បាត់ពីផ្ទះ៣ថ្ងៃ ស្រាប់តែឃើញសាកសពអណ្តែតទឹក
- កណ្តាល
ខេត្តកណ្ដាល ៖ មានសេចក្តីរាយការណ៍ កាលពីវេលាម៉ោង៣ និង៤០នាទីរសៀល ថ្ងៃទី១០ មិថុនា ២០១៨ មានគេប្រទះឃើញសាកសពអណ្តែតទឹក កើតឡើងនៅចំណុចទឹកអូរខ្លិត…
ខេត្តកណ្ដាល ៖ មានសេចក្តីរាយការណ៍ កាលពីវេលាម៉ោង៣ និង៤០នាទីរសៀល ថ្ងៃទី១០ មិថុនា ២០១៨ មានគេប្រទះឃើញសាកសពអណ្តែតទឹក កើតឡើងនៅចំណុចទឹកអូរខ្លិត ស្ថិតក្នុងភូមិតាប៉ាង ឃុំសំរោងលើ ស្រុកអង្គស្នួល ខេត្តកណ្តាល ប្រហែល១២០០ម៉ែត្រ។ ជនរងគ្រោះឈ្មោះ រ៉ៃ រ៉ា ភេទប្រុស អាយុ៥២ឆ្នាំ មុខរបរមិនពិត រស់នៅជាមួយក្មួយ (ជាជនមានសតិមិនគ្រប់គ្រាន់)។ តាមសាក្សីឈ្មោះ ទឹម សុខុន ភេទស្រី អាយុ៣៨ឆ្នាំ មុខរបកម្មកររោងចក្រ នៅភូមិត្រពាំងត្បែង ឃុំសំរោងលើ ស្រុកអង្គស្នួល ខេត្តកណ្តាល បានរៀបរាប់ប្រាប់សមត្ថកិច្ចឲ្យដឹងថា៖
មុនពេលស្លាប់ជនរងគ្រោះ បានបាត់ពីផ្ទះ៣ថ្ងៃហើយ ហើយក្រុមគ្រួសារ ក៏បានដើររកមិនឃើញ ស្រាប់តែឮគេនិយាយថា មានសាកសពមនុស្សម្នាក់ អណ្តែតនៅទឹកអូរខ្លិត នៅភូមិតាប៉ាង ឃុំសំរោងលើ ស្រុកអង្គស្នួល ខេត្តកណ្តាលនេះ។ ពេលនោះឈ្មោះ ទឹម សុខុន ក៏ដើរទៅមើលសាកសព ស្រាប់តែឃើញសពនោះជាពូរបស់គាត់។ ក្រោយមកក៏មានសមត្ថកិច្ចនគរបាល ចុះទៅពិនិត្យសាកសព ថាពិតជាជាត្រូវលង់ទឹកស្លាប់មែន រួចបានប្រគល់ឲ្យបងប្អូន កូនក្មួយ និង ក្រុមគ្រួសារដើម្បីនាំយកទៅធ្វើតាមប្រពៃណី៕
ចែករំលែកព័តមាននេះ