រាំ នៅលើកោះ SENTOSA សិង្ហបុរី មេដឹកនាំកូរ៉េខាងជើង លោកគីម ជុងអ៊ុន បានចេញដើរកម្សាន្តខាងក្រៅ តាមដងវិថីទាំងឡាយ។
ក្រោយពេលស្ថិតក្នុងសណ្ឋាគារ SAINT REGIS ពេញពេលថ្ងៃ នាវេលាល្ងាចលោកចេញមកកម្សាន្តនៅសួនច្បារល្បីនៃទីក្រុង តាមរថយន្ត LIMOUSINE របស់លោកអមដោយក្បួនហែហមគួរឲ្យចាប់អារម្មណ៍បំផុត។ លោកមកកាន់សួនច្បារទំនើបបំផុតជាកន្លែងទាក់ទាញទេសចរណ៍ របស់សិង្ហបុរី ចាប់តាំងពីបង្កើតមក ដោយនៅទីនោះមានដើមឈើរចនាដោយភ្លើងបំភ្លឺយ៉ាងស្រស់បំព្រង។ លោកគីម ជុងអ៊ុន ដើរកម្សាន្ត ជាមួយគណៈប្រតិភូ ជាពិសេសប្អូនស្រីលោក គឺលោកស្រី គីម យ៉ូជុង។ ហើយប៉ុន្មាននាទីក្រោយមក រដ្ឋមន្ត្រីការបរទេសសិង្ហបុរី លោក VIVIAN BALAKRISHNAN បានបង្ហោះតាម TWITTER រូបថត SELFIE របស់លោកជាមួយលោកគីម ជុងអ៊ុន ដែលអ្នកទាំង២ញញឹមយ៉ាងស្រស់ស្រាយ៕
ចែករំលែកព័តមាននេះ