រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសានបានអះអាងថា អ្នកដែលទាមទារឲ្យដោះលែងលោកកឹម សុខា អតីតប្រធានគណបក្សសង្គ្រោះជាតិ ហើយភ្ជាប់នឹងការបោះឆ្នោត គឺជាឧបាយកលតែប៉ុណ្ណោះ ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសានបានអះអាងថា អ្នកដែលទាមទារឲ្យដោះលែងលោកកឹម សុខា អតីតប្រធានគណបក្សសង្គ្រោះជាតិ ហើយភ្ជាប់នឹងការបោះឆ្នោត គឺជាឧបាយកលតែប៉ុណ្ណោះ ។
ការអះអាងនេះ បន្ទាប់ក្រុមអ្នកគាំទ្ររួមទាំងមេធាវីរបស់លោកកឹម សុខាទទូចស្នើឲ្យមានការដោះលែងលោកកឹម សុខាដើម្បីឲ្យមានសេរីភាពជួបជុំប្រពន្ធកូនខ្លួនវិញ កាលពេលថ្មីៗ កន្លងមកនេះ ។
យ៉ាងណាក្តីលោកសុខ ឥសានបានឲ្យដឹងនៅថ្ងៃទី១០ មិថុនា យ៉ាងដូច្នេះថា ការដែលមានការទាមទារឲ្យដោះលែងជនប្រព្រឹត្តល្មើសច្បាប់ធ្ងន់ធ្ងរ ហើយទាមទារឲ្យដោះលែងថា ជាការពង្រឹងនីតិរដ្ឋ ។ បើពង្រឹងនីតិរដ្ឋ គឺត្រូវចាប់អ្នកល្មើ សច្បាប់ ដើម្បីឲ្យទទួលខុសត្រូវចំពោះមុខច្បាប់ ហើយហេតុអីទាមទារឲ្យដោះលែងទៅវិញ ។
លោកបានបញ្ជាក់ថា«ការទាមទារឲ្យដោះលែងអ្នកប្រព្រឹត្តខុសច្បាប់ គឺជាការដើរផ្ទុយពីគោលការងារនីតិរដ្ឋយកគោលការណ៍ទណ្ឌភាពមកអនុវត្តជំនួស ។ បើយ៉ាងដូច្នេះការទាមទារឲ្យដោះលែងអ្នកប្រព្រឹត្តល្មើសច្បាប់ គ្រាន់តែជាឧបាយកលប៉ុណ្ណោះ» ។
លោកសុខ ឥសានក៏បានលើកឡើងដែរថា មានជនមួយចំនួនចង់ភ្ជាប់រឿងក្តីកឹម សុខាជាមួយការបោះឆ្នោតចង់ដាក់លក្ខខណ្ឌឲ្យមានការដោះលែងលោកកឹម សុខា ទើបការបោះឆ្នោតសេរីត្រឹមត្រូវ និងយុត្តិធ៌ម ។ ករណីនេះវាមិនដែលដាក់អ្នកល្មើសច្បាប់ធៀបនឹងការបោះឆ្នោតដោយប្រជាធិបតេយ្យរបស់ប្រទេសនោះទេ ។ មិនអាចទទួលយកបានឡើយកុំចង់ ញុះញង់ការយល់ឃើញរបស់ប្រជាជនម្ចាស់ឆ្នោតឲ្យយល់ខុស អី ។
ចំណែកលោក យ៉ែម បុញ្ញាឬទ្ធិអតីតគណបក្សសង្គ្រោះជាតិបានលើកឡើងលើបណ្តាញសង្គមថា២៥ឆ្នាំ ក្រោយពីការបោះឆ្នោតលើកទី១ ឆ្នាំ១៩៩៣ បន្ទាប់ពីមានកិច្ចព្រមព្រៀងសន្តិភាពទីក្រុងប៉ារីស២៣ តុលា ១៩៩១ ប្រទេសយើងចាប់ផ្តើមព្យាយាមផ្សះផ្សាជាតិរៀបចំផ្នែកសិទ្ធិមនុស្ស និងគោលការណ៍ប្រជាធិបតេយ្យសេរីពហុបក្សក៏ដូចជា ការធ្វើកំណែទម្រង់រ ដ្ឋតាមវិស័យនានា ក្រោយពីសង្គ្រាម ។
លោកបន្តថា ប្រជាពលរដ្ឋខ្មែរអាចធ្វើការវាយតម្លៃពីការវិវត្តពីបញ្ហាប្រឈមពីភាពអសកម្មពីការសម្រេចបានក៏ដូចជា ការសម្រេចមិនបាននៅលើផ្នែកខ្លះៗដូចជា ការគោរពសិទ្ធិមនុស្សការអនុវត្តគោលការណ៍ប្រជាធិបតេយ្យការប្រកួតប្រជែងនយោបាយដែលយុវជននៅពេលនេះបានធ្វើការកត់សម្គាល់ថា ហាក់ដូចជា ម្តងទៅមុខ ម្តងថយក្រោយ ។
លោកបញ្ជាក់ថា «២៥ឆ្នាំក្រោយមក បើគេលើកតែផ្នែកមួយនៃការប្រកួតប្រជែងនយោបាយមានការចាប់មេបក្សប្រឆាំង សកម្មជនដាក់ពន្ធនាគារ មានការរំលាយបក្សប្រឆាំងតែមួយដែលមានអាសនៈនៅរដ្ឋសភាបិទសិទ្ធិនៃការជួបជុំមានការប្រកាសឱ្យប្រជាពលរដ្ឋចេញទៅបោះឆ្នោត ឬមិនទៅបោះឆ្នោតដែលធ្វើឱ្យមានភាពច្របូកច្របល់ខុសពីសព្វមួយដង ។ ជាការពិតណាស់ យើងត្រូវគោរពសិទ្ធិទៅ ឬមិនទៅ ? ចូលរួម ឬមិនចូលរួម ? ក៏ប៉ុន្តែតើបរិយាកាសនយោបាយដែលរៀបរាប់ខាងលើពិតជាមានការប្រកួតប្រជែងដោយស្មើមុខ ដោយស្មើភាពដែលឬទេ ? ។
លោកបន្តថា ការបោះឆ្នោតលើកនេះមានភាពចម្លែងព្រោះគ្មានការចូលរួមរបស់គណបក្សសង្គ្រោះជាតិព្រោះ គណបក្សសង្គ្រោះជាតិត្រូវបានរំលាយដោយតុលាការកំពូលកាលពេលចុងឆ្នាំ២០១៧ កន្លងមក ៕
ចែករំលែកព័តមាននេះ