រាជធានីភ្នំពេញ ៖ ស្ត្រីវ័យក្មេងម្នាក់ជាជនជាតិវៀតណាមមានវិបត្តិគ្រួសារសង្ស័យប្តីមានស្រីថ្មីបានលោតពីលើអគារជាន់ទី២៩ ធ្វើអត្តឃាតសម្លាប់ខ្លួន បង្កឲ្យមានការភ្ញាក់ផ្អើលកាលពីវេលាម៉ោង៧និង១៥នាទីយប់ថ្ងៃទី១០ ខែមិថុនា នៅចំណុចអគារ Decastle Royal កម្ពស់៣២ជាន់…
រាជធានីភ្នំពេញ ៖ ស្ត្រីវ័យក្មេងម្នាក់ជាជនជាតិវៀតណាមមានវិបត្តិគ្រួសារសង្ស័យប្តីមានស្រីថ្មីបានលោតពីលើអគារជាន់ទី២៩ ធ្វើអត្តឃាតសម្លាប់ខ្លួន បង្កឲ្យមានការភ្ញាក់ផ្អើលកាលពីវេលាម៉ោង៧និង១៥នាទីយប់ថ្ងៃទី១០ ខែមិថុនា នៅចំណុចអគារ Decastle Royal កម្ពស់៣២ជាន់ ផ្លូវ២៩៤ សង្កាត់បឹងកេងកង១ ខណ្ឌចំការមន។
ប្រភពពីកន្លែងកើតហេតុបានបញ្ជាក់ប្រាប់អោយដឹងថា សពស្ត្រីដែលលោតសម្លាប់ខ្លួនមានឈ្មោះ ង្វៀង ធីជុក ជនជាតិវៀតណាម អាយុ២៨ឆ្នាំ មុខរបរមេផ្ទះ បានលោតចេញពីបន្ទប់ស្នាក់នៅរបស់ខ្លួននៅជាន់ទី២៩ ធ្លាក់មកដីលាន់ស្នូរដូចផ្ទុះកង់ឡាន បណ្តាលឱ្យស្ត្រីរងគ្រោះបែកពោះធ្លាយពោះវៀន និងបែកក្បាលស្លាប់ភ្លាមៗយ៉ាងអណោចអធម នៅនឹងកន្លែងកើតហេតុ ។
ប្រភពព័ត៌មានបានឲ្យដឹងទៀតថា មុនពេលកើតហេតុ នៅក្នុងបន្ទប់មានគ្នា៤នាក់ គឺស្ត្រីរងគ្រោះម្នាក់ កូន២នាក់ (កូនប្រុសអាយុ១០ឆ្នាំម្នាក់ និងកូនស្រីអាយុ៩ខែម្នាក់) និងអ្នកបម្រើស្រីម្នាក់ ។
ប្រភពពីម្តាយស្ត្រីជនរងគ្រោះបានបង្ហើបអោយដឹងថា ស្ត្រីរងគ្រោះមានប្តីជាជនជាតិចិន ស្នាក់នៅនិងធ្វើការនៅប្រទេសសិង្ហបុរី យូៗមកលេងប្រពន្ធម្តង ។ មុនពេលកើតហេតុ បានឈ្លោះប្រកែកគ្នា តែគាត់មិនបានដឹងច្បាស់ថាឈ្លោះគ្នាពីមូលហេតុអ្វីអោយច្បាស់នោះទេ ហើយកាលពីម្សិលមិញថ្ងៃទី៩ ខែមិថុនា កន្លងមកនេះ កូនស្រីរបស់គាត់ប៉ុនប៉ងធ្វើអត្តឃាតខ្លួនឯងម្តងរួចទៅហើយ តែមិនបានសម្រេច ដោយសារតែក្រុមគ្រួសារបានឃាត់ទាន់ លុះមកដល់យប់កើតហេតុ ស្រាប់តែនាងនៅតែគិតខ្លី ហើយព្យាយាមធ្វើអត្តឃាតខ្លួនឯងរហូតដល់លោតពីលើអគារស្នាក់នៅជាន់ទី២៩មកដីស្លាប់យ៉ាងអាណោចអាធ័ម ចោលកូននិងប្តីបែបនេះតែម្តង។
ក្រោយពីធ្វើកោសល្យវិច័យរួចរាល់ហើយ សពត្រូវបានប្រគល់អោយក្រុមគ្រួសារដឹកយកទៅវត្តស្ទឹងមានជ័យ ធ្វើបុណ្យតាមប្រពៃណី ៕
ចែករំលែកព័តមាននេះ