ប្រទេសអ៊ីតាលី ៖ តាមប្រភពព័ត៌មាន Metro បានឲ្យដឹងថា អ្នកវិទ្យាសាស្ត្រនៅប្រទេសអ៊ីតាលី បានបង្កើតនំភីហ្សា ដែលអាចជួយការពារជំងឺមហារីក និងធ្វើឲ្យអាយុវែង។ វាពិតជាចម្លែកណាស់…
ប្រទេសអ៊ីតាលី ៖ តាមប្រភពព័ត៌មាន Metro បានឲ្យដឹងថា អ្នកវិទ្យាសាស្ត្រនៅប្រទេសអ៊ីតាលី បានបង្កើតនំភីហ្សា ដែលអាចជួយការពារជំងឺមហារីក និងធ្វើឲ្យអាយុវែង។ វាពិតជាចម្លែកណាស់ ព្រោះជាធម្មតានំប្រភេទ Fast Food នេះ មិនសូវជាល្អប៉ុន្មានទេសម្រាប់សុខភាព។
ក្រុមអ្នកវិទ្យាសាស្ត្រនៅវិទ្យាស្ថានជាតិជំងឺមហារីក Istituto Nazionale Tumori បានណែនាំឲ្យប្រជាជនទទួលទានភីហ្សាដែលខ្លួន ទើបបង្កើតឲ្យបាន២ដងក្នុងមួយសប្តាហ៍។
ភីហ្សានេះមានគ្រឿងផ្សំជាបន្លែសុខភាពដូចជា ផ្លែប៉េងប៉ោះ ផ្លែអូលីវ បន្លែរ៉ាពីនី ជាដើម។ គេមិនប្រើឈីស ឬសាច់ឡើយលើភីហ្សានេះ។
ក្រុមអ្នកវិទ្យាសាស្ត្រអះអាងថា គ្រឿងផ្សំទាំងអស់នោះអាចជួយកាត់បន្ថយអត្រាកើតជំងឺសរសៃឈាម និងជំងឺមហារីកពោះវៀន។
អ្វីដែលសំខាន់ តើវាមានរសជាតិយ៉ាងណាដែរ? បើតាមរូបភាពខាងក្រោម វាហាក់បីដូចជាចម្លែកណាស់!
ចែករំលែកព័តមាននេះ