ខេត្តឧត្តរមានជ័យ ៖ នាពេលថ្មីៗនេះតំបន់រមណីដ្ឋានធម្មជាតិរលុះធំ ដែលគេតែងតែហៅថា ជាតំបន់ដីច្រោះមានទំហំលើផ្ទៃដី៤គីឡូម៉ែត្របួនជ្រុង នាពេលបច្ចប្បន្នកំពុងតែទាក់ទាញភ្ញៀវនៅក្នុងតំបន់នឹងនៅក្រៅតំបន់ចូលលេងកម្សាន្តដោយខុសប្លែកពីសព្វដង ហើយតំបន់រលុះធំ ស្ថិតនៅតាមខ្សែបន្ទាត់ព្រំដែនជួរភ្នំដងរ៉ែក កម្ពុជា- ថៃក្នុងភូមិសាស្ត្រក្រុងសំរោង ខេត្តឧត្តរមានជ័យ ។
យោងតាមសម្តីព្រឹទ្ធចារ្យចាស់ទុំដែលមានវ័យ៨០ឆ្នាំ រស់នៅក្នុងតំបន់នេះបានរៀបរាប់ថា នៅតំបន់ទេសចររលុះធំ ឬដែលគេហៅថា តំបន់ដីច្រោះ ដោយឡែកអ្នកភូមិគេហៅថា តំបន់ដីច្រាបធំ ដោយពពួកសត្វព្រៃគ្រប់ប្រភេទនាំគ្នាចូលទៅស៊ីកន្លែងដីនោះ ដែលមានរស់ជាតិប្រៃ ហើយតំបន់រលុះធំនេះ មិនមែនទើបតែកើតមានទេ គឺកើតមានតាំងពីយូរណាស់មកហើយ ប្រជាពលរដ្ឋនៅក្នុងតំបន់នេះនៅពេលនូវរដូវបុណ្យទាន សែនព្រេន ឡើងអ្នកតាបាននាំគ្នាទៅជួបជុំគ្នាបន់ស្រន់ បួងសួង សុំសេចក្តីសុខសប្បាយជារៀងរាល់ឆ្នាំ ។
ទន្ទឹមនឹងមានការចាប់អារម្មណ៍ពីសំណាក់ភ្ញៀវនៅក្នុងតំបន់ខាងលើ នៅក្រៅតំបន់នេះ លោកស្រីធិននី មន្នីរស្មី ប្រធានមន្ទីរទេសចរខេត្តឧត្តរមានជ័យ នៅរសៀលថ្ងៃទី១០ មិថុនា ២០១៨ បានឱ្យដឹងតាមរយៈលេខទូរស័ព្ទថា ផ្ទៃដីតំបន់ទេសចររលុះធំ ដែលត្រូវបានគ្រប់គ្រងលើផ្ទៃដី៤គីឡូបួនជ្រុង តែនៅពេលសម្តេចធ្វើការអភិវឌ្ឍន៍ផ្លូវយុទ្ធសាស្ត្រមួយខ្សែនៅតាមខ្សែបន្ទាត់ព្រំដែន ត្រូវបានពលរដ្ឋមួយចំនួនចូលទៅរស់នៅតាមបណ្តោយផ្លូវយុទ្ធសាស្ត្រ ក្រោយមកក្រុមអាជ្ញាធរមូលរដ្ឋានបានស្នើសុំកាត់ផ្ទៃដីអស់មួយចំនួន បច្ចប្បុន្ននៅសល់៣០០ហិកតាដែលត្រូវរក្សាទុក្ខ ។
លោកស្រីបានបញ្ចាក់ថា នៅក្នុងខេត្តឧត្តរមានជ័យមានតំបន់ទេសចរធម្មជាតិចំនួន៧កន្លែង តំបន់ទេសចរទីទួលបូរាណ តំបន់ទេសចរប្រាសាទ និងតំបន់ទេសចរប្រវត្តិសាស្ត្រ ដំណាក់ការចុងក្រោយនូវរបបខ្មែក្រហមសរុបទាំងអស់១៤៥កន្លែង ដោយឡែកនៅតំបន់ខ្លះមានភ្ញៀវជាតិ និងភ្ញៀវអន្តរជាតិបានចូលទៅលេងកម្សាន្តបាននឹងកន្លែងផ្សេងៗទៀត ដោយមិនអាចចូលទៅទស្សនាបាននោះទេ ដោយសារតែមិនទាន់បានធ្វើការអភិវឌ្ឍន៍ ។
ទាក់ទិនតំបន់ទេសចរធម្មជាតិរលុះធំនៅរសៀលថ្ងៃទី១០ មិថុនា ២០១៨ នេះលោកស ថាវី អភិបាលខេត្តឧត្តរមានជ័យបានឱ្យដឹងតាមរយៈលេខទូរស័ព្ទថា តំបន់ទេសចររលុះធំដែលមានការចាប់អារម្មណ៍ពីភ្ញៀវនៅក្នុងតំបន់ និងក្រៅតំបន់អាជ្ញាធរខេត្តបានគ្រោងលើគម្រោងមួយធ្វើការអភិវឌ្ឍដូចជា សាងសង់ព្រះដ៏ធំមួយអង្គដែលស្ថិតនៅលើកំពូលភ្នំដងរ៉ែក ជីកស្រះទឹក និងអាងស្តុបទឹក បន្ទប់ទឹក ទីកន្លែងបង្គន់អនាម័យសម្រាប់ភ្ញៀវ លើពីនោះទីកន្លែងចតរថយន្ត រួមទាំងទីកន្លែងលក់ដូរម្ហូបអាហារឱ្យមានអនាម័យ និងតម្លៃសមរ្យ ៕
ចែករំលែកព័តមាននេះ