ខេត្តកំពង់ចាម ៖ ជាងប៉ះកង់-ម៉ូតូម្នាក់ឈ្មោះ ព្រុំ ធឿន ភេទប្រុស អាយុ៦៣ឆ្នាំ បានយកសំរាមក្នុងថង់ចាក់បង្ហូរទៅលើថ្នល់ដែលកំពុងតែភ្លៀងនាពេលកន្លងទៅថ្មីៗដើម្បីឲ្យហូរទៅតាមទឹកភ្លៀងជាប់របងសាលាបឋមសិក្សាឧត្តរ ក្នុងសង្កាត់កំពង់ចាម ក្រុងកំពង់ចាម…
ខេត្តកំពង់ចាម ៖ ជាងប៉ះកង់-ម៉ូតូម្នាក់ឈ្មោះ ព្រុំ ធឿន ភេទប្រុស អាយុ៦៣ឆ្នាំ បានយកសំរាមក្នុងថង់ចាក់បង្ហូរទៅលើថ្នល់ដែលកំពុងតែភ្លៀងនាពេលកន្លងទៅថ្មីៗដើម្បីឲ្យហូរទៅតាមទឹកភ្លៀងជាប់របងសាលាបឋមសិក្សាឧត្តរ ក្នុងសង្កាត់កំពង់ចាម ក្រុងកំពង់ចាម ត្រូវបានគេលួចថតបានបង្ហោះតាមបណ្តាញសង្គម Facebook ហើយដឹងដល់លោក គួច ចំរើន អភិបាលនៃគណៈអភិបាលខេត្តក៏បានបញ្ជាឲ្យសមត្ថកិច្ចគ្រប់លំដាប់ថ្នាក់មានផែនការលើអ្នកចាក់សំរាមឥតគំនិតនោះ ។
លោក ចាន់ ផល្លី អភិបាលក្រុងកំពង់ចាមឲ្យដឹងនៅព្រឹកថ្ងៃទី១១ ខែមិថុនា ឆ្នាំ២០១៨ ថានៅថ្ងៃទី០៨មិថុនា រូបលោកបានទទួលវីដូអូឃ្លីបមួយពីលោកអភិបាលខេត្តដែលពលរដ្ឋលួចថតបានបុរសណាស់ខាងលើចាក់សំរាមដើម្បីឲ្យហូរទៅតាមខ្សែទឹកហូរ ខណៈពេលដែលមេឃកំពុងតែភ្លៀងធ្លាក់ ។ ដោយចាត់ឲ្យរូបលោកបើកកិច្ចប្រជុំជាបន្ទាន់មួយ នៅសាលាក្រុងកំពង់ចាម ព្រមទាំងបានហៅអ្នកចាក់សំរាមនោះឲ្យមកស្តាប់ការណែនាំ និងធ្វើកិច្ចសន្យាបញ្ឈប់មិនឲ្យមានបន្តទៅទៀតនោះទេ ។
លោក ចាន់ ផល្លី អភិបាលក្រុងកំពង់ចាមបញ្ជាក់ថា ដើម្បីថែរក្សាបរិស្ថានឲ្យស្អាតបន្តទៀតទៅអនាគតត្រូវតែមានការចូលរួមពីប្រជាពលរដ្ឋគ្រប់ទិសទី នៅតាមផ្លូវមាត់ទន្លេមានដាក់ធុងសំរាមដើម្បីកុំឲ្យប្រជាពលរដ្ឋដែលដើរកំសាន្តតាមមាត់ទន្លេមិនថាក្មេងឬចាស់នោះទេត្រូវតែបោះសំរាមដាក់ក្នុងធុង ។
ក្រោយពីបានធ្វើកិច្ចសន្យាអប់រំដល់ជាងប៉ះកង់-ម៉ូតូឈ្មោះ ព្រុំ ធឿន បន្ទាប់មកបានចាត់ឲ្យលោកអធិការនគរបាលក្រុងកំពង់ចាម និងអាវុធហត្ថព្រមទាំងលោកចៅសង្កាត់កំពង់ចាមដឹកនាំកម្លាំងចុះរៀបចំសណ្តាប់ធ្នាប់នៅជាប់របងសាលាបឋមសិក្សាឧត្តរដែលជាកន្លែងចោលសំរាមត្រូវឲ្យអ្នកលក់ដូរ និងជាងធ្វើសោរ ជាងប៉ះកង់ ឲ្យរុះរើប្តូរទីតាំងទៅកន្លែងផ្សេងមិនអនុញ្ញាតឲ្យបន្តធ្វើអាជីវកម្មទីនេះទៀតទេ ដើម្បីឲ្យមានសោភណ្ឌភាពស្អាត និងអនាម័យល្អ ៕
https://www.facebook.com/388647658148555/videos/647073555639296/
ចែករំលែកព័តមាននេះ