ប្រទេសអាហ្វហ្គានីស្ថាន ៖ បណ្ដាសារព័ត៌មានក្នុងស្រុករាយការណ៍នាថ្ងៃទី៩ មិថុនាថា កងកម្លាំងតាលីបង់បានប្រកាសពីបទឈប់បាញ់គ្នារយៈពេល៣ថ្ងៃជាមួយរដ្ឋាភិបាលអាហ្វហ្គានីស្ថាន នាឱកាសបុណ្យសាសនាប្រចាំឆ្នាំ AID-EL-FITR ។
យោងតាមទូរទស្សន៍ 1TV ថា ក្រុមតាលីបង់បានចេញបញ្ជាដល់យុទ្ធជនរបស់ខ្លួន កុំឲ្យវាយប្រហារលើកងកម្លាំងសន្តិសុខអាហ្វហ្គានីស្ថាន អំឡុងពេលបុណ្យ AID-EL-FITRដែលចាប់ផ្ដើមនាដំណាច់ខែរ៉ាម៉ាដាន គឺអាចនាថ្ងៃទី១៤ ឬ១៥ មិថុនា។ ទោះបីយ៉ាងណាក្នុងសេចក្ដីប្រកាសមួយរបស់ខ្លួន ពួកតាលីបង់បានផាត់ចេញកងកម្លាំងបរទេសដែលមានវត្តមាននៅអាហ្វហ្គានីស្ថាន ហើយនិយាយថា យុទ្ធជនរបស់ពួកគេនឹងវាយប្រហារ ពួកទាហានបរទេសនៅប្រទេសនេះ។
ជាលើដំបូងហើយដែលពួកតាលីបង់ ប្រកាសពីបទឈប់បាញ់គ្នាមួយនាឱកាសបុណ្យបញ្ចប់ខែរ៉ាម៉ាដាន។ មុននេះប្រធានាធិបតីអាហ្វហ្គានីស្ថាន ក៏បានស្នើបទឈប់បាញ់គ្នាមួយជាមួយពួកតាលីបង់ នាឱកាសបញ្ចប់ខែរ៉ាម៉ាដានដែរ៕
ចែករំលែកព័តមាននេះ