ឆ្លើយតបសម្តេចតេជោបានថ្លែងអំណរគុណជូនចំពោះរដ្ឋាភិបាលឥណ្ឌា
- ភ្នំពេញ
រាជធានីភ្នំពេញ ៖ នារសៀលថ្ងៃទី១១ ខែមិថុនា ឆ្នាំ២០១៨ សម្តេចតេជោនាយករដ្ឋមន្ត្រីបានទទួលជួបសវនាការការងារជាមួយលោកជំទាវ Nimala Sitharaman Honble Raksha…
រាជធានីភ្នំពេញ ៖ នារសៀលថ្ងៃទី១១ ខែមិថុនា ឆ្នាំ២០១៨ សម្តេចតេជោនាយករដ្ឋមន្ត្រីបានទទួលជួបសវនាការការងារជាមួយលោកជំទាវ Nimala Sitharaman Honble Raksha Mantri រដ្ឋមន្ត្រីក្រសួងការពារជាតិនៃសាធារណៈរដ្ឋឥណ្ឌានៅទីស្តីការនាយករដ្ឋមន្ត្រីនៅវិមានសន្តិភាព ។
នៅក្នុងជំនួបសន្ទនាជាមួយសម្តេចតេជោលោកជំទាវរដ្ឋមន្ត្រីក្រសួងការពារជាតិឥណ្ឌាមានប្រសាសន៍ថ្លែងអំណរគុណយ៉ាងជ្រាលជ្រៅជូនចំពោះសម្តេចតេជោដែលបានអញ្ជើញទៅបំពេញទស្សនកិច្ចផ្លូវការនៅប្រទេសឥណ្ឌានាពេលថ្មីៗដែលកន្លងទៅឈានដល់ការចុះហត្ថលេខាលើកិច្ចព្រមព្រៀង ទាំងវិស័យឯកជនធ្វើឲ្យវិនិយោគទុនឥណ្ឌាមានចំណាប់អារម្មណ៍យ៉ាងខ្លាំង ចំពោះប្រទេសកម្ពុជា ។ លោកជំទាវបន្តថា ដំណើរទស្សនកិច្ចរបស់លោកជំទាវនាពេលនេះ គឺពិនិត្យមើលនូវអ្វីដែលបានចុះហត្ថលេខានៅក្នុងដំណើរទស្សនកិច្ចរបស់សម្តេចតេជោទៅកាន់ប្រទេសឥណ្ឌា កាលពីពេលកន្លងទៅ ដើម្បីឲ្យកាន់តែទទួលបានផ្លែផ្កាថែមទៀត និងពង្រឹងទំនាក់ទំនងរវាងប្រទេសទាំងពីរកម្ពុជា- ឥណ្ឌាឲ្យកាន់តែរីកចម្រើនខ្លាំងថែមទៀត ។ ឥណ្ឌានឹងផ្តល់ជំនួយសត្វឆ្កែ ដើម្បីរុករកជាតិផ្ទុះដល់កម្ពុជា ។
ជាការឆ្លើយតបសម្តេចតេជោបានថ្លែងអំណរគុណជូនចំពោះរដ្ឋាភិបាលឥណ្ឌាដែលឥណ្ឌា គឺជាប្រទេសទី១ ដែលទទួលស្គាល់កម្ពុជាចាប់តាំងពីកម្ពុជាមុនទទួលបានឯករាជ្យ គឺជាប្រទេសទី១ ដែលទទួលស្គាល់កម្ពុជា បន្ទាប់ពីកម្ពុជាពីរបបប្រល័យពូជសាសន៍ ។ ឥណ្ឌាបានរួមចំណែកស្វែងរកសន្តិភាព ។ សម្តេចតេជោបានថ្លែងអំណរគុណជូនរដ្ឋាភិបាលឥណ្ឌាដែលផ្តល់ជំនួយសត្វឆ្កែដល់មជ្ឈមណ្ឌលសកម្មភាពកំចាត់មីនកម្ពុជា ។សម្តេចបានសំដែងនូវការពេញចិត្ត និងសាទរចំពោះកិច្ចសហប្រតិបត្តិការលើវិស័យការពារជាតិនៃប្រទេសទាំងពីរ កងទ័ពកម្ពុជា និងកងទ័ពឥណ្ឌាក្រោមឆ័ត្រអង្គការសហប្រជាជាតិ ៕
ចែករំលែកព័តមាននេះ