រាជធានីភ្នំពេញ ៖ បុរសម្នាក់បើកម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦ បើកក្នុងល្បឿនយ៉ាងលឿន ទំនងជាស្រវឹងបានជាមកដល់ផ្លូវកែងបំបែកជាបួនហើយមិនឃើញរថយន្តកាមរី ហាយប្រ៊ីតដែលបើកត្រង់ឆ្លងផ្លូវនោះក៏បុកចំក្បាលរថយន្តពីមុខបណ្តាលអោយរងរបួសធ្ងន់ ។…
រាជធានីភ្នំពេញ ៖ បុរសម្នាក់បើកម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦ បើកក្នុងល្បឿនយ៉ាងលឿន ទំនងជាស្រវឹងបានជាមកដល់ផ្លូវកែងបំបែកជាបួនហើយមិនឃើញរថយន្តកាមរី
ហាយប្រ៊ីតដែលបើកត្រង់ឆ្លងផ្លូវនោះក៏បុកចំក្បាលរថយន្តពីមុខបណ្តាលអោយរងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី១០ ខែមិថុនា ឆ្នាំ២០១៨ តាមបណ្តោយផ្លូវ១៤៣កែងផ្លូវ២៤២ នៅចំណុចម្តុំរង្វង់មូលសំពៅមាស ស្ថិតនៅក្នុងសង្កាត់បឹងព្រលឹត ខណ្ឌ៧មករា ។
តាមប្រភពព័ត៌មានពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញ
បុរសម្នាក់បើករថយន្តមួយគ្រឿងម៉ាកកាមរីហាយប្រ៊ីត ពណ៌ស្ករ ពាក់ស្លាកលេខ ភ្នំពេញ ២AB-២២៣០ បើកបរតាមបណ្តោយផ្លូវ១៤៣ ក្នុងទិសដៅពីត្បូងទៅជើង ពេលបើកមកដល់ចំណុចកើតហេតុជាផ្លូវកែងបំបែកជាបួន រថយន្តកាមរីហាយប្រ៊ីត បើកឆ្លងផ្លូវទៅត្រង់បានពាក់កណ្តាលផ្លូវ ក៏ស្រាប់តែមានបុរសម្នាក់ជិះម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៦ បើកបរមកតាមបណ្តោយផ្លូវ២៤២ ក្នុងទិសដៅពីកើតទៅលិចក្នុងល្បឿនយ៉ាងលឿនទំនងជាស្រវឹងស្រា មិនបានបន្ថយល្បឿននៅពេលដែលដល់ផ្លូវបំបែកជាបួននោះក៏ជ្រុលទៅបុកចំក្បាលរថយន្តផ្នែកខាងស្តាំ បណ្តាលអោយក្រពឹតរថយន្ត រីឯម៉ូតូហុងដាឌ្រីមវិញរងការខូចខាតបាក់ក្បាំងខាងស្តាំ ចំណែកឯម្ចាស់ម៉ូតូវិញបានរងរបួសធ្ងន់ ភ្លាមៗនោះដែររថយន្តសង្គ្រោះរបស់គ្លីនិកឯកជនបានមកដឹកយកជនរងគ្រោះយកទៅព្យាបាល តែដោយសារស្ថានភាពរបួសធ្ងន់ធ្ងរពេកក៏បញ្ជូនបន្តទៅកាន់មន្ទីរពេទ្យកាល់ម៉ែតតែម្តង ។
ក្រោយពេលកើតហេតុ រថយន្តកាមរីហាយប្រ៊ីត និងម៉ូតូហុងដាឌ្រីមត្រូវបានសមត្ថកិច្ចធ្វើការវាស់វែង
យកទៅរក្សាទុកនៅការិយាល័យចរាចរណ៍ផ្លូវគោក ៕
ចែករំលែកព័តមាននេះ