ខេត្តមណ្ឌលគិរី ៖ យុវជនម្នាក់ត្រូវបានសាច់ញាតិបញ្ជូនទៅសង្គ្រោះបន្ទាន់ ក្រោយផ្ទុះអំពើហិង្សាក្នុងវង់ផឹកស៊ី កាលពីវេលាម៉ោង៩និង៣០នាទីព្រឹកថ្ងៃទី១១ ខែមិថុនា ឆ្នាំ២០១៨ នៅចំណុចផ្ទះឈ្មោះ ថុន ថៃ…
ខេត្តមណ្ឌលគិរី ៖ យុវជនម្នាក់ត្រូវបានសាច់ញាតិបញ្ជូនទៅសង្គ្រោះបន្ទាន់ ក្រោយផ្ទុះអំពើហិង្សាក្នុងវង់ផឹកស៊ី កាលពីវេលាម៉ោង៩និង៣០នាទីព្រឹកថ្ងៃទី១១ ខែមិថុនា ឆ្នាំ២០១៨ នៅចំណុចផ្ទះឈ្មោះ ថុន ថៃ ក្នុងភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី។
លោកវរៈសេនីយ៍ទោ ស៊ុន ប៊ុនធឿន អធិការនគរបាលស្រុកកែវសីមាបានឲ្យដឹងថា មានករណីអំពើហិង្សាដោយចេតនា យកកាំបិតចាក់គ្នាក្នុងពេលផឹកស្រា ។ លោកអធិការបន្តថា ជនរងគ្រោះឈ្មោះ ប៉ាវ សំណាង ភេទប្រុស អាយុ២៣ឆ្នាំ ជនជាតិខ្មែរ មុខរបរកសិករ មានស្រុកកំណើតភូមិក្ដុល ឃុំទង្លូង ស្រុកមេមត់ ខេត្តត្បូងឃ្មុំ ត្រូវជនសង្ស័យចាក់១កាំបិតលើដើមដោះខាងស្ដាំរងរបួសជាទម្ងន់ ត្រូវបានបងប្អូនសាច់ញាតិបញ្ជូនទៅសង្គ្រោះបន្ទាន់នៅមន្ទីរពេទ្យស្រុកស្នួល ខេត្តក្រចេះ ។
ជនសង្ស័យឈ្មោះ វ៉ាន់ ភាក់ណា ភេទប្រុស អាយុ៣១ឆ្នាំ ជនជាតិខ្មែរ មុខរបរកសិករ មានស្រុកកំណើត ភូមិខ្សាច់ទប់ ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ។
លោកស៊ុន ប៊ុនធឿន បានបញ្ជាក់ថា ករណីនេះបណ្តាលមកពីផឹកស្រាជាមួយគ្នា រួចមានទំនាស់ពាក្យសម្តីឈានដល់ការបង្កជាអំពើហិង្សានេះកើតឡើង ។ បច្ចុប្បន្នសមត្ថកិច្ចជំនាញបានឃាត់ខ្លួនជនសង្ស័យ ដើម្បីសួរនាំនិងចាត់ការតាមនីតិវិធី៕
ចែករំលែកព័តមាននេះ