អនុសាសន៍គន្លឹះសំខាន់ៗរបស់លោកស៊ី ជិនពីង
ទីក្រុង Qingdao ខេត្ត Shandong ៖ នៅក្នុងកិច្ចប្រជុំ Shanghai Cooperation Organization (SCO)…
ទីក្រុង Qingdao ខេត្ត Shandong ៖ នៅក្នុងកិច្ចប្រជុំ Shanghai Cooperation Organization (SCO)…
ទីក្រុង Qingdao ខេត្ត Shandong ៖ នៅក្នុងកិច្ចប្រជុំ Shanghai Cooperation Organization (SCO) លើកទី១៨ ដែលបានរៀបចំឡើងនៅថ្ងៃទី៩ និងទី១០ មិថុនា នៅទីក្រុង Qingdao ខេត្តShandong ភាគខាងកើតប្រទេសចិន លោក ស៊ី ជិនពីង ប្រធានាធិបតីចិន បានផ្ដល់អនុសាសន៍គន្លឹះសំខាន់ៗក្នុងគោលដៅជំរុញឲ្យមានសាមគ្គីភាព ដែលធានាការរីកចម្រើនដល់កិច្ចប្រជុំ SCO ក្នុងនោះ បើយោងតាមគេហទំព័រសារព័ត៌មានចិន chinadaily.com.cn បានស្រង់នូវអនុសាសន៍ចំនួន៥ចំណុចដូចខាងក្រោម ៖
១-ស្មារតីសៀងហៃ (Shanghai Spirit)
លោកប្រធានាធិបតី ស៊ី ជិនពីង បាន ថ្លែងថា ៖« យើងគួរតែចែករំលែកប្រពៃណីសាមគ្គីភាព និងការសម្របសម្រួលនេះបន្ត។ រដ្ឋជាសមាជិកទាំងអស់ទាំងចាស់ និងថ្មី គួរតែធ្វើការយ៉ាងជិតស្និទ្ធ បង្កើនទំនុកចិត្តគ្នា និងបង្កើនការគាំទ្រគ្នាទៅវិញទៅមក ក្នុងការខិតខំប្រឹងប្រែងសម្រាប់កសាងសហគមន៍មួយដែលមានអនាគតរួមនិងមានសមភាព សាមគ្គីភាព និងការចែករំលែកនៃសារប្រយោជន៍និងវិបត្ដិ»។
២-សុវត្ថិភាព និងសន្តិសុខ (Safe and Security)
SCO គួរតែបង្កើនកិច្ចខិតខំប្រឹងប្រែងរបស់ខ្លួនក្នុងការកសាងច្បាប់ យន្តការប្រឆាំងនឹងភាពជ្រុលនិយម និងការគ្រប់គ្រងគ្រឿងញៀន។ ប្រទេសចិនបានត្រៀមខ្លួនរួចជាស្រេចក្នុងការចូលរួមកិច្ចខិតខំប្រឹងប្រែងជាមួយរដ្ឋជាសមាជិកដទៃទៀត ក្រោមក្របខ័ណ្ឌនៃ SCO ដើម្បីជំរុញការផ្សះផ្សាជាតិ និងការស្ថាបនាឡើងវិញនូវសេដ្ឋកិច្ចអាហ្វហ្គានី
ស្ថាន ។
៣-ស្វាគមន៍ផែនការពង្រីកSCO (Welcoming the plan to enlarge the SCO)
SCO គួរបន្តពង្រីកការផ្លាស់ប្តូរខាងក្រៅជាមួយអង្គការក្នុងតំបន់ និងអន្ដរជាតិដទៃទៀត ព្រមទាំងកែលម្អយន្តការសន្ទនា និងកិច្ចសហប្រតិបត្តិការជាមួយអ្នកសង្កេតការណ៍ និងដៃគូសន្ទនារបស់ខ្លួន ។
៤-លើកស្ទួយការផ្សារភ្ជាប់បេះដូងប្រជាជន (Promoting the connection of people’s hearts)
ប្រទេសចិនមានឆន្ទៈផ្តល់កន្លែងចំនួន ២.០០០កន្លែងសម្រាប់ការបណ្តុះបណ្តាលមន្ត្រី រដ្ឋបាល និងអ្នកមានទេពកោសល្យបច្ចេកទេសដែលមកពីរដ្ឋជាសមាជិករបស់ SCO ពីឆ្នាំ ២០១៥ ដល់ឆ្នាំ២០១៧ និងអញ្ជើញអ្នកដឹកនាំវ័យក្មេងចំនួន៥០នាក់នៃរដ្ឋ SCO រៀងរាល់ឆ្នាំ ដើម្បីស្រាវជ្រាវ និងសិក្សានៅប្រទេសចិន ក្នុងរយៈពេល៥ឆ្នាំបន្ទាប់ ។
៥-កិច្ចសហប្រតិបត្តិការនយោបាយ (Practical Cooperation)
កិច្ចព្រមព្រៀងស្តីពីការសម្រួលដល់ការដឹកជញ្ជូនតាមផ្លូវគោកអន្តរជាតិ គួរតែត្រូវបានសម្រេចយ៉ាងឆាប់រហ័សនៅក្នុង SCO ដើម្បីកសាងច្រកដឹកជញ្ជូនដែលតភ្ជាប់សមុទ្របាល់ទិកនិងមហាសមុទ្រប៉ាស៊ីហ្វិក ព្រមទាំងតភ្ជាប់អាស៊ីកណ្តាលជាមួយមហាសមុទ្រឥណ្ឌា និងឈូងសមុទ្រ ។
បណ្តាប្រទេស SCO ក៏គួរឈ្វេងយល់ពីកិច្ចព្រមព្រៀងសម្រួលពាណិជ្ជកម្មនិងវិនិយោគ, ការជំរុញកិច្ចសហប្រតិបត្តិការសេដ្ឋកិច្ចនិងហិរញ្ញវត្ថុ, បង្កើតធនាគារអភិវឌ្ឍន៍ SCO និងក្លិបថាមពល និងបង្កើតយន្តការកិច្ចសហប្រតិបត្តិការមួយសម្រាប់សន្តិសុខស្បៀងអាហារ ៕
ចែករំលែកព័តមាននេះ