រាជធានីភ្នំពេញ ៖ គណៈកម្មការផ្សារអូរឬស្សីបានសហការជាមួយសាខាកាំកុងត្រូលផែស្ងួតចុងទីក្រុងភ្នំពេញ រួមជាមួយមន្ត្រីមន្ទីរពាណិជ្ជកម្មរាជធានីភ្នំពេញ កាលពីព្រឹកថ្ងៃទី១១ មិថុនា ២០១៨ ចុះត្រួតពិនិត្យ ទំនិញនៅផ្សារអូរឬស្សី ដើម្បីសុវត្ថិភាពចំណីអាហារទប់ស្កាត់ទំនិញខូចគុណភាព…
រាជធានីភ្នំពេញ ៖ គណៈកម្មការផ្សារអូរឬស្សីបានសហការជាមួយសាខាកាំកុងត្រូលផែស្ងួតចុងទីក្រុងភ្នំពេញ រួមជាមួយមន្ត្រីមន្ទីរពាណិជ្ជកម្មរាជធានីភ្នំពេញ កាលពីព្រឹកថ្ងៃទី១១ មិថុនា ២០១៨ ចុះត្រួតពិនិត្យ ទំនិញនៅផ្សារអូរឬស្សី ដើម្បីសុវត្ថិភាពចំណីអាហារទប់ស្កាត់ទំនិញខូចគុណភាព ប្រើប្រាស់សារធាតុគីមីហាមឃាត់ក្លែងបន្លំ និងពង្រឹងការយល់ដឹងអំពីបញ្ហាសុវត្ថិភាពចំណីអាហារដល់បងប្អូនអាជីវករ និងអ្នកប្រើប្រាស់ព្រមទាំងបានយកគំរូមកធ្វើតេស្តបឋម រកសារធាតុគីមីហាមហាត់ទៅលើបង្គាស្រស់ មឹក សាច់ប៉ាតេ ប្រហិតសាច់គោ នំស្លឹកស្រស់ នំគម នំស្រួយ ។
ជាលទ្ធផលបានរកឃើញសារធាតុគីមីហាមហាត់ (បូរ៉ាក់)នៅក្នុងនំស្លឹកស្រស់ និងនំស្រួយដែលដាក់តាំងលក់សរុបចំនួន៦ទីតាំង មានចំនួនសរុប៨៦គីឡូក្រាម និងបានធ្វើការអប់រំណែនាំ មានកំណត់ហេតុ បញ្ឈប់ការទទួលចែកចាយលក់ដូរបន្តទៀត និងបានអញ្ជើញអ្នកវេចនំបោះដុំមកស្នាក់ការធ្វើកំណត់ហេតុអប់រំណែនាំបញ្ឈប់ការប្រើប្រាស់សារធាតុគីមីហាមហាត់ខាងលើ ។
ហើយគាត់ប្តេជ្ញាឈប់ប្រើប្រាស់ ឈប់ផលិត និងលក់ដូរនូវទំនិញដែលមានសារធាតុគីមីហាមឃាត់នេះទៀត និងបានប្រគល់ឲ្យមកសមត្ថកិច្ចធ្វើការកម្ទេចចោលនំទាំងអស់នោះដោយស្ម័គ្រចិត្ត ៕
ចែករំលែកព័តមាននេះ